影片
更多
2024-06-30
470 浏览
最近幾HIT嘅居酒屋，襯熱鬧又去試一下。位置係長沙灣尾，靠近美孚嘅地方。門面裝修都唔錯，不過周圍就較為荒蕪。冇諗過會有間居酒屋。大約六點半左右抵達，舖頭已經坐滿超過一半，VIP房應該都係有人，可想而知都幾受歡迎。有評論話服務好差，衛生亦唔好，但今日親身感受係還好。一入舖面就有人安排我地坐BAR枱，一個可以睇到師傅製作料理嘅坐位。侍應有幫忙上座，坐低即時奉上熱茶。進餐廳途亦有不停添飲，未有某啲評論所提及服務不周嘅情況。我型居酒屋就當然好難要求有好似高級餐館嘅侍應寒暄，或者超小型居酒屋嘅友善交流。至於衛生方面，環境乾淨，生熟食物有分開帖板。我個人覺得係還好。🔸🔹🔸🔹🔸🔹🔸🔹🔸🔹🔸🔹🔸🔹今日目的係幾款招牌月見丼，得兩個人，只可以試到兩個。和牛比較特別，所以最後叫咗一個月見海膽拖羅丼，同一個月見和牛丼。現場見到師傅好有心機砌，仲小心翼翼放上橙紅色雞蛋黃。兩個丼一上枱已經令人食指大動。丼飯用一個金砵嚟盛載，原本以為好細個，點知原來都有返咁上下大。金丼-月見海膽三文魚籽拖羅丼|$198出色。海膽夠新鮮，混和雞蛋，充滿蛋白質嘅味道。再加埋拖羅蓉同三文魚子，混埋醋飯好好食！拖羅頗新鮮，但味道唔算濃厚，
位置係長沙灣尾，靠近美孚嘅地方。
門面裝修都唔錯，不過周圍就較為荒蕪。
冇諗過會有間居酒屋。
大約六點半左右抵達，舖頭已經坐滿超過一半，
VIP房應該都係有人，可想而知都幾受歡迎。
有評論話服務好差，衛生亦唔好，
但今日親身感受係還好。
一入舖面就有人安排我地坐BAR枱，
一個可以睇到師傅製作料理嘅坐位。
侍應有幫忙上座，坐低即時奉上熱茶。
進餐廳途亦有不停添飲，
未有某啲評論所提及服務不周嘅情況。
我型居酒屋就當然好難要求有好似高級餐館嘅侍應寒暄，或者超小型居酒屋嘅友善交流。
至於衛生方面，環境乾淨，生熟食物有分開帖板。
我個人覺得係還好。
🔸🔹🔸🔹🔸🔹🔸🔹🔸🔹🔸🔹🔸🔹
今日目的係幾款招牌月見丼，
得兩個人，只可以試到兩個。
和牛比較特別，所以最後叫咗一個月見海膽拖羅丼，同一個月見和牛丼。
現場見到師傅好有心機砌，
仲小心翼翼放上橙紅色雞蛋黃。
兩個丼一上枱已經令人食指大動。
丼飯用一個金砵嚟盛載，原本以為好細個，
點知原來都有返咁上下大。
金丼-月見海膽三文魚籽拖羅丼
$198
1 浏览
0 赞好
0 留言
金丼-月見海膽三文魚籽拖羅丼|$198
出色。海膽夠新鮮，混和雞蛋，充滿蛋白質嘅味道。再加埋拖羅蓉同三文魚子，混埋醋飯好好食！拖羅頗新鮮，但味道唔算濃厚，加埋一咬即爆汁嘅三文魚籽，平衡返海膽同生雞蛋嘅厚重味，Creamy嘅口感，香濃嘅味道，值得一試。
銀丼-月見生和牛三文魚子丼
$238
1 浏览
0 赞好
0 留言
銀丼-月見生和牛三文魚子丼|$238
呢款係比較令我失望嘅。望上去賣相好靚，但牛刺身並冇佢應有嘅鮮味。腥味冇乜，但牛味都冇乜。唔知係咁岩今日嘅牛唔夠靚定係本身並冇認真揀選過可以用嚟做刺身嘅牛肉？係日本食過牛刺身入口如拖羅，鮮味濃郁。呢個丼提供唔到呢種享受⋯但三文魚子同雞蛋都好靚，佢地自己撈飯已經一流。不過剩係三文魚子生雞蛋就對唔起呢個價錢。下次再食我唔會揀佢。
🔸🔹🔸🔹🔸🔹🔸🔹🔸🔹🔸🔹🔸🔹
由於兩個丼其實都唔係好需要咩技巧，所以我哋另外叫咗兩串串燒。反而串燒唔錯，俾到我少少驚喜。
串燒三文魚腩及黑豚五花腩
0 浏览
0 赞好
0 留言
三文魚腩串|$38
屬於當日嘅時令料理，魚皮燒到脆卜卜，魚油同魚肉各佔一半，入口即化。油香豐厚，食一串還好唔怕漏，但食多串應該唔得😂
黑豚五花腩| $58
一樣都係腩位，彈牙有油份，同樣燒得岩岩好所以唔膩，有少少焦脆，有肉香，唔會太乾太硬。日式串燒嚟講，合格有餘。
🔸🔹🔸🔹🔸🔹🔸🔹🔸🔹🔸🔹🔸🔹
辣味三文魚自家製玉子豆腐
$78
0 浏览
0 赞好
0 留言
辣味三文魚自家製玉子豆腐|$78
有啲莫名奇妙嘅前菜。個豆腐唔錯，有豆香。同睇得出係自家制。但純粹係件豆腐加啲菜，係碟邊圍幾片三文魚，唔係好知呢道菜式點諗出嚟，大概係要撈嚟食？除咗個豆腐幾香其他都冇咩特別，可以省略。
最後仲叫咗個望落幾好食嘅甜品，但⋯都幾貴下😂
金酒屋手制日系法式慕絲蛋糕
$88
1 浏览
0 赞好
0 留言
金酒屋手制日系法式慕絲蛋糕|$88
有朱古力/芒果/柚子味，作為朱古力甜品控，我係揀咗朱古力。慕絲超實淨，真材實料，朱古力味濃厚，唔會死甜，仲有朱古力脆脆底，金沙嘅感覺。但⋯$88都係太貴，如果佢係$58就比較合理。未好食到會想用多次$88嚟食，價錢令佢評價稍微打折。
總括而言，味道唔錯，但價錢偏貴，唔算真係好抵食，佢如果可以平返10%左右，會比較吸引。
VIP房適合朋友聚會，不論價錢只論味道，可以去品嚐一下。但個人認為並無二刷需要。
张贴
