豐鮪

营业中

休息中

本身想喺銅鑼灣搵平魚生飯，碌碌下openrice見到呢間，條路有啲啲難搵，行到黎原本見星期六晚餐時間都無乜人仲怕係伏，見門面幾骨子，抱住試伏心態去食，食完覺得真係執到寶。專賣拖羅既店叫$168嘅全拖羅餐肯定無死，好有魚味之餘，大拖羅既油分啱啱好非常滿足，仲有得揀豐漬香飯，有啖啖嘅薑味同蘿蔔、芝麻嘅口感，好食到就算胃痛都要請求店主俾多碗我（係免費添飯！）蟹味噌茶碗鮮得黎唔會太鹹又好滑，真心讚。店主推介嘅魚蓉燒賣都真係幾可愛，食落好綿亦都無乜筋，加埋用豆做既燒賣皮口感幾讚。順帶一提嘅係當日個茶係有荔枝味嘅茶，落雨天飲一流。以喺銅鑼灣呢講有咁既價錢同質素真係少見，值得一試。