家賀屋

想食左灣仔店好多年，最近知道銅鑼灣有分店，即刻要捉朋友嚟一齊食啦，裝修好靚有個大魚缸，店員仲安排左房門比我哋，非常貼心😍北海道白象拔蚌 見到有依個咁抵嘅半價推介，原價$680，特價$338，忍唔住要嗌嚟試下，份量有好多，好鮮甜，仲有個象拔蚌膽，食落好香，口感好特別，配埋秘製嘅酸汁好清新😋鹽燒仙台熟成牛舌芯 $128牛舌雕晒花好靚，好有咬口🤩鹽燒鰝鰺魚頭鮫 $128三文魚或油甘魚鮫就食得多，但鰝鰺魚鮫真係第一次食，其實鰝鰺係深海池魚嘅其中一種，份量好多，仲燒得好香脆惹味👍極丼 $208睇到餐牌見到好吸引，月見，海膽，特上三文魚籽，手切本鮪魚腩蓉，依四樣組合係冇得輸，超鮮味，啖啖都好幸福😍特濃開心果雪糕脆窩夫杯 $68依度點甜品仲有畫碟服務，我揀左小八，畫得真係好靚，甜品都好重開心果味，好抵食。餐廳仲做緊啤酒半價優惠，不過我叫左杯 巨峰提子乳酸梳打酒 $48，紫色好靚，酸酸甜甜，配埋美味嘅食物，真係一流🥰評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺家賀屋銅鑼灣渣甸街66號亨環2樓📍銅鑼灣港鐵站B出口4分鐘路程#healingbobo #food