影片
更多
2025-05-17
56 浏览
屋企人鍾意食中菜，尤其係潮州菜，呢日就帶屋企人去銅鑼灣利園附近嘅正潮樓品嘗下😙餐廳環境明亮雅致，座位闊落，仲有VIP房。嚟到見到牆上有蔡瀾嘅提字及照片，即刻對餐廳出品有更高期待😆二人套餐幾抵食，有炒蟹、滷水鵝，仲可以係六道餸自選三道，好豐富🥳二人特惠套餐（原價$1,329，特價$698）🥜開胃花生、蒜蓉菜脯🦀金不換炒蟹（潮州伊麵底）炒蟹大大隻，蟹鉗啖啖肉🤩食到蟹嘅海水鮮味👍🏻食落帶淡淡嘅金不換香氣，不過如果金不換再多啲就更香。炒蟹下面有伊麵底，邊位煎得香脆，中間則軟身少少，索滿炒蟹醬汁，一次食到兩個口感👏🏻🤎滷水鵝三寶（鵝肝鵝掌鵝肉）食潮州菜點可以冇滷水😛呢個拼盤一次食到滷水鵝三個部位，滷水汁香而不鹹。鵝肝爽滑冇內臟味😋鵝肉幾彈牙入味。🦪汕頭煎蠔烙呢個一定要叫🌟蠔烙薄脆香口，但中間夾雜勁多超肥嘟嘟具鮮味嘅蠔仔，好滿足😋🥩牛肉炒芥蘭沙爹汁香濃不辣，牛肉好嫩滑！芥蘭都好爽脆不苦，簡單得嚟幾好食😚🍚芋頭炒香飯以砂鍋呈上，保持熱辣辣🔥飯炒得香噴噴，飯粒粒粒分明，有啲蔥粒蝦米幾香口。芋頭粒夠粉。☕️功夫茶食到好飽，最後有正宗潮州式功夫茶可以解解膩😙推介指數（10分為滿分）：7.5分
二人特惠套餐（原價$1,329，特價$698）
🥜開胃花生、蒜蓉菜脯
🦀金不換炒蟹（潮州伊麵底）
炒蟹大大隻，蟹鉗啖啖肉🤩食到蟹嘅海水鮮味👍🏻食落帶淡淡嘅金不換香氣，不過如果金不換再多啲就更香。炒蟹下面有伊麵底，邊位煎得香脆，中間則軟身少少，索滿炒蟹醬汁，一次食到兩個口感👏🏻
🤎滷水鵝三寶（鵝肝鵝掌鵝肉）
食潮州菜點可以冇滷水😛呢個拼盤一次食到滷水鵝三個部位，滷水汁香而不鹹。鵝肝爽滑冇內臟味😋鵝肉幾彈牙入味。
🦪汕頭煎蠔烙
呢個一定要叫🌟蠔烙薄脆香口，但中間夾雜勁多超肥嘟嘟具鮮味嘅蠔仔，好滿足😋
🥩牛肉炒芥蘭
沙爹汁香濃不辣，牛肉好嫩滑！芥蘭都好爽脆不苦，簡單得嚟幾好食😚
🍚芋頭炒香飯
以砂鍋呈上，保持熱辣辣🔥飯炒得香噴噴，飯粒粒粒分明，有啲蔥粒蝦米幾香口。芋頭粒夠粉。
☕️功夫茶
食到好飽，最後有正宗潮州式功夫茶可以解解膩😙
推介指數（10分為滿分）：7.5分
张贴
