火赤

营业中

休息中

去到門口已經有驚喜，門口裝修已經好有特色，唔推門入去都唔知係一間日本燒烤。店內燈光唔係好明亮嗰種，所以比人一種好舒服嘅感覺，好啱啱哋嚟小型聚餐。價錢唔貴，叫杯啤酒，好chill。我哋點咗燒鱈魚乾，師傅燒嗰陣已經聞到好香嘅燒鱈魚乾味，令人好有食慾。燒烤前，有一碟調味料上枱，有7種口味，分別係檸檬鹽、七味粉、一味粉、綠茶鹽、山椒粉、咖哩鹽同柚子鹽。師傅亦好好人，我同朋友口味唔同，我偏重，佢偏淡，師傅會因為唔同人調節串燒嘅濃度同口味。串燒普遍質素都好高，份量好足，整體都好好味。雞心同水牛芝士煙肉卷好有驚喜雞心好爽嫩而且好juicy嘅感覺，照燒汁鹹中帶甜，相當有驚喜。最後叫一個抹茶厥餅做ending無得輸，口感好Q彈，抹茶粉好濃郁，好啱啱哋抹茶控。