十下火鍋

外國朋友來香港，想帶他吃一餐特色的火鍋，最後找來十下火鍋。因為貪其環境懷舊有特色，很有舊香港味道。我們午市來到，也有幾枱客人帶外國朋友在用餐。餐牌的設計好貼心，除了散點，還有預設好的套餐，我們二話不說直接點了個二人餐。湯底六選一或者鴛鴦，我們選了十下麻辣鍋和養生豆乳白鍋。上枱時大大盤，麻辣的香味飄逸。而且湯底的料很足，入面已經有鴨血和豆腐。套餐食物有本地手切牛頸脊、花雕醉雞、十下三寶滑、麻辣鴨血、鳳城水餃、三星蔥爆貢丸、果皮魚蛋、脆炸響零、蔬菜拼盤等。其實兩人食都很足夠，加上賣相一流，朋友見到好開心！牛頸脊份量不少，入口肥美有牛味，配麻辣鍋剛好，夠惹味。醉雞件好滑，識落淡淡酒香。鴨血可即食，入口滑溜，麻辣過癮。水餃足料，三寶滑彈牙。貢丸和陳皮魚蛋都好食，整體黎講十分不俗，友人食得津津有味！環境夠懷舊味道，食材新鮮，服務又殷勤，怪不得幾枱都帶外國朋友黎打邊爐！因為這個陳設，加上食物的味道，的確令人食得有特色又愉快！