霸嗎拉麵 (金巴利道)

营业中

休息中

同朋友係附近睇完戲都9點幾，近近地又唔使有選擇困難，就食快靚正拉都，呢間仲要有雞白湯拉麵，一般都食開豬骨湯，不過雞湯仲好味。羽根燒餃子 $35，羽根即羽毛，餃子連住一塊輕盈如羽毛的麵粉薄脆，口感很香脆，比一般煎餃子更好食，肉餡幾多，菜肉均衡，唔會好多汁，味道仲帶點辣，幾好味。雞叉燒味玉雞白湯拉麵 $88，雞湯濃而不膩，雞味突出，飲得出個湯熬左好耐出哂味。麵係幼身有咬口，都掛到湯汁。雞叉燒超正，厚身嫩滑，雞肉好彈牙，味玉也夠入味，醬油味與半熟蛋黃好香濃美味。炙燒豚肉味玉拉麵 $88，豬骨湯好濃調好香，不過咸左少少，豚肉經炙燒，有油香，豚肉都係厚身，但肥肉偏多，整體味道不錯。