影片
更多
2025-02-24
159 浏览
講真，如果冇朋友帶路，我諗我喺澳南海岸行十個圈都搵唔到呢間DHYC點心店😓🫣！明明喺响Monterey商場一樓，但樓下連個指示牌都冇，真係玩緊「隱世名店」嘅極致啊🤣～不過上到去就大開眼界！270度無敵海景，一坐低店員即刻遞嚟一壺暖笠笠嘅青柑普洱，淡淡陳皮香，即刻醒神晒！🔥 先講必點嘅「熱辣辣鮮蝦燒賣」，一咬落去就知龍與鳳！皮薄到透光，入面大大粒橙紅色嘅新鮮蝦肉，彈牙得嚟仲有陣陣海鮮味，絕對唔係冰鮮行貨。旁邊店員哥哥仔仲好自豪話：「我哋每日朝早自己剝蝦㗎！」難怪枱枱都叫返籠啦～🥟 菜苗餃同潮州粉果都係驚喜位！菜苗餃咬開爆汁，菜味好出；傳統粉果入面啲沙葛夠晒爽脆，花生又香口，個皮好薄，煙韌得嚟又唔黐牙。🍤最正係個signature蝦多士，炸到金黃嘅多士脆到「咔嚓」聲，面頭塊蝦膠夠晒厚，仲要配返啲懷舊雜果沙律，即刻解晒膩！🥰🍜 豉油王炒麵真係要畀個鑊氣獎！麵條乾身唔油，韭黃同蔥段爆得香噴噴，食到尾都唔見油積。🥩咕嚕肉都好高水準，外層脆糖衣包住juicy梅頭肉，個酸甜汁唔會死甜，我連伴碟嘅菠蘿同青紅椒都清晒！🤭🤣🐶 仲有，呢度超多人帶毛孩嚟茶敘！狗狗陪住主人，歎住點心睇海景，真係chill到呢
講真，如果冇朋友帶路，我諗我喺澳南海岸行十個圈都搵唔到呢間DHYC點心店😓🫣！明明喺响Monterey商場一樓，但樓下連個指示牌都冇，真係玩緊「隱世名店」嘅極致啊🤣～
不過上到去就大開眼界！270度無敵海景，一坐低店員即刻遞嚟一壺暖笠笠嘅青柑普洱，淡淡陳皮香，即刻醒神晒！
🔥 先講必點嘅「熱辣辣鮮蝦燒賣」，一咬落去就知龍與鳳！皮薄到透光，入面大大粒橙紅色嘅新鮮蝦肉，彈牙得嚟仲有陣陣海鮮味，絕對唔係冰鮮行貨。旁邊店員哥哥仔仲好自豪話：「我哋每日朝早自己剝蝦㗎！」難怪枱枱都叫返籠啦～
🥟 菜苗餃同潮州粉果都係驚喜位！菜苗餃咬開爆汁，菜味好出；傳統粉果入面啲沙葛夠晒爽脆，花生又香口，個皮好薄，煙韌得嚟又唔黐牙。
🍤最正係個signature蝦多士，炸到金黃嘅多士脆到「咔嚓」聲，面頭塊蝦膠夠晒厚，仲要配返啲懷舊雜果沙律，即刻解晒膩！🥰
🍜 豉油王炒麵真係要畀個鑊氣獎！麵條乾身唔油，韭黃同蔥段爆得香噴噴，食到尾都唔見油積。
🥩咕嚕肉都好高水準，外層脆糖衣包住juicy梅頭肉，個酸甜汁唔會死甜，我連伴碟嘅菠蘿同青紅椒都清晒！🤭🤣
🐶 仲有，呢度超多人帶毛孩嚟茶敘！狗狗陪住主人，歎住點心睇海景，真係chill到呢～ 唯一要鬧嘅係...老闆啊！整返個易拉架擺樓下啦，咁正嘅點心唔好收收埋埋喎！話時話，而家你睇完我介紹，就當拎咗張藏寶地圖啦，記得响Donki搭扶手電梯上一樓穿過玻璃門直行轉左行到底就見到㗎喇～
#海景點心 #寵物友善 #蝦控必試
张贴
