回春

营业中

休息中

夜晚行過見到［回春］呢個招牌好突出，吸引到我停低望一望，原來係一間cafe ！開放式水吧 ，播住音樂，氣氛悠閒🎵餐牌有意粉 、意大利飯、All day 、蛋糕、花茶、鮮果汁等，望落雖然偏西式但當中亦有冬蔭公蝴蝶粉同味噌三文魚定食，迎合到唔同口味！💫輕芝士圈圈山楂肉醬意粉烹煮意粉時間剛剛好，咬落質地彈牙，不得不讚醬汁酸甜度調較得好出色，再簡單配搭山楂圈同肉醬已經令人好開胃！💫秘製冬陰青口海鮮蝴蝶粉冬陰功酸中帶辣，但唔係超辣個種，有青口～魷魚等海鮮，從來無諗過冬陰公可以配蝴蝶粉🤭視覺上好可愛而且好入味！可能湯底酸酸辣辣真係好開胃又唔膩，老公基本上飲到見底，仲見到入面有條香茅，証明真材實料👍熱朱古力有心型♡拉花～奶泡質地軟密，入口順滑！凍朱古力味道香濃～頓時放鬆心情同埋工作上嘅壓力🙆🏻‍♀️