築間幸福鍋物

築間幸福鍋物係台灣一年銷售900萬鍋的火鍋品牌，海外首店在香港，午市主餐＋自助吧任食100分鐘最低$88起, 想食得豐富啲所以就去咗食佢嘅100分鐘放題！套餐附湯底，選了鎮店招牌石頭湯及日式柴魚干貝清湯！主食＋任食33款蔬食自助吧100分鐘＋飲料＋甜點只係$165起！ 餐廳環境大坐得舒適！肉類包括有紐澳嫩羊肩, 澳洲黑毛和牛霜降及冷藏手切溫體牛， 肉質鮮嫩juicy! 走地雞厚切美味不錯海鮮類款式很多，例如有龍薑石斑魚片, 海潮鮮鱸魚及海虎蝦，都非常新鮮高質素!另外有肉丸，多款青菜， 特式甜品及任飲， 飽到撐住肚皮！ 甜品有乳酪及黑糖白玉起司，白玉Q彈，幾特別！ 整餐非常滿足！

旺角築間幸福鍋物係火鍋界既頂尖品牌，在台灣一年銷售超過900萬鍋，可見深受食客喜愛，作為品牌既海外首店，香港分店延續其高質量及多元化既招牌火鍋特色。餐廳提供多樣化套餐，價格親民且內容豐富，平日最低$88即可享用包括主餐、任食33款蔬食自助吧；而火鍋放題則附湯底、主食、飲料及甜點，由$165起跳，讓食客享受100分鐘既自由選擇，性價比突出；自助吧提供新鮮蔬菜和健康食材，適合追求均衡飲食既食客。火鍋配料選材上乘，肉類種類豐富，包括美國板腱牛、美國熟成霜降牛及冷藏手切溫體牛，入口滑嫩；澳洲黑毛和牛霜降及冷藏手切松板豬展現極致肉質；而伊比利黑豬梅花、嚴選梅花豬及紐澳嫩羊肩，則以品質卓越著稱；海鮮方面亦不遑多讓，龍躉石斑魚片、三文魚片、鮮蚵和海虎蝦新鮮甜美，極具吸引力。總結，火鍋店環境明亮，木質桌椅讓人倍感舒適，員工服務態度友善，仲會定時為我們加湯，令人有賓至如歸既感覺。

【築間幸福鍋物】任食一人一鍋，正宗台灣火鍋🍲湯底足料夠味 唔洗就同行食唔食辣仲要任食超抵😆值得讚嘅係佢地加湯唔係加水 會根據你係咩湯底補加返☺️老火淬濃雞湯💰$25好足料，個湯越煲越濃，啲雞味好出，仲有小小八角，藥材味道，啲食物唔洗加太多調味，就可以食到湯底嘅原汁原味。淥菜食好夾呢個湯底，啲菜吸晒啲雞味 呢個湯底超好食👍🏻台式麻辣湯💰$38唔會辣到完全食唔到，麻味好重，湯底嘅調味好足，唔會死辣，淥肉食特別好味，令肉味提升極奢套餐💰＄279 (午餐) /＄319 (晚餐)啲野食多到爆😂 牛同豬都勁多選擇 我哋叫咗一輪已經飽到食唔晒唔😂如果覺得自己食唔哂咁多，都仲有其他套餐可以選擇，連埋自助吧枱，嘅菜同丸，都一樣好多款可以選擇~

留港消費 相當無癮 尋日約朋友去旺角某一間火鍋店任食邊爐入座前reception同事提醒浪費食物會被罰錢我都不以為意之後佢比QR code我哋order食物我朋友掃完QR code order完食物之後到我掃同一個QR code再上order食物嘅時候就發現要隔7分鐘先至可以再掃一次QR code 而我同時都發現每次order食物最多只可以叫七碟食物我隔7分鐘之後再掃一次QR code之後等咗20分鐘先至有另一類嘅牛肉上枱於是我就客氣地問職員100分鐘任食每隔7分鐘只可以order七碟食物但會order一次都要等20分鐘先至可以送出食物我想問咁樣請任食全場得四台人坐間鋪已經係冇生意職員服務態度冇問題但規矩相當奇怪同埋為難食客埋單成為每位三百幾真係冇下次

「**築間幸福鍋物**」是台灣的火鍋品牌，以高CP值和豐富的食材選擇聞名，品牌主打多種湯底（如麻辣、養生、番茄等）和高品質主餐（牛肉、豬肉、海鮮等），並提供33款蔬食自助吧、無限暢飲飲料及甜點，100分鐘的用餐時間讓顧客盡情享用。套餐價格從$165起，平日午市更推出最低$88的優惠，適合上班族,築間從台灣本土市場拓展至香港，結合當地飲食文化，提供品質的火鍋體驗，無論是平日午餐還是假日聚餐，都是一個值得推薦的高性價比的餐廳。

之前同朋友食燒肉個陣留意到築間幸福鍋物，睇到呢個名覺得好正咁，今次生日就帶朋友嚟食極奢套餐，佢覺得好有台灣feel！一入去就已經感受到服務生嘅熱情，食物佢又滿意。首先，湯底都有唔少選擇，我就揀左好有台灣風味嘅麻辣奶香湯和石頭湯，湯底濃郁。麻辣奶香湯帶有微微的麻辣感，個中奶香又令湯底更豐富；而石頭湯用好多熬很，味道鮮甜，兩種湯底各有特色。極奢套餐個食物種類選擇有好多，各種海鮮，肉類都一應俱全。最吸引我嘅係佢嘅肉類，特別係牛肉，澳洲黑毛和牛霜降油花分布均勻，牛味濃郁，食落好嫩滑，仲有唔同款嘅牛肉，手切溫體牛同手切澳洲和牛同樣係好食到停唔到。另外海鮮都好新鮮，佢蝦都有2，3款，大大隻蝦，啖啖肉又彈牙；、沙白，魷魚，鱸魚，龍躉石斑魚片都好新鮮。任食打邊度有咁既質素真係非常出色。除此之外，自助蔬菜區嘅材料都比普遍有質素，多種新鮮嘅蔬菜任你選擇，從脆口的生菜到清香的香菇，全部都保持住新鮮感。有唔少台灣特色嘅餃子同食材。最後，甜品部分亦不可錯過！唔同口味嘅奶酪，焦糖布蕾，感受到清新的香甜味道，再加充滿台灣風味的特色飲品作個完美的結尾。

本身今晚打算去食片皮鴨，點知夾公仔夾耐咗要轉陣去其他地方😂近近睇見到有間台式火鍋就入去試吓啦😚位於文華中心既築間，見到佢OpenRice個評分都幾高。佢一共有四個套餐，我哋揀咗中間價位嘅豪華套餐。基本上所有肉類我哋都有試過一次，全部都切得比較薄身，淥兩三秒都已經熟晒，但係全部口感都幾細嫩，唔鞋口。🐂牛嚟講以美國牛板腱為最出色，雖然牛味唔係好重，但係油脂分布都幾平均。🐖孤陋寡聞的我，到咗今時今日先知原來松阪肉即係豬頸肉😂而家唔係好多地方有豬頸肉打邊爐，所以都幾欣賞佢。🐑今餐食羊肩胛食得比較多，因為係呢個Level嘅餐先至有佢。羊味好濃，怕蘇嘅人可能接受唔到。但係我就覺得對比起另一款羔羊佢就出色好多了。另外餐入邊都包括海鮮任食🦐蝦就比較細隻啲，我哋叫咗一轉就冇再叫🦑尤魚我覺得佢好有誠意，原條上，而且好厚肉🐟魚都係我哋呢個餐先至有嘅，都係好厚肉，而且好神奇地一啲都唔腥。平時打邊爐如果有呢款多數都有少少腥味嘅🤨🦪本身以為蠔係回本位，不過原來佢啲蠔十分細隻，好似蠔仔粥咁嗰啲size店內大部份店員都係台灣人，入到去真係有一種好似去咗台灣打邊爐嘅感覺😂不過如果想去嘅話記得早少少去啊，因為舖頭11:0

認識這間一人火鍋店，是在台北門町，作為台灣一年銷售900萬鍋的火鍋品牌，在台北旅遊的幾天裡已Encore了一次，沒想到海外首店會選在香港，還座落旺角鬧市中！一人火鍋套餐限時100mins，湯底、主食、蔬菜自助吧、飲品、甜點由$165起，平日Lunch Time更低至$88起。店內裝修的確有幾分台灣店的風味，尚算闊落舒適。湯底14個湯底讓人心大心細，最後選擇了台灣年售超過500萬鍋的鎮店招牌石頭湯（$22）。利用炒洋蔥、蒜頭、海鮮乾和麻油製成，鮮甜濃郁。友人的松露燦金雞湯（$32）的松露味突出，雞湯清澈養生，相比之下，較為清淡。極奢套餐 $319肉類倆口子都是牛魔王，餓底出動，選擇食物款式最多的極奢套餐，無限任食美國板腱牛、美國熟成霜降牛、冷藏手切溫體牛和澳洲黑毛和牛霜降。看到完美的雪花，吃到牛肉的鮮味，Encore幾輪每一款都是同樣靚仔，也沒有未完成解凍的冰粒，抵讚！另外，豬肉也很高質出色，冷藏手切松阪豬肉像是豬頸肉，口感爽脆，油香爆發。伊比利黑豬梅花也很嫩滑鮮味。海鮮方面，鮮蚵、三文魚片和石班魚片也在推介名單之上，特別是大大粒的新鮮蚵仔，鮮味飽滿，與湯底很搭！飲品 雖然沒有自助飲品櫃

睇黎我地都係中伏二人組黎架啦～～睇介紹係台灣好出名，我地就擔粗粗黎試下。揀左$239/90分鐘個餐（湯底另外加錢）,QR CODE 落單，每次可叫6款，7分鐘後至可以再落單～我估原意係唔想客人瘋狂咁叫，之後眼闊肚窄，浪費左食物。不過店員都好好，話如果想叫野食但app未得，可以向佢地order💪最緊要最後係食得晒既🤭但係大家都可以放心，因為食物種類唔多，想亂點亂叫都無從入手😆食物方面不過不失，無乜特别。甜品有3款～都係奶酪底再加調味，我就幾鐘意個奶酪底，質地同味道都岩岩好，黑糖白玉好好味👍飲品種類少亦不見台灣特色😔自助食物區，比起其他任食邊爐真係略嫌失色。可能係我期望太高，所以失望越大😑好彩～所有店員都好好禮貌，上菜快，亦無漏單，睇得出佢地對客人好用心，令今次用餐體驗加分👍呢度我覺得比較適合1至2人黎，太多人聚餐應該無時間食，亦無乜野食😆而呢個價位仲有好多選擇架～～～

今日落雨涼涼地，忽然好想打邊爐，就揀左呢間台灣一年銷售900萬鍋的火鍋品牌，係海外首店在香港台式半自助火鍋店 - 築間幸福鍋物，食晏晝火鍋任食放題。門口睇左menu之後，因為想食靚啲嘅肉，我地揀左極奢套餐，今日係星期六，所以每位$319加一。套餐附湯底＋主食＋任食33款蔬食自助吧100分鐘、飲料、甜點。湯底坐低之後就揀湯底，我地要左日式柴魚干貝清湯同老火淬濃雞湯。干貝清湯飲落好清甜，打邊爐落靚肉最啱，個湯裡面仲有好多小元貝粒。而個雞湯就有啲似中式老火湯，飲落好香濃好足料，個湯入面見到好多雞腿肉同蘑菇做配料。肉類牛肉方面，我地點左澳洲黑毛和牛霜降，冷藏手切溫體牛同美國熟成霜降牛，牛肉平均質素唔錯，食落都有牛味唔嚡口，我地推介係澳洲黑毛和牛霜降，佢表面油花好靚，每一塊切得厚薄剛剛好，淥幾秒就食得，我地都encore左1次。豬肉方面就試左伊比利黑豬梅花同嚴選梅花豬，兩款豬肉食落口感有嚼勁，脂肪適中，最緊要係食唔到豬騷味。仲有估唔到嘅驚喜係碟走地雞，成碟都係雞腿肉，食落冇雪藏味，同埋肉質好有彈性，淥耐左都唔嚡口。海鮮海鮮方面，我地點左三文魚片，鮮魷魚同龍躉石斑魚片。而我地最推介就係龍躉石斑魚片

又一個被宣傳攻勢呃左嚟食嘅餐廳 用台式火鍋名號作招徠 嚴重中伏！！以下就係我覺得呢間餐廳令人失望嘅方地：1. 人手嚴重不足雖然店員態度正正常常 無黑面 但由於店內只有3-4人於樓面工作 導致帶位、沖嘢飲、出餐、執枱、倒湯都極慢 老闆有夠慳皮 做到啲人踢晒腳2. 衞生情況欠佳於醬料區 裝蒜蓉容器內發現頭髮 裝醬料嘅碟油淋淋有毛 3. 食物質素一般選擇咗Level 3 豪華套餐 到點餐先發覺極少嘢食 貴少少嘅牛 無咩牛味 海鮮又少種類 份量少 自助蔬菜區亦極少選擇 湯底要額外加錢 但味道都一般 甜品簡直係Hea爆人均$338找數 性價比很低4. 多次強調食唔晒要罰錢本身apps要每7分鐘先可以落單 但店員多次強調「食唔晒要罰錢」令到成件事好掃興 浪費食物固然唔好 一係就張貼於門口、枱面、牆壁當眼處 都唔需要每點一次餐就提一次總結：不推介嘅劣食邊爐

🍲之前行Donki，知道呢間餐廳開咗差不多一年，喺台灣好出名，一年銷售成900萬鍋嘅火鍋品牌；而香港就係第一間海外分店。🍲晏晝同咗朋友又嚟旺角行街同行Donki，就順便喺度食埋午餐，睇睇餐牌，都幾多套餐。套餐包湯底、主食、同任食幾十款蔬菜自助吧、野飲同甜品，但限時100分鐘。🍲近排同朋友都遇着唔少開心事，我哋就揀咗極奢套餐。湯底朋友揀咗特濃蕃茄湯，我就揀咗爆炒龍蝦湯，蝦味同蒜油味濃郁🦐。🍲牛肉都唔少選擇，有牛五花、牛板腱、美國霜降牛、手切溫體牛、澳洲和牛、澳洲黑毛和牛霜降。點咗幾款牛試，每片都切得好薄，油脂分布好平均，淥幾下就食得，食落又唔會有筋，整體嚟講牛嘅質素好好👍🏼🍲豬肉都唔普通，有雪花豬腩、梅花豬、松阪豬肉同黑豬梅花。試咗黑豬梅花又幾有驚喜，似豬頸肉咁爽，但更有咬口。🍲其次仲有雞同羊，而海鮮都有10零款，最鍾意虎蝦大大隻夠鮮甜；龍躉石斑魚片肉質彈牙夠脆；沙白肉夠大粒。🍲主食方面其實都好想試埋豬油飯同說蟹膏鮭魚卵拌飯，不過真係有啲飽驚食唔落就冇叫到。🍲尾聲我哋叫咗一個焦糖布蕾🍮同芒果奶酪，焦糖布蕾值得一讚👍🏼表面焦糖脆脆的，入面布丁就順滑，入口即溶。🍲嘢飲就鳳梨冰茶幾特別，入面有

係台灣食過好出名既無老鍋，我自己覺得馬馬，但係今日有Fd出糧請食飯，佢竟然話Lunch想打邊爐就帶左我黎食築間，佢話係台灣年銷售過萬既靚字號，我既食後感係真係唔錯wo，舖頭係正朗豪坊對面，E出口一上轉右就到，一啲都唔難搵，同台灣一樣，佢係方形枱兼一人一鍋，比起港式邊爐Chill同享受性高好多，佢有四個唔同價錢，我地食Lunch又想食和牛就嗌左$279既餐！*佢呢度係人頭收費，一個價錢就包左湯底(十幾種選擇)+任食既主食同蔬菜吧100mins＋仲有飲品同甜品，包滿足！太多好多食，我就略略揀最鍾意同少少分類去講啦澳洲黑毛和牛霜降 — 刀功非常好，切薄到紙咁，簡單落湯一浸就已經可以拎上黎食冷藏手切溫體牛 — 牛味好重，細細一塊但比其他厚身牛板腱 — 將原本厚厚既牛板腱薄切到可以烚下烚下，一樣咁好味，口感一流美國熟成霜降牛 — 我個人覺得佢係牛味最 濃厚，口感鞋身得黎有咬口伊比利黑豬梅花 — 油脂比較分佈平均，有豬味澳洲嫩羊肩— 膻味淡淡，就算怕膻既人都唔需要擔心，入口實淨好味鱸魚 — 兩個魚我都鍾意，如果你鍾意食蟹既我建議鱸魚，因為佢既肉一疏一疏，口質好似蟹肉石班片 — 石班片就實淨彈牙，骨

見到網上評價唔錯，係台灣一年銷售900萬鍋嘅國民火鍋品牌，第一間海外分店就揀咗黎香港開，緊係要黎食下~套餐包湯底＋主食＋任食自助吧＋飲料＋甜品，限時100分鐘，都係$165起，平日午市主餐最低$88起添，又豐富又抵食。環境非常整潔寬闊，一啲都唔逼，坐得好舒服。今次要咗極奢套餐。湯底有石頭湯同龍蝦湯，石頭湯有唔少乾魷魚作配料，而龍蝦湯非常香濃。肉類選擇非常多，而且好鮮甜，個人最中意霜降牛同豬梅花，肉味非常濃。海鮮方面，估唔到居然有海虎蝦，大大隻，蚵仔好肥美，三文魚同魚片冇骨又嫩滑。自助吧有唔少蔬菜同丸類，任君選擇~最後仲有飲品同甜品，甜品有焦糖布丁同埋唔同味嘅奶凍。

最近去咗旺角嘅築間幸福鍋物，呢間台灣一年銷售900萬鍋的火鍋品牌，終於登陸香港🤩👏平日午市主餐＋自助吧任食 ，最平都係$88 起，用餐時間100分鐘。我同朋友揀咗$279極奢放題，由湯底到肉類、海鮮都高質好食，真係物超所值😋😋👍❣️❣️餐廳環境寬敞舒適，服務都不錯～一人一鍋可以揀唔同湯底🥰湯底足料又好味！❇️老火淬濃雞湯，雞味好香濃，味道突出，飲落好暖胃❇️爆炒龍蝦湯既龍蝦味濃郁，夠晒鮮味👍👍套餐包咗多款肉類、海鮮、主食:❇️美國牛板腱、熟成霜降牛🐮🐮🥩🥩🥩兩款牛都高質！油花分布均勻，輕輕一灼就已經好嫩滑，入口即化，牛味濃郁🤤💓💓❇️伊比利黑豬梅花、松阪豬都肉質鮮嫩吃得出的優質食材🐷❇️草原嫩羔羊都好好味，肉質軟嫩，唔會太韌😋❇️海虎蝦、龍躉石斑魚片、極甜鮮魷魚、沙白、鮮鱸魚🐟🐟🦑🦑🦐海鮮全部都好新鮮‼️海虎蝦非常大隻！蝦肉質彈牙，鮮味十足～沙白漲卜卜夠大隻，鮮魷魚爽口鮮甜。特別必點石斑魚片，魚肉細嫩好食🤩👍👍❇️自助蔬菜配料區既款式唔少，蝦滑和墨魚滑都不錯❇️阿里山冷泡烏龍茶、鳳梨冰茶🍍🍍台式飲品清新解膩，唔會太甜好好飲～❇️甜品揀咗芒果奶酪，口感細滑，芒果味濃郁🥭完美為呢餐畫上句號🥰💓💓📍 築間幸福鍋物