影片
更多
2013-09-27
105 浏览
沙田一向缺乏高級食店，經常遊走於新城巿廣場，但都沒有醒覺到帝都酒店嘅存在。今次有幸獲得酒店邀請，品嚐日式鐵板燒。對於鐵板燒經驗尚算豐富嘅我嚟講，當然係不可錯過。櫻田，講真，對呢個名印象唔算深刻，但總算唔太陌生。以 鐵板燒 界嚟講，櫻田未見有名氣，今次就試試呢度師傅功力如何。今日會試兩個鐵板燒套餐 《紫蘭～豪州和牛篇》，《鈴蘭～海鮮篇》及《鮮味滿溢～魚籽壽司篇》頭盤先試《鮮味滿溢～魚籽壽司篇》﹣ ＄180四件魚籽壽司 ﹣三文魚籽，芥末魚籽，飛魚籽，墨魚籽先講配角：wasabi ﹣屬普通貨色，不過講真，靚wasabi實屬罕有…紫菜 ﹣都係普通貨色，再加上影相介紹令軍艦放耐左，紫菜都已經焾晒，還好焾左都未有變韌再到主角：‧三文魚籽 ﹣醬油味調得唔錯，咸中帶鮮甜，可惜放上軍艦時沒有隔清浸魚子的醬油，令軍艦偏濕，艦底見積水。‧芥末魚籽 ﹣ wasabi味不強，入口不嗆喉，滲出淡淡wasabi清香，味道算唔錯。‧飛魚籽 ﹣ 耳熟能詳嘅壽司，喺酒店出現未見有突出，就係比一般魚籽大粒，又比三文魚籽細粒，咬落卜卜脆。‧墨魚籽 ﹣ 呢一款比較罕見，而家已經唔多壽司店有供應，黑色超細粒嘅墨魚籽，咸香比較突出
櫻田，講真，對呢個名印象唔算深刻，但總算唔太陌生。以 鐵板燒 界嚟講，櫻田未見有名氣，今次就試試呢度師傅功力如何。
今日會試兩個鐵板燒套餐 《紫蘭～豪州和牛篇》，《鈴蘭～海鮮篇》及《鮮味滿溢～魚籽壽司篇》
頭盤先試《鮮味滿溢～魚籽壽司篇》﹣ ＄180
四件魚籽壽司 ﹣三文魚籽，芥末魚籽，飛魚籽，墨魚籽先講配角：
wasabi ﹣屬普通貨色，不過講真，靚wasabi實屬罕有…紫菜 ﹣都係普通貨色，再加上影相介紹令軍艦放耐左，紫菜都已經焾晒，還好焾左都未有變韌
再到主角：
‧三文魚籽 ﹣醬油味調得唔錯，咸中帶鮮甜，可惜放上軍艦時沒有隔清浸魚子的醬油，令軍艦偏濕，艦底見積水。
‧芥末魚籽 ﹣ wasabi味不強，入口不嗆喉，滲出淡淡wasabi清香，味道算唔錯。
‧飛魚籽 ﹣ 耳熟能詳嘅壽司，喺酒店出現未見有突出，就係比一般魚籽大粒，又比三文魚籽細粒，咬落卜卜脆。
‧墨魚籽 ﹣ 呢一款比較罕見，而家已經唔多壽司店有供應，黑色超細粒嘅墨魚籽，咸香比較突出。
總評 ﹣ 作價＄180以一般日本料理而言絕對係偏貴，喺酒店相信無言了吧。如果點呢味魚籽壽司拼盤，建議坐壽司吧，師傅做起馬上享用就是軍艦的王道。
主菜《鈴蘭～海鮮篇》 ﹣ ＄648
三文魚 ﹣ 以三文魚嚟講略為薄身，鐵板燒功夫不俗，燒得焦香，調味也做得不俗，輕輕的咸味配合黑椒香味。
鱈場蟹腳 ﹣ 蟹腳新鮮，帶有清新海水味道，蟹腳半開既可方便食用，又可以將蟹肉表面略燒使其帶有焦香。份量也可接受，但如果換成較粗身的蟹腳，就算只有一條也會比這三條小蟹腳好吧。
大蝦 ﹣ 蝦肉新鮮肉厚，蝦膏份量不少，師傅將蝦頭細心開好，享用時非常方便，不必為擔心食相嚇人而放棄蝦頭，始終都係酒店環境，食得太暴力都係唔太好。主菜《紫蘭～豪州和牛篇》﹣ ＄708
牛油白酒燒銀鱈魚 ﹣ 魚肉結實唔鬆散，魚油充足且味香，調味亦算不俗，唯白酒味未見突出。發覺得多鐵板燒都忽略了銀鱈魚皮，沒有把魚皮煎得香脆，這裡亦沒有例外，外皮只保留原有煙韌口感。
象拔蚌仔 ﹣ 象拔蚌被切成條狀，口感爽中帶煙韌，鮮甜的象拔蚌並未用上強勁的調味，可以凸顯出象拔蚌的鮮甜，算係抵讚。
豪州和牛 ﹣ 一個比較冷門的和牛名字，其實一點都不冷門，只是名字有點不同，相信很多人都試過，其實日本語中的＂豪州＂，就是澳洲，澳洲和牛我諗…無乜人未聽過吧。澳洲和牛一般都已經和當地牛隻混種，就算最高級的Ｍ１２，個人認為也不及日本的Ａ５級，但說到要品嚐肉味，澳洲和牛確係唔錯，既有安格斯血統的肉味濃郁且多汁，又有日本和牛血統的油花。呢份豪州和牛，個人覺得大約是Ｍ９級數，即日本約Ａ３的級別。肉味及油香平均，燒至６－７成熟，又焾又香。緊記吃厚燒和牛一定要配上炸蒜片。這道菜還可選薄燒，但說到和牛，當然是厚燒的好吧。配菜有豆腐，茄子及蕃薯，感覺蕃薯有一點怪怪的…《紫蘭～豪州和牛篇》／《鈴蘭～海鮮篇》共通
沙律 ﹣粟米，紫椰菜，水菜（蕪菁），蕃茄，羅馬生菜等配上日本芝蔴醬，口味清新，蕃茄同粟米選料不俗。
鐵板炒飯 ﹣鐵板燒必備菜式，鐵炒火候夠，炒得粒粒分明，散發著煙肉及醬油咸香。鐵板燒套餐是不能飽肚，會否劃下一個完美句號就全看這道炒飯。這裡的炒飯炒功很好，可惜的是師傅沒有混入厚燒牛肉剩下的牛脂，這樣做既不浪廢，也能為炒飯味道提升不少，何樂而不為？如對炒飯沒興趣？還可選炒烏冬。
炒野菜 ﹣椰菜，冬菇，金菇，甘筍等炒成，這道菜和炒飯一樣是既簡單但又能突顯鐵板的優勢。猛火炒的蔬菜既能鎖住水份亦能令蔬菜在最短時間內炒熟，減低營養流失，食落都特別多汁。同樣係加上醬油等調味料，惹味非常。
雪糕 ﹣味道有兩種，綠茶及菠蘿味，綠茶味香濃，算高質素，但個人還是喜歡菠蘿味，夠罕有嘛～總結：鐵板燒確實是一種絕不便宜的日本菜式，要選取氣氛良好，味道好，高質素的鐵板燒，好像還有不少選擇。這裡的鐵板燒也算是值得一試，要浪漫氣氛，還有是酒店級餐廳，這裡的價錢還算合理。
张贴
