霸嗎拉麵 (金巴利道)

营业中

休息中

放長假外出食晚餐，揀左好耐冇食的拉麵，係最愛雞白湯拉麵，有雞湯鮮甜，唔似平時豬骨湯咁膩。雞叉燒味玉雞白湯拉麵熱辣辣好香，雞白湯濃而不膩，係咸左少少，但幾鮮甜。成碗都係雞，除左湯底係雞湯，連叉燒都係雞肉。雞叉燒好正，有2大塊，厚切啖啖肉，肉質嫩又彈，雞皮唔肥又薄，仲好香。味玉糖心做得好好，流心又入味，味道相當濃郁，仲多份酒香味，好正。麵質好咬有麵粉香，掛到湯汁好吸味，份量亦足夠。炸雞 $15有2件，不過口感麻麻地，雖然炸得脆身，但雞肉乾左d，同埋肉質老哂。