走過十萬八千里找到你

营业中

休息中

自己一個想搵地方正整地食吓嘢，樓上Cafe係最好選擇，上到嚟見到裝修幾靚，充滿花花，感覺雅致。好，坐低睇吓有咩好食先。蕃茄忌廉湯，蕃茄味重，但又唔會酸。餐包暖笠笠，可以點下湯。酥炸軟殼蟹黑松露扁意粉，軟殼蟹好酥脆，個身好有肉，腳仔炸得好脆。除咗黑松露，仲有幾款菇類做配菜。意粉有點點黑松露，掛滿忌廉汁，扁意粉夠煙韌，軟硬度適中。玫瑰果洛神花茶，微酸嘅花茶，令人精神一陣。隔離有束靚靚乾花，配襯返花茶。