築間幸福鍋物

成日去旺角，唔通係人都想去旺角咩，啲嘢食多到好難揀有選擇困難就辛苦。想咩都食吓又唔想食頹嘅，就啱晒去呢間打邊爐，聽朋友講喱間在台灣一年銷售900萬鍋的國民火鍋品牌，呢排終於海外首店揀左香港。咁話晒我都係一個Foodie，梗係要試吓先。門口就好台式，勝在冇平時啲酒樓打邊爐咁嘈，可以兩條友仔吹吓水。咁套餐附湯底＋主食＋任食33款蔬食自助吧100分鐘＋飲料＋甜點就$165起，另外平日午市主餐＋自助吧任食100分鐘$88起。呢個價錢係平，但係都要睇睇質素。食物我就唔做一一介紹啦，睇相都知係對得住個價錢。打邊爐任食都係嗰啲啦，唯一特別啲就係有雪糕同埋creme brulee，啱晒食完油膩嘢清下口，做一個完美嘅句號。