珍珠皇宮印度餐廳

营业中

休息中

💡重慶大廈內嘅正宗印度菜今日終於嚟到重慶大廈朝聖，想去尋下寶，試吓正宗嘅印度菜。呢間餐廳雖然喺重慶大廈入邊，但都乾淨企理，十分舒適，份量仲好多，性價比高。🍽️ 印度脆米球味道清新，酸甜適中，餅皮薄脆，同裏面嘅蔬菜和酸奶醬搭配得好好，一口咬落去好有層次感，係個幾好既開胃小吃。🍽️混合肉燒烤拼盤拼盤有印度燒雞、免治羊肉卷、烤魚、乳酪腰果汁燒雞柳各2件，放喺鐵板上面，一上枱zi zi 聲，成浸香味飄埋嚟。各款肉類烤得剛好，各自的香料都充分顯現出不同既風味。🍽️ 牛油烤雞奶油醬汁非常濃郁creamy，香料既味道好岩香港人口味，甜而微辣，用黎點烤餅食真係絕配，真係會令人一啖接一啖停唔到。🍽️ 牛油烤餅、芝士烤餅食印度菜最鍾意用烤餅點咖喱，2款烤餅都外層酥脆，帶點奶油香氣，內裡柔軟，口感煙韌，餅皮的層次感十足，不油膩。🍽️芒果奶昔同我幻想西式嘅芒果奶昔唔同，入口好似超濃嘅芒果汁咁，但唔知係咪傳統印度奶昔會加酸奶，結合埋一齊完全唔會死甜，好飲，值得一試。🍽️ 印度奶茶印度奶茶用混合了各種香料的茶水，入口似薑味，香氣濃郁，味道獨特。飲起黎暖胃又提神，讓人感到舒適和放鬆。