珍珠皇宮印度餐廳

話說好多人都聽到重慶都驚驚，覺得啲南亞哥哥熱情得滯，其實唔使太擔心，我幾次入到去唔識揾路，啲餐廳佢哋都好 nice 咁問你去邊間再指路，唔會因為係去對家而唔理你🤣 今次去呢間勁多明星都去過嘅珍珠皇宮，口味正宗又扺食~ 個Dahi Poori（乳酪脆米球） 直頭係我嘅新歡🤤 薄脆米球入面滿載酸甜開胃嘅乳酪，仲有清新嘅石榴粒，奶香十足~ 唔鍾意乳酪嘅可以揀 Paani Poori，呢款食嘅時候加入酸汁，混合入面嘅薯仔同埋豆泥，味道清新輕盈~ 主菜要咗 Tandoori Platter一款有齊燒雞，免治羊肉卷，烤魚塊同埋乳酪腰果汁燒雞~🔥用鐵板上枱咋咋聲特別有feel~ 我哋最愛係個燒雞，香口又滑溜Chicken Tikka Masala + Garlic Naan~呢度嘅咖哩可以自己要求辣度，我哋要咗小辣其實口味算温和唔刺激~帶番茄酸香，口感滑順配 Naan 食冇得輸！值得一提係呢度嘅 Garlic Naan 真心勁香蒜味！🧄🧄🧄唔點咖哩齋食都好好味！友人瞬間旋風吸入咗兩塊…查看更多

平時很少踏入重慶大厦，今日抱著緊張的心情，跟朋友來到重慶大厦1樓的「珍珠皇宮印度餐廳」品嚐印度菜。餐廳頗大，橙紅色的皮梳化配合微亮的燈光，像一間高格調的西餐廳。侍應哥哥們都是印度人，笑容滿面，招呼殷勤，還細心講解每道菜都可辣可不辣的。《咖哩羊肉》$125《雜錦薄餅》$75為了不要浪費咖哩汁，點了一客雜錦薄餅，上枱時熱辣辣，蘸咖哩吃無得輸。咖哩羊肉外表橙橙紅紅，沒有辣味卻有點羊騷味，更多的是香草的味道。《咖哩角》$60脆卜卜的咖哩角，裡面餡味豐富，值得推薦。《黃椒粉烤魚飯》$158四大舊魚肉用鐵板盛戴，還有很多洋蔥絲，魚肉厚實，蘸青咖哩汁吃，另有一番風味。《印度脆米球拼乳酪脆米球》第一次食這空心脆米球，有一半是加入乳酪，一半是加入不同的餡料，再倒入特製的調味水一齊食，外殼酥脆，內餡豐富，多種口感。兩款比較之下，個人較喜歡乳酪脆米球。《印度奶茶》$30除了紅茶和奶，還有多種香料，每口都感覺到濃郁辛香。…查看更多

食印度嘢梗係要嚟重慶大廈啦！呢間珍珠皇宮印度餐廳，主打地道嘅印度菜，好多名人都有嚟食過，上年食過感覺唔錯，今晚帶朋友再嚟試吓其他印度菜式先😍🥣 Yakhani Shorba（羊肉清湯）呢個湯飲落好香，主要係以羊骨、香料慢火熬製，味道夠晒濃郁，有陣陣孜然、肉桂同胡椒香，每一啖都覺得暖笠笠。飲完成個人都暖晒又冇腥味，飲完開胃又舒服。🧀 Punjabi Paneer Tikka（旁遮普烤芝士）厚切芝士粒用乳酪醃過再炭烤，外層帶少少焦香同煙熏香，食落柔軟帶點彈性。香料味好重，有孜然、小茴香同辣椒香，唔辣但好香，配埋薄荷醬更加正！🐟 Goan Fish Curry（果亞咖哩魚）呢個魚咖哩就最有南印度風情，湯底用大量椰奶、香料調成，微香帶辣，咖哩香濃唔膩口。魚肉滑溜新鮮，帶酸帶辣又有椰香，配白飯食一流。🥩 Kadhai Gosht（鐵鑊羊肉）羊肉炆到好腍，完全滲哂香料味，食落唔羶。配料有洋蔥、青椒，成碟帶焦味同香辣，醬汁濃稠，好掛飯或配烤餅食，口感豐富層次多。🫓 Garlic Naan（蒜茸烤餅）熱辣辣上枱，一聞已經有濃烈蒜香。餅皮外脆內軟，煙韌唔會太乾，點咖哩或者單獨食都正。🥯 Masala Kulcha（香料餡烤餅）餡料通常有薯仔、洋蔥、香料，口感仲帶啲脆同煙韌，味道比較有層次，有鹹香又少少胡椒辣，熱辣辣吃落特別滿足。🍓 Strawberry Lassi（士多啤梨乳酪飲品）粉紅色賣相超吸引，入口香滑乳酪同士多啤梨味，好清新唔太甜。飲落冰凍解渴，又帶陣淡淡果香，食完印度菜飲返杯，好舒服。…查看更多

Vegetable Samosa (蔬菜咖喱角)
開胃菜選擇了經典的Vegetable Samosa，外皮酥脆，內餡以馬鈴薯、青豆和香料調製，仲有啲腰果，味道濃郁但不過於油膩。搭配附送的酸甜醬汁，口感層次豐富Tandoori Pomfret (炭烤鯧魚)
主菜中的Tandoori Pomfret是今次亮點！整條鯧魚經過炭烤，表面裹上香料 marinade，帶有微微的炭香，魚肉鮮嫩多汁。撒上的洋蔥絲和檸檬片增添了清新的風味，旁邊的綠色薄荷醬和紅色酸辣醬更是完美搭配，辛香平衡得宜。Kadhai Prawns (鍋煮咖哩蝦)烹調方式採用Kadhai風格（印度傳統鐵鍋烹飪），醬汁濃郁，帶有番茄、青椒和多種香料的香氣。蝦肉彈牙，醬汁與Onion Kulcha搭配時尤其美味，令人回味。Onion Kulcha (洋蔥烤餅)
這款印度麵包以洋蔥和香草為主，烤製後外皮焦香，內裡軟糯。與Kadhai Prawns的醬汁相配，吸收了濃郁的味道，口感豐富，是理想的配菜選擇。Mango Lassi (芒果拉西)
甜點前來一杯冰涼的Mango Lassi，清新的芒果味道與濃郁的優格完美融合，解膩效果出色。…查看更多

講咗成世，我從來未去過重慶大廈食咖喱，原因呢...識嘅就明啦哈哈！今次班朋友夾硬拉我入去試印度菜，一入門口，有個朋友手多多接咗張傳單，嘩！即刻成班 promoter 撲過嚟，成疊傳單係咁塞過嚟，成個人俾佢哋圍住，真係未食已經覺得自己係巨星登台！其實佢哋都係搵食啫，態度幾好㗎，成個過程好玩過闖迷宮。講返食物，真心驚艷！價錢平到笑唔在講，啲肉煮到鬆化入味，香料層次豐富到舌頭跳舞；咖喱汁濃郁到我可以撈埋三塊薄餅。最抵死係，我上個月先喺中環嗰間高級印度餐廳使咗成千銀，相比之下呢度$300蚊已經食到捧住個肚走！以後想食正宗印度菜，重慶大廈先係我個飯堂，睇嚟我要定期返嚟朝聖啦！…查看更多

食印度嘢梗係要去重慶大廈！呢間🔥人氣爆燈嘅印度餐廳連名人都幫襯過，牆身掛滿繽紛Bollywood電影海報，仲有熱情侍應哥哥教你點樣用烤餅蘸咖喱先最地道～未食已經感受到濃濃印度風情💃Lamb Masala + Garlic Naan 瑪沙拉咖哩羊肉+蒜味印度烤餅 $125/$35瑪沙拉羊肉🐑燉到軟淋入味，咖喱香料層次多🌶️～小辣溫和帶甜嘅醬汁，蘸埋新鮮出爐嘅蒜香烤餅🧄，完美搭配令人回味無窮✨Tandoori Chicken 燒雞 $110鐵板上嘅燒雞香氣撲鼻🔥，雞肉醃到微紅色，外皮微焦帶香，肉質保持嫩滑～擠上檸檬汁🍋更加清新解膩！Dahi Poori 乳酪脆米球 $88脆卜卜空心球灌入冰涼乳酪同酸甜醬汁(可以各一半口味)，咬開時薯仔豆泥餡爆出～口感層次豐富，必點前菜！Mango Lassi 芒果優格奶昔 $45濃稠優格酸香平衡甜度，飲完即刻降低咖喱嘅辣勁❄️…查看更多

Dahi Poori + Panni Poori（印度+乳酪脆米球）$ ？個人比較鍾意印度脆米球，加埋綠色汁嘅配搭超fresh！外殼好酥脆，加埋啲餡食落有幾種豐富嘅層次😙！而乳酪食落口感再豐厚啲，我覺得有小小甜，但反而朋友話鍾意呢個多啲！因人而異～如果乳酪控一定要試🤭🤭！另外其實兩個本身係單點同份量都多啲🤣🤣不過我地驚食唔曬，但又想試下，諗過餐廳超有人情味，比左我地點左各兩件，比我地試，仲冇收錢🥹。如果單點嘅話，分別有8粒🤣：印度球（$78）、而乳酪球（$88），供大家參考下！Tandoori Platter （混合肉燒烤拼盤） $188-含印度燒雞、免治羊肉卷、烤魚塊、乳酪腰果汁燒雞各2件啱曬一次過想體驗四種唔同印度烤肉嘅朋友🤣，款式夠多，而且肉量足夠，都幾充飢，對於選擇困難嘅朋友係一個幾明智同方便嘅抉擇！🧀Chesse Naan （芝士烤餅）$45薄餅薄得黎，質感軟淋淋，唔會太乾！而且佢哋建議點埋牛油烤雞黎食係最佳！🤣感覺會豐富多左層口感同有啲飽腹感～兩者又唔會互相喧賓奪主🤪🤍Butter Chicken $125（牛油烤雞）汁嘅質感好絲滑，雖然寫微辣但反而冇感受到辣味xdd啲雞都幾嫩！但就冇太大記憶點XddDrinks🧃🥭MANGO LASSI （芒果優格奶昔）$45成杯嘢個味道好Fresh，唔會太甜😋個奶昔打得好滑，冇假芒果味🍓ROSE LASSI （玫瑰花優格奶昔）$45酸甜中和，沖得好棉，草莓味又唔會怪，覺得呢杯有啲出色～好飲 ！最後仲送多左杯野飲xdd見圖*。唔知叫咩名但有種芒果同石榴味嘅混合，我覺得呢系列嘅奶昔飲品都好出色😂😂沖得唔錯，建議大家去都可以叫返杯😋😋💰人均$246.5不含加一。呢度嘅老闆仲識講超流利廣東話🤣🤣有啲驚喜～呢度嘅人超有人情味，打破左我對重慶大廈嘅印象，啲員工同老闆勁funny🤣🤣環境又好企理乾淨，裝潢都幾leng～值得一試！📍 珍珠皇宮印度餐廳（尖沙咀）尖沙咀彌敦道36-44號重慶大廈1樓96-97號舖…查看更多

➲ 尖沙咀 珍珠皇宮印度餐廳重慶大廈內知名正宗印度菜，餐廳環境以紅色主調配皮梳化，頗有印度風情。咖喱風味正宗，咖喱和烤餅係必試組合。➳ 香辣蝦球𝐂𝐡𝐢𝐥𝐥𝐢 𝐏𝐫𝐚𝐰𝐧𝐬 蝦球大隻彈牙，裏以辣椒與香料爆炒，鑊氣十足。辣度溫和卻層次分明，醬汁濃郁帶微酸，非常開胃。➳ 瑪莎拉咖喱烤雞 𝐂𝐡𝐢𝐜𝐤𝐞𝐧 𝐓𝐢𝐤𝐤𝐚 𝐌𝐚𝐬𝐚𝐥𝐚 烤雞肉質軟嫩，瑪莎拉咖喱香濃順滑，帶有番茄的天然酸香。咖喱的辣度可以按個人喜好調整，配烤餅享用風味一絕。➳ 蒜蓉烤餅𝐆𝐚𝐫𝐥𝐢𝐜 𝐍𝐚𝐚𝐧即叫即烤，熱辣上桌。餅身外脆內軟，蒜香濃烈，單吃已經非常美味，蘸上咖喱醬汁更是令人滿足。➳ 馬來鬆餅𝐑𝐨𝐭𝐢 𝐂𝐡𝐞𝐧𝐧𝐚𝐢餅邊烤脆，中心煙韌，口感富有層次，牛油香氣更出，是搭配咖喱的另一種不錯選擇。➳ 芒果優格奶昔𝐌𝐚𝐧𝐠𝐨 𝐋𝐚𝐬𝐬𝐢口感細滑，芒果味道濃郁香甜，與優格的酸味平衡得恰到好處，清新解辣又醒胃。⤵ 珍珠皇宮印度餐廳尖沙咀彌敦道36-44號重慶大廈1樓96-97號舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #尖沙咀美食 #蝦球 #咖哩 #芒果 #印度菜 #珍珠皇宮印度餐廳…查看更多

最近去咗尖沙咀重慶大廈「珍珠皇宮印度餐廳」，依間真係好經典，有不少香港名人都有光顧過。*此餐廳收取全單10%服務費。 雞肉炒飯（單點$128），每粒細長的印度長米粒粒分明，更讓香料、醬汁能更均勻地包裹住每粒米飯，略嫌雞肉比較乾柴，配料包括有雞蛋、紅蘿蔔、粟米、青豆、芫荽。烤芝士配瑪莎拉咖喱（單點$118），烤芝士口感類似硬豆腐、但更為紥實，所以咖喱無法煮得滲透入內，食落帶有輕微芝士奶香，瑪莎拉咖喱味道濃郁，辣度5分，內有洋蔥、青椒。蒜蓉烤餅（單點$35），表面鋪有蒜蓉、芫荽，熱辣辣，口感外脆內軟，配以咖喱食用，味道更佳。士多啤梨奶昔（單點$45），採用草莓、草莓糖漿、牛奶、乳酪製作，內有果肉，口感濃稠，味道酸甜，類似飲用草莓乳酪飲品。地址：香港尖沙咀彌敦道36-44號重慶大廈1樓96-97號店舖…查看更多

一行四人睇完餐牌先叫幾個餸試試（因未知實際份量)唔多唔少！有同侍應示意會再嗌下一輪，但侍應眼神同肢體語言都暗示不滿嗌得唔夠多，感覺極度唔友善同令人心生畏懼,先上咗個羊肉湯，好_難飲啊_你！係港式粉麵加咗腩汁同一堆炸蒜食剩最尾幾啖連渣滓嘅味，4X$可以一嘗剩菜殘羹真係得之我幸，其餘嘅咖喱羊肉、牛油烤雞、印度燒雞、芝士薯仔餡煎餅沒有最難食只有更難食，總之就食到三魂唔見七魄，蒜蓉烤餅、芝士烤餅勉強挽回幾分姿色(普通到冇得再普通/份量過少）食緊嗰陣阿老細已經走嚟問過一次：啲嘢好唔好食啊，臨走亦如是，而老細嘅反應都好明顯係只想聽想聽嘅說話，所以我哋唯有將食評寫喺塊面度，希望佢多少都領悟到～…查看更多

一直都對印度菜好好奇，而且聽講好好食，今次就直入重慶大廈試下正宗的印度菜😜牛油烤雞 蒜蓉烤餅熱辣辣上枱，仲有陣陣香料味，食完暖笠笠，超開胃，食完一啖又一啖🤤重點佢唔辣，好溫和，我叫左個烤餅黎點呢個汁黎食，絕配👍 淡淡蒜香味襯上butter chicken，感覺用黎撈飯或者點Naan食都簡直係滿足感爆😍燒烤拼盤一黎到聞到啲炭火香氣，新鮮熱辣，都係唔辣的一味餸，入面每款燒烤都有兩件，燒完都仲有汁水🤪青檸檬梳打青檸檬梳打真係醒神神器，甜度適中☺️好清新，用黎配咖哩同燒烤呢啲重口味野就正啦😋芒果乳酪奶昔款超受歡迎嘅印度風飲品😁我之前都聽過下呢款飲品，應該混合芒果嘅甜香同乳酪嘅濃滑，口感厚實又清新😎珍珠皇宮印度餐廳 (尖沙咀)尖沙咀彌敦道36-44號重慶大廈1樓96-97號舖…查看更多

好耐無食印度菜🇮🇳今次去重慶大廈嘅「珍珠皇宮印度餐廳」🕌門外貼滿名人明星的照片✨睇嚟幾高人氣❗️.⚠️此餐廳收取10%服務費💰.香辣蝦球🦐單點$148💰蝦仁大隻😍外脆內爽口😗外層裹滿甜辣醬汁🌶️加上彩椒同洋蔥🫑🧅好味道.咖喱雞🍛單點$110💰咖喱味道溫和😌雞肉鮮嫩🐓.雞肉餃子🥟單點$98💰餃子皮薄餡靚😉雞肉有濃濃香料味🌿超多肉汁😋加上咖喱汁更惹味😬.芝士烤餅🫓單點$45💰烤餅即點即製🔥表面少少脆，入口鬆軟煙韌😆拉絲芝士😍帶淡淡芝士味🧀配咖喱食都唔錯👍🏻.芒果奶昔🥭單點$45💰芒果味濃郁自然☺️加上芒果醬、乳酪🥛酸甜開胃，真材實料💯…查看更多

最近去咗重慶大慶食飯，今次叫咗幾款菜式同飲品，每樣都好有驚喜炸魷魚圈 🦑咬落去酥脆帶點鹹香，裡面嘅魷魚嫩滑唔韌，食落去完全唔覺油膩，好適合做頭盤。牛油烤雞 雞肉燒得外層微焦香，鎖住肉汁，入口仲保持嫩滑。牛油嘅香氣滲入雞肉，味道濃郁但唔會太膩，配埋香料味好開胃Tandoori 燒雞（半份） 帶有印度風味嘅香料味道，雞肉燒得夠香，皮脆肉嫩，食落帶少少煙燻香，好有層次。半份分量啱啱好，唔怕食到太heavy芝士 Naan 🧀芝士拉絲效果好吸引，熱辣辣上枱時最正。Naan本身外脆內軟，加上芝士嘅鹹香，啱晒鍾意濃味嘅人蒜蓉 Naan 蒜香味好突出，帶少少焦香氣，食落口感鬆軟，單食或者點咖喱都好好味。比芝士 naan 清新少少，兩款互相平衡Mango Lassi 🥭芒果味香甜濃郁，酸酸甜甜又滑溜，唔會太甜膩，飲落清爽解膩…查看更多

呢間啲印度烤餅款式勁多，又有naan , roti, 仲有千層鬆餅同烤餅，好少見！❤️薯仔千層鬆餅中間夾咗薯仔餡，就咁食都唔會單調，當然，點咖喱仲正。❤️乳酪脆米球印度菜中成日食既小食咸咸甜甜，但又有乳酪既酸味特別得嚟又好食但缺點係要即食，因為加咗乳酪會好快淋❤️烤印度芝士第一次試烤芝士！有少少似硬豆腐，但有芝士奶香，口感再實啲唔點醬都好好食，點咗醬更好食🔅腰果汁忌廉雞之前喺歐洲食過用腰果整既醬，發現原來勁好食！雖然同歐洲味道唔似，但點naan 一樣正。話說呢間以前去過可能因為冇咗Error張相所以唔太認唔出🤣…查看更多

小編今次嚟到重慶大廈食印度餐廳🇮🇳一去到就有人喺門口招待啲客，會直接帶你去二樓嘅餐廳，唔會驚迷失喺大廈裡面😗喺門口有好多名人嚟餐廳食嘅合照!!✨Butter Chicken 牛油烤雞 $125推薦度：9.3/10呢款咖哩用大量椰奶同香料調製而成，微辣帶香，唔會好膩，用嚟撈飯或者點烤餅一流，烤雞好嫰滑!!🐔✨Chicken Tikka Masala 瑪莎拉咖哩炸雞推薦度：9/10呢款咖哩對比牛油烤雞會更濃味，更重香料味，烤雞份量好足料，可以選擇辣度🤤✨Dahi Poori 乳酪脆米球 $88推薦度：8.7/10呢個係印度傳統小吃，無論係印度街頭定係餐廳都會有嘅小吃，係脆米球加豆蓉，裡面加入乳酪，味道酸酸哋，係十分開胃的🤣✨Garlic Nam 蒜蓉烤餅 $35推薦度：9.1/10一上枱就有超級濃烈嘅蒜香味🧄 外脆內軟，因為本身有蒜蓉，所以無論就咁食，定係點咖喱食都超正🤏🏻✨Onion Kulcha 洋蔥烤餅 $45推薦度：9/10烤餅內餡有好多洋蔥碎，但唔會好重洋蔥嗰種辛辣味✨✨Mango Lassi 芒果奶昔 $45推薦度：8.9/10去到印度餐廳本身好驚啲嘢飲會好甜，點知呢杯奶昔原來係重乳酪味，入口都好順滑，唔會太甜，份量都好大杯!!🤩✨Indian Iced Tea 印度凍奶茶 $42推薦度：8.7/10印度奶茶同平時飲嘅好唔同，會多咗薑味，味道好特別⸜(๑⃙⃘'ᵕ'๑⃙⃘)⸝⋆︎* 女小編👧🏻：味道：9.2/10環境：8.7/10服務：9.2/10性價比：9/10📍珍珠皇宮印度餐廳 (尖沙咀)尖沙咀彌敦道36-44號重慶大廈1樓96-97號舖‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚⟡˖ ࣪ 𓈒 ˖ ࣪ 𝜗𝜚‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚…查看更多