影片
更多
2023-10-08
206 浏览
話說，D生同D小姐有日俾左幅相我睇，嗰幅相入面件和牛嘅美感我以為佢哋去咗東京定台北，點知佢回覆話係一間位於荔枝角嘅居酒屋。荔枝角日本居酒屋平時我只係去開舞鶴，我都唔知原來荔枝角有另一間咁高質嘅日本餐，當訂位嘅時候都唔容易，可能book得急，只有某些時間先有位，個日好爆，一係六點一係八點半，那麼，八點半吧。問題係， 八點半來到，間餐廳依然非常包場，全院滿座，我最信餐廳質素應該唔會差得去邊。當晚食嘅菜式全部都係打卡菜，而都好多人討論。煙薰蘿蔔薯仔脆脆沙律，呢個上碟一刻係幾得意，用薯片做嘅沙律，好有創意，雖然煙薰味唔勁，但感覺幾特別。海膽天婦羅都幾出色，當然無岩浪咁勁，但試得出佢嘅天婦羅水準係真係幾好。宮崎和牛海膽刺身勁精彩，雖然冇喺台灣食一大塊牛肉再加一排海膽咁暴力，但個種回甘係好有回憶。打卡度滿分的有月見薄燒宮崎和牛飯，有黑椒有醬油有鹽讓你自己調味，宮崎和牛燒過後當然更迷人，呢個絕對係超好嘅打卡首選，加完隻日本蘭王蛋味道更可以呀。中間加了個自家製雞皮蝦試試串燒水準，相當可以，可惜好飽，兩個人無得食太多。金丼銀丼好出名，我選了金丼，有海膽、三文魚籽同拖羅蓉，飯份量好多，而上層再加隻蛋撈埋一
話說，D生同D小姐有日俾左幅相我睇，嗰幅相入面件和牛嘅美感我以為佢哋去咗東京定台北，點知佢回覆話係一間位於荔枝角嘅居酒屋。
荔枝角日本居酒屋平時我只係去開舞鶴，我都唔知原來荔枝角有另一間咁高質嘅日本餐，當訂位嘅時候都唔容易，可能book得急，只有某些時間先有位，個日好爆，一係六點一係八點半，那麼，八點半吧。
問題係， 八點半來到，間餐廳依然非常包場，全院滿座，我最信餐廳質素應該唔會差得去邊。
當晚食嘅菜式全部都係打卡菜，而都好多人討論。
煙薰蘿蔔薯仔脆脆沙律，呢個上碟一刻係幾得意，用薯片做嘅沙律，好有創意，雖然煙薰味唔勁，但感覺幾特別。
海膽天婦羅都幾出色，當然無岩浪咁勁，但試得出佢嘅天婦羅水準係真係幾好。
宮崎和牛海膽刺身勁精彩，雖然冇喺台灣食一大塊牛肉再加一排海膽咁暴力，但個種回甘係好有回憶。
打卡度滿分的有月見薄燒宮崎和牛飯，有黑椒有醬油有鹽讓你自己調味，宮崎和牛燒過後當然更迷人，呢個絕對係超好嘅打卡首選，加完隻日本蘭王蛋味道更可以呀。
中間加了個自家製雞皮蝦試試串燒水準，相當可以，可惜好飽，兩個人無得食太多。
金丼銀丼好出名，我選了金丼，有海膽、三文魚籽同拖羅蓉，飯份量好多，而上層再加隻蛋撈埋一齊，更加好，但實在吃不完，唔好睇佢細細碗，飯勁多。
尾聲的豚骨濃湯豬軟骨稻庭烏冬，正常的結尾，唔係打卡貨色，不過食完之後也立刻飽了，喜歡嘅係佢嘅豬軟骨，勁大件，好滿足。
其實仲有好多打卡野，要多人先食得哂，希望再有機會食下啦。
张贴
