火土燒肉

朋友生日食肉肉慶祝🎉去左呢間以露營為主題嘅燒肉餐廳，餐廳設施同裝修都非常配合主題，餐具器皿甚至座椅都係露營專用，就算落雨天都可以有露營體驗⛺️🔸燒肉蛋糕🔸生日點可以冇蛋糕😆比起一般忌廉蛋糕，呢個燒肉蛋糕更加適合食肉獸嘅朋友😳蛋糕用雪花牛肉砌成，牛肉有厚薄兩款，脂肪均勻🤤食個陣可以沾紅酒汁或燒肉汁，個人私心推薦紅酒汁，味道特別亦令燒肉更惹味😋以前仲可以係蛋糕上點煙花當蠟燭，但原來宜家已經冇左...嗚嗚嗚🥹🔸厚燒牛舌配月見松露醬汁🔸大大舊超厚牛舌！咬開有肉汁流出，食落好爽口😍就咁食已經好有牛味，加埋個月見松露汁簡直係perfect match😍🔸蒲燒鰻魚件🔸啖啖肉嘅鰻魚，燒完金黃色嘅外皮香脆，肉質結實，咬開依然鮮嫩，名副其實外脆內軟🤤🔸海鹽菠蘿梳打🔸用露營杯裝嘅飲品特別有feel😆連同杯邊嘅海鹽一齊飲，入口先有少少海鹽鹹味，其後帶有菠蘿清香嘅甜味，甜甜地鹹鹹地，加上有氣梳打配燒肉一流👍而家就算去唔到真嘅露營，都可以嚟過下癮😳一切設備齊全，天氣好仲可以去餐廳嘅戶外場地，同朋友邊燒肉邊吹水好好feel✨