香馥樓

营业中

休息中

香馥樓今次要介紹一間喺銅鑼灣嘅一間高級中菜酒樓叫「香馥樓」，連下午時段都幾乎爆滿，一埋枱就好快遞咗一壺滾水，另一壺係普洱茶，仲有一個小盆入面放咗小蠟燭比你放壺茶或水喺上面㷫住，令佢哋可以保溫，唔洗咁快凍咗，夠哂細心！1.秘製汁牛肉炒河粉$148（9.5/10）呢碟牛肉炒河粉加咗秘製汁，河粉份量好多，牛肉片都有大約十片，牛肉炒到唔韌，切得都幾大舊厚肉，秘製汁甜甜地，其他材料有芽菜、蛋絲、韭菜等，我哋兩個人食極都食唔完，多到要打包拎走，唔好浪費食物！2.鮮竹牛肉球3件$38（9/10）呢籠鮮竹牛肉球一籠有三件牛肉球，每件牛肉球都好大粒，每粒入面都有幾多馬蹄粒，越來越少做到咁正宗，呢度牛肉球比較淋身，我自己就鍾意食口感實淨少少！3.黑金流沙包$48（9.5/10）呢籠黑金流沙包一籠有三件流沙包，流沙包非常鬆軟有彈性，咬開入面好香濃嘅咸蛋黃流沙熱辣辣流哂出嚟，味道啱啱好！2人總共價錢$286，茶位每位$12，$2係外賣盒，其他有加一服務費！個人口味總評分：9/10地址：銅鑼灣駱克道463-483號銅鑼灣廣場二期6樓Please follow me🙆‍♂️ @wheelchaireatinhong