古琴雅苑 (利舞臺廣場)

营业中

休息中

今日行時代廣場，食晏時喺附近搵食，我哋上咗利舞臺8樓中菜廳＂古琴雅苑＂地方唔係好大，但坐位非常闊落，俾人舒服嘅感覺。黎到必點北京填鴨，二個人半隻岩岩好，餐廳師承北京「全聚德」，選用上乘北京填鴨，以傳統掛爐烤製，烤鴨新鮮出爐，烤鴨師傅會大展刀工即席片鴨。皮脆肉嫩的烤鴨，配上清新的青瓜、京蔥及哈蜜瓜，蘸著秘製的蜂蜜黃梅醬和京醬，煙韌的餅皮包裹甜酸爽口的配料，解除油膩感之餘，口感層次豐富，一定要試！食咗甘多肉，梗係要食啲菜，嗌咗個蟹粉扒豆苗，一上台面頭鋪滿蟹粉同埋一絲絲嘅蟹肉，配上合時的豆苗，每口都食到蟹粉的香味，合時嘅豆苗鮮嫩美味。最後嗌多個京蔥鮮肉餅，入口爆汁美味無比。