櫻田日本餐廳

闊別兩年又嚟到好正嘅櫻田日本餐廳食鐵板燒！餐廳枱同枱中間空間都幾夠所以坐得好舒服。識坐梗係坐喺鐵板枱睇住師傅表演熱辣辣咁送到面前俾我哋食啦。近嚟氣氛真係好沉重！餐前飲啲清酒放鬆一下。我哋今次嚟食新嘅北海道A5和牛蟹御膳，兩位原價$2688而家$2288就食到喇！第一味前菜係松葉蟹肉沙律蟹肉係用新鮮所以好鮮甜，配埋爽脆嘅沙律菜同胡麻醬食落清爽又開胃。跟住係金目鯛刺身同埋日本室津生蠔！生蠔食落去好軟滑仲好鮮甜添，金目鯛刺身好有魚油嘅香味夠新鮮。今次呢個鐵板燒有平時少見嘅原隻加拿大珍寶蟹！鍾意食蟹嘅老婆大人開心到飛起。今次由靚仔師傅招呼我哋，唔好睇佢咁後生手勢好純熟㗎。好快就將隻珍寶蟹燒熟咗！一路煮嘅時候嗰浸鮮味係咁飄出嚟引C人咩。蟹殼已經幫我哋剪開晒食得好方便，呢隻珍寶蟹啲肉好紮實仲勁鮮甜，食完個口仲香噴噴好回味。跟住係邪惡嘅匈牙利鴨肝配紅酒燴梨！煎香後嗰啲鴨油標晒出嚟食落去勁甘香，伴碟嘅紅酒燴梨都唔少嘢酒香味濃酸酸甜甜夾鴨肝食一流。終於嚟到今日嘅主角A5和牛！有兩個選擇可以揀厚燒或者薄燒，兩款都各有特色我就同朋友各揀一款跟住分享咁就可以試晒兩款啦。未燒牛肉之前師傅整咗南瓜、翠玉瓜同埋粟米芯，咪以為係配菜啊燒熟之後又香又甜好鬼好食㗎。呢個薄切就喺牛肉中間包咗明太子水菜，食落去好惹味加埋香嫩牛肉啲油真係好和味㗎。厚切嘅和牛都燒得好香口同多汁，食落去好香牛肉味勁濃郁但係又唔會覺得好漏。今次呢個餐仲可以加$220 upgrade嘆松葉蟹肉三文魚籽釜飯，老婆大人咁鍾意食蟹我梗係唔會孤寒加俾佢食啦。煮好之後打開個蓋嗰浸香味真係唔得了！食之前仲會加啲水菜同埋三文魚籽入去，呢口飯煮得好香軟而且啖啖蟹肉鮮味唔錯唔錯。如果鍾意食香口野可以嘆本身跟餐嘅蟹肉味噌炒飯！師傅即刻喺鐵板道炒夠晒鑊氣香噴噴。炒飯粒粒分明有蛋香仲有蟹肉嘅鮮味，食完一碗都唔係好夠喉真係好好味呀。跟住就會送嚟味噌湯！師傅見我唔飲得海帶就換咗魚湯俾我好鬼sweet，奶白色嘅魚湯勁鮮甜一啲都唔腥飲完暖笠笠好舒服。未完㗎未完㗎！仲有炒得好好味嘅野菜，師傅炒得夠香口同乾身唔會水汪汪，食完咁多肉之後食佢真係好舒服。最後仲有好精緻嘅千層忌廉蛋糕做飯後甜品勁滿足呀。…查看更多

友人約到沙田帝都酒店內的櫻田餐廳晚膳，想起也有一段日子沒有來過了；看過餐牌，選了門口推介的「北海道A5和牛·蟹御膳（二人前）」。原價 : $2,688，現在優惠價 : $2,288，供應期由2025年11月至2026年1月，逢星期二至日，供應期有限，最好預留訂座。有佳餚又怎能沒有美酒，朋友選了支清酒，用冰桶盛載以保持溫度，味道清甜帶米香，配搭上鮮甜的蟹肉，確實不錯。首先上場的「松葉蟹肉沙律」，這道沙律以松葉蟹肉為主角，搭配清爽蔬菜與簡單調味，作為清清味蕾的前菜，也很不錯。接著上場的是「金目鯛刺身及日本室津生蠔」，金目鯛刺身是細膩鮮甜的代表，室津生蠔則是濃郁鮮美的極致。兩者同場，形成「清爽 × 醇厚」的對比，既能享受魚肉的優雅，又能體驗生蠔的豪邁，正。「匈牙利鴨肝配紅酒燴梨」鴨肝入口即化，油脂香濃卻不膩，帶有微微堅果與奶油的風味。紅酒燴梨果香馥郁，酸甜平衡，紅酒的醇厚與梨的清爽交織，與鴨肝的濃郁形成強烈的對比，前後完美呼應，層次感極佳，兩者又互相平衡，既奢華又不失清爽。「鐵板燒時令原隻蟹」看著大廚飛快的手指，拿著工具把蟹件在鐵板上舞動，宛如舞蹈般華麗；最利害是大廚把燒好的蟹件重新拼砌成完整的大蟹，帶來強烈的舞台感，非常厲害；蟹件在鐵板燒的高溫下更能鎖住汁液，令肉質更加香濃；食落鮮甜帶有一點海水清爽的鹹香，也能保持嫩滑，清鮮與蟹膏的濃郁形成鮮明的對比，令人回味。不吃牛的我，特意把和牛換成了「金菇豚肉卷」，大廚先把金菇放上鐵板，燒至恰到好處的熟度，再鋪上薄切豚肉片，煎到邊緣微微焦脆。隨後以巧手將豚肉緊緊包裹着金菇，繼續煎香。豚肉在高溫下油光閃亮，油脂香氣不斷滲出，與金菇的清新草本氣息交織，入口既濃郁又清爽，層次分明，令人一試難忘。原價 $488的釜飯，現在只需加$220，便可把套餐中的蟹肉味噌炒飯，升級為「松葉蟹肉三文魚籽釜飯」，超值抵食。蟹肉絲絲分明，鮮甜清爽，入口柔滑；三文魚籽晶瑩剔透，咬下去瞬間爆汁，鹹香油脂在口腔中迸發～一清一濃，層次感滿滿，蟹肉的細緻優雅配上魚籽的豪邁濃烈，口中像開了一場奢華派對。視覺上更是滿分：紅橙色魚籽點綴在雪白蟹肉上，閃閃發亮，像一碗小小的海洋珠寶。最後的「炒野菜及味噌汁」是一組非常經典的搭配：一清爽、一溫潤，互相平衡。炒野菜提供爽脆的纖維感，味噌汁則帶來溫暖的湯汁，兩者結合既健康又滿足，超好食。細細件的「千層忌廉蛋糕」作為飯後甜品，它不但兼具視覺美感與口感層次，還有它的魅力在於「輕盈卻不失豐富」，滿足！#櫻田日本餐廳 (沙田)地址: 香港沙田白鶴汀街8號帝都酒店3樓電話: +852 26943810…查看更多

帝都酒店櫻田日本餐廳推出大分A5和牛盛宴, 分別有一人前及二人前套餐選擇, 內容有少少不同, 點揀好呢?  好在有朋友同行, 總是可以吃更多, 一於要晒一人前及二人前!!先分享二人前的菜單.  前菜是海葡萄野菜沙律配柚子醋 - 酸甜度剛剛好, 食材亦很新鮮, 海葡萄讓我回想起沖繩, 很想再去玩~ 小食是日本室津生蠔配酸汁及吞拿魚金箔脆筒.  室津生蠔鮮嫩肥美 - 肉質細膩, 配合酸汁, 好開胃. 吞拿魚金箔脆筒 - 添上金萡及食用花, 很精緻, 入口很滑, 有蔥粒點綴及脆筒, 層次頗多. 雜錦海鮮蒸豆腐 - 我認為是比茶碗蒸更好吃! 蒸豆腐超級香滑及豆味香濃, 加上以海鮮煮開的醬汁, 好有驚喜.  是日鐵板海鮮, 到訪當日為斑馬瀨尿蝦 - 首次吃鐵板瀨尿蝦, 剛剛熟透的蝦肉不會死實, 反而是很嫩, 重點是澄黃蝦膏, 香口~ 大分A5和牛厚燒(120克) 或 雲丹薄燒(4片) -  無論厚燒抑或薄燒, 各有千秋~ 和牛在厚燒下, 油份相對高, 但肉味較香, 在口內融化是好滿足.  更可蘸上芥末及蒜片, 一口吃牛, 更為滋味! 雲丹炒飯 – 飯粒炒得乾身, 內有蔥粒、蛋花等.  我先嚐少少海膽, 味道濃郁, 質地較稠, 可以拌勻飯粒一起吃. 炒野菜比較清淡, 不妨加點醬汁, 芽菜幾爽口, 吃了這麼多肉, 也要吃點纖維啦~ 味噌湯不會死咸, 大根及海帶的份量也多, 喝得舒服. 這餐非常滿足, 也不得不吃雪糕.  我們特意點不同口味來試試, 例如豆腐、焙茶、海鹽及菠蘿. 奶味頗濃, 投票豆腐及菠蘿~ ******************************一人前菜單共有9項美食.   同樣有海葡萄野菜沙律配柚子醋、雜錦海鮮蒸豆腐、大分A5和牛、雲丹炒飯、炒野菜、味噌湯及雪糕.   不同之處是有炙燒油甘魚配柚子胡椒及雪燕金湯龍蝦.  炙燒油甘魚擺盤好有仙氣.  魚肉甘甜, 油分高, 炙燒過更為香口. 雪燕金湯龍蝦是重點!! 大廚三兩下手勢就把新鮮龍蝦在鐵板上拆肉、燒焗、再平均分割好, 加入週味料快炒, 龍蝦肉好彈牙鮮甜.  大廚把龍蝦頭的膏與南瓜湯同煮成濃稠質地, 再澆上雪燕, 一道矜貴菜式就完成了~ 蟹鉗好嫩滑, 吃得好幸福~而薄燒則是卷著炸蒜和蔥粒, 之上再放海膽, 海膽的鮮甜及creamy與和牛的油脂一碰, 嘩! 簡直好味到不得了! 珍而重之地吃剩下來的一件.二人前, 原價HK$2,688, 期間優惠價HK$2,288; 一人前, 原價HK$1,688, 期間優惠價HK$1,288, 供應該由2025年8月至10月, 星期二至日. …查看更多

再次去到闊別兩年的鐵板燒餐廳重溫美味！一行四位女士也吃到超級勁滿足，這個中午我們過得實在太美滿喇。餐廳正是位於沙田帝都酒店內的櫻田Sakurada，是我覺得於沙田區數一數二的日本餐廳。這次專攻大分A5和牛盛宴鐵板燒套餐而來！點上兩份原價$1688激安價$1288/一人前(+10%)，易一份原價$2688激安價$2288/二人前(+10%)，當中有前菜、刺身、生蠔、靚牛肉、海鮮及湯品、主食及甜品等豐富菜式。打頭陣有海葡萄野菜沙律配柚子醋！海水味濃的海葡萄口感超清脆，混上新鮮的野菜配搭酸香柚子醋好開胃啊。二人餐附有2隻日本室津生蠔！此蠔口感爽身海水味適中，蠔味挺重而且味道鮮甜，添上酸汁層次就更加豐富了。炙燒油甘魚配柚子胡椒是一人餐的菜式！肉質細膩油脂豐富油甘魚經炙燒過香氣更盛，配襯清香帶辣的柚子胡椒口感跟味道更勝刺身。二人餐的吞拿魚金箔脆筒賣相迷你可愛！鮮香的吞拿魚配上竹炭脆筒口感好豐富，作為前菜清新美味好不錯啊。事隔兩年再次有Chef Joe為我們席前獻技，滿滿笑容的他帶來精彩的美食令我們享受至極。一人餐的龍蝦及二人餐的是日特選鐵板海鮮斑馬瀨尿蝦已經準備就緒，愛吃海鮮的如箭在弦非常期待。此刻先邊吃著嫩溜如絲的海の幸京の豆乳邊欣賞大廚炮製海鮮。Chef Joe將一人餐的龍蝦炮製成雪燕金湯龍蝦！剛熟的龍蝦配襯以蝦羔跟南瓜製成的金湯再添上爽滑的雪燕，菜式集鮮香甜於一身吃出獨特的滋味。二人餐的是日海鮮斑馬瀨尿蝦則燒製成避風塘口味！經鐵板熱力親吻後瀨尿蝦的香氣被激活，散發出誘人的焦香味道。避風塘口味為清甜的肉質添上華服香氣特別吸引，更正的是那半熟啫喱狀的橙紅蝦羔，入口黏糯味道甘鮮令人勁回味。兩款套餐也可選大分A5和牛厚燒(60克)或大分A5和牛雲丹薄燒(2片)。Chef Joe為不吃牛的我轉成美味的日本豚肉雲丹薄燒！豚肉內包裹著清香的蔥花吃下肉味香濃之餘更鮮嫩誘人，配搭甘甜的海瞻一起品嚐滋味更悠長。而薄切版的大分A5和牛就最適合怕油膩的朋友享用！選大分A5和牛厚燒更可欣賞充滿煙火氣的環節，火光四射的時候大家也興奮地絕對是拍照打卡之最。喜歡有咬口的朋友選了厚切來品嚐！五成熟可以吃到充裕的油份和焦香，好友對這頂級的滋味非常滿意。每次吃鐵板燒也很喜歡欣賞由零開始炒到香噴噴的炒飯，因為眼睛跟鼻子也會非常享受，這次我們得到的是雲丹炒飯。不消一會香噴噴的炒飯經已來到我們面前！還配上一碗熱騰騰的味噌汁。味噌汁味道夠自然而且不會過鹹，配搭炒飯一起享用非常舒服。炒飯夠乾身香口海膽的鮮甜跟蛋香融為一體好吸引，這美味又叫我抗拒不了將之吃光光。最後還有鑊氣十足的炒野菜！平時不喜歡吃芽菜的我也愛上這道菜，炒得夠香口而且丁點草腥味也沒有，吃得到芽菜和椰菜的清甜。雪糕分別選上海鹽、焙茶、菠蘿及豆腐，四款我也試上味道和質感不俗但始終最愛菠蘿味。大分A5和牛盛宴推廣期激安價由即日起至10月31日(指定日子除外，)逢星期二至日供應想吃的記得預先訂座啊。…查看更多

云云日本料理之中，鐵板燒是我比較喜歡的項目之一。久唔久就會約埋朋友去擦番餐，如是夜，就來了沙田帝都酒店的櫻田日本餐廳，目標正是新推出的北海道A5和牛˙蟹饌。點好餐後，也喝點點清酒，選了甘口的款式，入口柔順，帶點微甜口感，對於我太喝酒的我也較容易接受。先上沙律熱一熱身，清爽沙律結合胡麻醬，以及很足料的松葉蟹肉，絕不欺場。再來的刺身，金目鯛是預期中的爽身鮮美，日本室津生蠔肉質飽滿順滑，伴以魚籽，口感更加豐富。主角的巨蟹登出，是夜嚐到的是加拿大珍寶蟹，大隻、肉多，蟹蓋亦不乏蟹羔，師傅用純熟手勢將之弄的香噴噴的，我也毫無儀態地吃得津津有味。接著來的鴨肝，煎至外微脆，裡面溶化，伴以點點醋有助解膩，紅酒燴梨既有同樣效果之餘，整碟的賣相亦得以提升。另一主角，當然就是北海道A5和牛，可選厚燒或者薄燒。我就一於要厚的，再交換一件朋友的薄燒。著師傅弄得生一點，師傅自然也辦得到。畢竟是最高級別的和牛，入口幾近溶化，夾炸蒜片同吃最為匹配，或者沾些少日本芥末齊放入口，又是別一番滋味。坊間吃薄燒，多半是捲著蔥蒜，然而今次師傅來個新嚐試，以明太子和水菜取而代之，效果是出乎意料的好。炒飯是鐵板燒的必備項目，蟹肉味噌來炒，成品香口到不得了。有幸亦試了需要加錢升級的松葉蟹肉三文魚籽釜飯，非常之足料，每一口都是蟹肉，無可能唔好食。甜品前來個炒野菜作中和，合情合理的安排。甜點是小小一件的千層忌廉蛋糕，份量於我而言是剛好，係最圓滿的終結。…查看更多

踏入秋冬時節，又係嚐蟹既最佳時候，一向懶洋洋既 小丸，偏偏就最喜愛拆蟹，早前剛食過大閘蟹，馬上又四出尋蟹，最近看到沙田 帝都酒店 既日本餐廳 櫻田日本餐廳 推出了挺優惠既 北海道A5 和牛•蟹御膳，其中二人前更有鐵板燒原隻蟹，很吸引，這夜就和愛蟹之徒 小丸 一試套餐分一人前和二人前，主要分別就是一人前提供蟹鍋，而二人前則有原隻蟹既鐵板燒料理，蟹種則按時令挑選前菜先來 松葉蟹肉沙律，看上去就是滿滿的鮮拆松葉蟹肉，啖啖都是鮮甜味道，加上蟹肉嫩滑，而番茄和沙律菜都好清新，實令人胃納大開金目鯛刺身 及 日本室津生蠔 刺身環節，比利喜愛既金目鯛，肉爽身又富鮮香，而肥美既室津生蠔更不用多說，蠔身脹卜卜的，入口爽身鮮美，蠔汁豐富，餘韻猶長，還加上了魚籽，令味道更添層次匈牙利鴨肝配紅酒燴梨 看相都感覺到其邪惡既油脂香，可謂非常豐潤，多吃會膩，兩片就剛剛好，而切片的燴梨亦很入味，啖啖的紅酒香，加上多汁鮮甜，可去一點鴨肝的膩感鐵板燒時令原隻蟹 是夜吃到的是來自加拿大既 Dungeness Crab，坊間又稱「黄金蟹」，侍者先拿來席前給我們欣賞，後再拿給鐵板大廚煮理未幾就有得吃了！ 揭開蟹蓋，蟹膏是非常的豐富，鮮甜而富油香，實在令人拍案叫絕，蟹肉也比想像的多，嫩滑細緻，加上大廚手勢了得，令整體味道昇華，是非常惹味香口的，很滿意！重頭戲陸續有來，接着是 北海道A5 和牛，可根據自己喜好選擇 厚燒 或 薄燒配明太子水菜，比利選了前者，主要是嚐和牛的細緻油花香氣，一入口即溶於口腔中，油香滿溢，加一點蒜片伴吃更是一流，而 小丸 則選了薄燒和牛並捲了水菜，整體會沒那麼膩，帶一點水菜的清新，兩者各擅勝場，二個人吃的話建議可各選一份蟹肉味噌炒飯 是要大讚的！飯粒炒得粒粒晶瑩，非常香口，加上豐富的蟹肉和富味噌濃香，雖然已經很飽，也讓人要清碗才肯罷休重口味過後，還有 炒野菜 和 味噌湯，讓味蕾清新一下迎接甜點，其實已經挺飽了，甜品是簡單的   千層忌廉蛋糕，加上黑豆和紅豆點綴，好吃~二人前原價是＄2,688，酒店現做優惠＄2,288，如前文所說，這裡同時供應一人前套餐的，餐單會略有不同，詳情請往酒店網頁查詢，温馨提示，以上套餐只供應至1月31日，必需訂座，另，我們因較遲訂枱，鐵板席已滿，只能坐普通座位，如果想要訂鐵板席的話，邊看大廚煮理邊品嚐美食，建議提早訂枱喔~…查看更多

櫻田日本餐廳 📍沙田白鶴汀街8號帝都酒店3樓━終於到食蟹嘅季節 蟹控表示期待~聽聞帝都酒店的櫻田日本餐廳新推出時令限定menu以 北海道 A5 和牛．蟹御膳 為題 設計一系列豐富又精緻的菜式雙人套餐鐵板燒都可以吃到高質蟹! 一推出就好多人食~━🥗 松葉蟹肉沙律
▶︎ 清新開胃 加上松葉蟹肉更添鮮香━🦪 金目鯛刺身及日本室津生蠔▶︎ 金目鯛刺身嫩彈有魚香 而生蠔肥美重海水味~
━🦆 匈牙利鴨肝配紅酒燴梨▶︎ 鴨肝外焦內軟一口爆汁 搭配紅酒燴梨 香而不膩!
━🦀 鐵板燒時令原隻蟹▶︎ 蟹肉緊實鮮美 鐵板燒製之下暴露鮮味 加入蟹膏更為香口 ▶︎ 無論是熟度還是調味都剛剛好~ 滿足!━
🐮 北海道A5和牛厚燒(120克) ▶︎ 厚燒有火焰特效超IGABLE! 而入口即化油香十足 是食得出的靚肉~🐮北海道A5和牛 薄燒、明太子水菜 ▶︎ 薄燒與眾不同地加入明太子水菜 更添口感與濃郁感━
🍚 蟹肉味噌炒飯▶︎ 炒飯加入蟹肉味噌 比普通炒飯更濃郁! 
🥬 炒野菜 及 味噌湯
千層忌廉蛋糕▶︎ 千層蛋糕配上糖漬栗子與紅豆 超日式的結尾~…查看更多


位於沙田帝都酒店3樓的櫻田日本餐廳，環境雅致，主打頂級刺身與鐵板燒。我們點了「大分A5和牛盛宴（2人）」，優惠價$2288，食材新鮮、份量十足，質素對得住價格！👍🏻亮點菜式：室津生蠔入口嫩滑，配柚子酸汁清新開胃；大分A5和牛厚燒油花完美，入口即化，香氣四溢；瀨尿蝦鐵板燒外脆內嫩，鮮甜多汁；海葡萄沙律和抹茶雪糕清新美味，雲丹炒飯稍欠海膽風味。CP值高而且食材美味，仲可以直接面向廚師即席為你料理新鮮食材味道同觀感並存的高級鐵板燒！…查看更多

🐷📌 #豬西食新界 #豬西食沙田.沙田帝都酒店入面有間 #櫻田日本餐廳 🌸喺新城市廣場條橋穿過去就到㗎啦😆佢地專注日式精緻料理 食材講究 環境都唔錯好適合慶祝或慢慢品味😆要準備驚喜俾生日嘅親朋戚友或者慶祝周年紀念日都好適合㗎🥰.今次我哋就食咗呢個 大分A5和牛盛宴🥩師傅喺面前做嘅鐵板燒 除咗係美食之外 我會話更加係一場表演啊😆🥰.🐷海葡萄野菜沙律配柚子醋🥙🥗
海葡萄爽脆富彈性 配合新鮮野菜同清新柚子醋 清爽開胃🤤.🐷日本室津生蠔配酸汁 （2枚）同朋友一人一隻生蠔🦪😆
上碟嘅時候有乾冰襯托着 個視覺享受已經贏晒😆肥美生蠔鮮甜帶海水香 一啲都唔腥😆 高級食材 果然係有品質保證 配以精緻酸汁 突出海鮮原味 口感細膩 🐷吞拿魚金箔脆筒
吞拿魚新鮮豐腴 放上閃亮金箔 配搭脆筒入口口感層次分明 而且脆筒亦都好香 整體口感非常豐富🤤🐷海の幸京の豆乳
呢個唔似平時普通嘅茶碗蒸成碗都係特色豆乳整出嚟嘅 帶淡淡豆香 融合海鮮鮮味 溫潤軟滑😬🐷是日特選鐵板海鮮 瀨尿蝦呢隻瀨尿蝦極級大隻呀！ 師傅喺面前整嘅時候已經好有睇頭🥰而且仲幫我哋分開咗幾件 方便進食！每一件都有好濃郁同埋新鮮嘅蝦味 仲要有好多蝦膏㗎🦐香嘅程度已經好難用文字表達😭 直頭係食完啲蝦肉仲想攞去個殼 一滴不漏咁食曬啲精華呀🐷大分A5和牛雲丹薄燒可以選擇大分A5和牛厚燒 或者呢一款小編就鍾意食海膽 所以就想加埋雲丹落去啦😂
選用頂級大分A5和牛 肉質細膩油脂豐富 與鮮甜雲丹薄燒並置 入口即化 啖啖都係肉香同埋滑溜嘅海膽滲出嚟嘅香味😭🎀而且幾片加埋 每人都食到幾多下…真係飽到呢！！肉香與雲丹鮮味完美融合🤩 裏面仲包咗好多配料架 例如小小嘅蔥花 令到個口感更加豐富🤩雖然小編冇揀到大分A5和牛厚燒但係睇到鄰桌嘅食客叫左煮嘅過程超有架勢😂😂🔥 經驗豐富嘅師傅咁樣煮法都真係好吸引 睇到我地流曬口水啦😆🐷雲丹炒飯
炒飯粒粒分明 個份量亦都係幾多下 （因為本身已經食咗好多嘢 所以我覺得呢碗飯嘅份量真係算多🧸） 拌入滑溜海膽 炒嘅時候已經聞到好香🥹🥹 🐷炒野菜及味噌湯
食日本嘢一定要有嘅炒野菜🥰鮮炒季節野菜爽甜加埋味噌湯直頭就係經典配搭🤩🐷豆腐味雪糕🍦🍨
口感有少少似雪葩，微甜不膩😬🐷飲品有好多款唔同嘅嘢飲可以額外叫㗎😆小編就嗌咗呢個白桃梳打🍑誠心推介大家飲🐷佢哋真係用一本牌子嘅白桃梳打而唔係好似某啲普通日本餐廳咁樣求其攞啲糖漿溝出嚟😂😂呢個牌子小編之前都飲過 超中意😭😭😭💕💕.呢間餐廳質素有保證，大時大節要慶祝嘅話嚟呢度就實唔會錯啦😆🔥.櫻田日本餐廳
📍沙田白鶴汀街8號帝都酒店3樓
.
#櫻田日本餐廳 #沙田美食 #大分A5和牛 #日式海鮮盛宴 #高級日料 #日式甜品 #hkfoodie #foodiehk #新界美食 #沙田打卡…查看更多

【🍴沙田帝都酒店櫻田日本餐廳】A5和牛盛宴嘅極致體驗 💯🔥.放假同幾位朋友去咗沙田帝都酒店嘅櫻田日本餐廳，試晒佢哋嘅「大分A5和牛盛宴」二人前同一人前套餐，真係大飽口福💕 餐廳環境優雅，服務細心，食物質素更加係無得彈😋👇.🍽 大分A5 和牛盛宴（二人前）💰 價錢：HKD 2,288/期間優惠價（HKD 2,688/原價）.1️⃣ 海葡萄野菜沙律配柚子醋 🥗海葡萄晶瑩剔透，咬落去爽脆爆汁💦，帶淡淡海洋鹹香，配上新鮮嘅沙律菜同日本柚子醋，酸甜清新，開胃一流😋 柚子醋嘅酸味唔會太搶，反而提升咗海葡萄嘅鮮味，整體好平衡👍.2️⃣ 日本室津生蠔配酸汁（2枚）🦪生蠔肥美飽滿，蠔味濃郁得嚟帶微微嘅金屬味，但唔會腥💯酸汁嘅柑橘香同微酸完美中和咗蠔嘅膩感，建議一啖食晒，感受蠔汁爆出嚟嘅快感👌3️⃣ 吞拿魚金箔脆筒 🍣賣相超華麗✨金箔點綴好吸睛！脆筒香脆唔油膩，裏面嘅吞拿魚刺身肥美，搭配少許蔥花同wasabi mayo，鮮甜中帶微辣，口感層次豐富👏4️⃣ 海の幸京の豆乳 🍮豆乳嘅質感滑溜如絲綢，豆香味濃🥛配上雜錦海鮮，鮮甜得嚟唔會蓋過豆乳本身嘅香滑，加埋澴香龍蝦汁，好有驚喜🎉5️⃣ 是日謎之鐵板海鮮 🦐瀨尿蝦新鮮彈牙，用鐵板燒方式處理，外殼微焦香脆，蝦肉保持juicy，蒜香牛油汁嘅香氣撲鼻，食完仲想encore🦐🔥6️⃣ 大分A5和牛厚燒（120克）🥩全場最正💯 和牛油花分布均勻，入口即溶🐮肉汁豐富！師傅燒到medium rare，外層焦香，內部粉嫩，鹽燒調味更加突顯和牛嘅油脂香，配埋wasabi同岩鹽，簡直係味蕾嘅享受😭7️⃣ 雲丹炒飯 🍚炒飯粒粒分明，火候十足🔥海膽嘅鮮甜完全融入飯粒，質感超CREAMY，食完一碗完全唔夠喉🤤8️⃣ 炒野菜 & 味噌汁 🥬野菜炒得爽脆，保留食材原味，味噌汁香濃但唔會過鹹，暖胃又平衡成餐嘅油膩感🍲.9️⃣ 雪糕 🍨揀咗海鹽味，微鹹帶甜，入口creamy又清新，完美收尾✨🍽 大分A5 和牛盛宴（一人前）💰 價錢：HKD 1,288/期間優惠價（HKD 1,688/原價）.1️⃣ 海葡萄野菜沙律配柚子醋 🥗同二人前嘅水準一樣，清爽開胃💕.2️⃣ 海の幸京の豆乳 🍮依然係咁滑溜鮮甜，性價比高！.3️⃣ 炙燒油甘魚配柚子胡椒 🐟油甘魚油脂豐富，輕輕炙燒過嘅魚皮焦香，魚肉仍然保持嫩滑😋柚子胡椒嘅微辣同柑橘香提升咗魚嘅鮮味，正！4️⃣ 雪燕金湯龍蝦 🥣龍蝦湯濃郁creamy，仲有啖啖龍蝦肉，雪燕增加咗口感，金湯嘅南瓜香同龍蝦鮮味好夾，飲完暖笠笠💛5️⃣ 大分A5和牛雲丹薄燒（2片）🥩和牛薄片包裹住鮮甜嘅海膽，生熟度剛好，入口即化，海膽嘅creamy同和牛嘅油脂完美融合，邪惡又滿足🔥6️⃣ 雲丹炒飯 🍚同二人前嘅版本一樣好食！. 7️⃣ 炒野菜 & 味噌汁 🥬🍲保持水準～.8️⃣ 雪糕 🍨（焙茶、菠蘿）焙茶味香濃帶微微苦澀，好日式風味！菠蘿味就清新解膩🍍，兩款都好食～.💬 總結櫻田嘅A5和牛盛宴真心高質，無論係食材、烹調手法定擺盤都落足心機✨尤其推薦「和牛厚燒」同「雲丹炒飯」，食完超級滿足😍絕對物有所值，值得encore💯.櫻田日本餐廳📍 地址：香港沙田白鶴汀街8號帝都酒店3樓.#香港美食 #和牛盛宴 #沙田餐廳 #櫻田日本餐廳 #foodiehk…查看更多

❀帝都酒店櫻田日本餐廳 #沙田 ❀❗五星酒店級數鐵板燒 大割引後$1200一位 ❗——————————————————沙田帝都酒店內嘅櫻田日本餐廳係元組高級鐵板燒代表，推出咗宮崎A5和牛•乳龍蝦御膳 ✨顧名思義唔少得A5和牛及龍蝦 ，另外亦有立鱗燒、刺身等。因為人流的確頗多，建議大家及早訂位先可以坐到吧枱觀賞師傅烹調‼️.前菜最喜歡宮崎雞肉素菜卷配鴨肝醬，嚴選匈牙利鴨肝醬，鴨肝味濃郁☺️牡丹蝦刺身用上乾冰呈上，充滿煙霧效果非常夢幻，肉質晶瑩剔透，彈牙鮮甜。食完剩下嘅蝦頭仲可以拎去炸👍🏻.主菜有乳龍蝦天婦羅，唔知係咪擺放耐咗，所以炸皮比較腍，而且較厚身🙈旁邊嘅龍蝦膏醬就還好。甘鯛立鱗燒表現好啲，魚皮係勁酥脆不刮口，特別喜歡配上清甜嘅豆乳。重頭戲宮崎A5 和牛入口即化，另外仲有薄切包住香蔥，不過略嫌份量較少，唔夠喉🤣.最有驚喜居然係山椒魚苗山葵炒飯🤩微微辛辣又有鮮味特別香口。甜品仲係原個香桃雪葩，清新解膩🥳.✷𝑀𝑒𝓃𝓊✷☞ 宮崎A5和牛•乳龍蝦御膳（二人前）$2,188（原價$2,988）;(一人前）$1,188 （原價$1,788）供應日期：2025年5月1日至7月31日(星期二至日及公眾假期)供應時間：12:00-15:00及18:00- 21:30.♥ 三色藜麥海老沙律♥ 宮崎雞肉素菜卷♥ 牡丹蝦刺身♥ 乳龍蝦天婦羅♥ 甘鯛立鱗燒♥ 宮崎A5和牛♥ 山椒魚苗山葵炒飯♥ 炒野菜♥ 味噌湯♥ 雪葩——————————————————✨整體味道: 3.6/5 ✨環境裝修: 3.9/5✨服務態度: 3.9/5✨性價比: 3.3/5✨再訪興趣: 3.3/5 .💞整體來講作為酒店級元組鐵板燒餐廳，平日夜晚都成日full晒，有興趣要預早book位要求坐吧枱，相信睇到廚師烹調體驗會更好🙈折後$1200一位，你話值唔值？…查看更多

和跟朋友一起享用一頓宮崎A5和牛御膳，看著鐵板燒師傅在烹調，也是一種快樂﹗這晚我們點了宮崎A5和牛‧乳龍蝦御膳，鮮味之最，爆油爆汁、回味無窮。前菜三色藜麥海老沙律，選用爽甜的鮮蝦搭配以藜麥，再淋上開胃的和風番茄汁，清爽酸甜，甚為開胃。接著是的宮崎雞肉素菜卷，嚴選宮崎地雞肉，包裹時令蔬菜，在其上放上濃郁綿滑的匈牙利鴨肝醬， 加上嫩脆的青瓜，一口放到口裡，層次豐富，豐腴鮮美。 牡丹蝦刺身，晶瑩剔透，入口鮮甜嫩滑，連蝦頭都特別鮮美。主菜有乳龍蝦天婦羅， 以高溫快炸鎖住龍蝦的海洋鮮甜，外皮金黃酥脆，龍蝦肉雪白彈牙，搭配以龍蝦膏及鮮牛油混合而成的濃郁醬汁，鮮味無窮。 甘鯛立鱗燒採用經典立鱗燒技法，金黃的外層，入口像薯片一樣酥脆可口，而魚肉則保持細嫩多汁；搭配日本香濃豆乳為基底熬製的湯汁，加入柚子皮提味，超愛這和風滋味。宮崎 A5 和牛，均勻的大理石油花紋理，不論厚燒或薄燒，都是柔嫩美味。厚燒的金黃微焦，入口爆油爆汁，散發濃郁油脂香氣。薄燒的除了油花香，更多了份濃香蔥蒜。接著，有味噌湯及炒野菜。  最後以山椒魚苗山葵炒飯作結， 炒飯加入山椒魚苗與現磨山葵提味，飯粒分明不油膩，微辛口感令人欲罷不能。 甜品是原個水果雪葩，分別是蜜桃雪葩及蘋果雪葩，甜蜜冰涼，我獨愛蜜桃。 …查看更多

上星期晚去咗沙田探朋友，到咗食飯時間，朋友帶我到她家附近酒店餐廳搵好嘢食，呢間「櫻田」日本餐廳位於帝都酒店3樓，佢哋好多套餐都做緊優惠。我哋揀咗宮崎A5和牛盛宴（二人前） （優惠價$2188）🥢 三色藜麥海老沙律配和風蕃茄汁鮮美嘅海老搭配咗軟糯嘅三色藜麥，再加埋新鮮翠綠嘅蔬菜，最後配埋酸甜嘅和式蕃茄汁，非常酸甜清爽。🥢 宮崎鳥肉素菜卷配匈牙利鴨肝醬在蔬菜卷上配上非常嫩滑的宮崎雞肉，繼而再鋪上一層極為滑溜的鴨肝醬和矜貴嘅魚子醬，口感層次極為豐富。🥢 牡丹蝦刺身呢隻牡丹蝦非常巨大兼彈牙，蝦身做咗刺身，肉質非常鮮甜，而蝦頭用嚟酥炸，非常酥脆，絕對適合佐酒。🥢 乳龍蝦天婦羅師傅炸到龍蝦外層金黃酥脆，而裡面嘅龍蝦肉仍然保持到鮮嫰多汁，口感極為彈牙，再配合埋師傳特製嘅蝦膏醬汁，更增添咗龍蝦嘅鮮甜。🥢 甘鯛立鱗燒配柚子豆腐湯甘鯛嘅魚鱗經高溫油炸後竪起，入口時酥香清脆，而魚肉嘅肉質夠晒細嫩，再配埋羊肚菌和師傅特製嘅柚子豆腐湯，更顯層次感。🥢 宮崎A5和牛厚燒師傅製作呢個和牛厚燒時，贈送埋一場好精彩嘅火焰show俾食客睇，睇到每個客人都嘩嘩聲兼📱影個不停。宮崎A5和牛肉質非常細膩柔軟、入口即化，油脂豐富兼濃郁，再配埋脆炸蒜片嚟食，更顯香濃。🥢 生椒魚苗山葵炒飯炒飯本身顆粒分明，入口鮮香，配合埋生椒、魚苗和山葵嘅香味，口感更為豐富，味道極濃郁。🥢 炒野菜簡單的鹽和黑胡椒調味已經能突出野菜本身嘅鮮甜爽脆。🥢 雪葩原個蘋果雪葩和蜜桃雪葩，份量一啲都唔少，非常清甜解膩。…查看更多

黎咁多次沙田都未入過黎帝都酒店食野，晚飯時間黎試下佢地日本餐廳嘅正宗鐵板燒😚都幾多人book位，坐係吧枱睇大廚表演，成晚都好吸睛，而家做緊優惠平左好多！💮宮崎A5和牛·乳龍蝦御膳 （二人前）$2188▪️三色藜麥海老沙律配和風蕃茄汁開胃前菜，配蕃茄汁爽甜清新▪️宮崎鳥肉素菜卷配匈牙利鴨肝醬、牡丹蝦刺身兩樣野一碟過上，刺身蝦大隻，蝦肉晶瑩剔透，加埋乾冰打卡，好新鮮。鴨肝放上魚子醬同金箔，外表華麗，中間夾住肉卷同青瓜，口感豐富▪️乳龍蝦天婦羅龍蝦天婦羅外層炸到金黃色，外脆內軟，熱辣辣脆卜卜😋龍蝦肉雪白彈牙，廚師推薦蘸上龍蝦膏醬，風味濃厚▪️甘鯛立鱗燒配柚子豆乳湯鯛魚立鱗燒表層炸到好香脆，連平時少食魚嘅我都覺得好正，豆乳湯味道濃啲會更好▪️宮崎A5和牛厚燒厚燒和牛好大塊，油脂飽滿，口感軟嫩，仲有鐵板火焰表演睇🔥燒好切成一小件，入口即溶▪️山椒魚苗山葵炒飯 炒飯調味唔錯，加埋蔥蛋好香口，炒得再乾身少少就perfect ▪️炒野菜&味增汁▪️雪葩我以減蘋果或者蜜桃雪葩，兩個都有拳頭咁大，解膩清甜…查看更多

日本料理之中，個人最愛就是日本燒肉及鐵板燒，偏偏就不是經常會吃到，數數手指，對上一次享受Teppanyaki，已經是三個月前的事。今次與食友來到帝都酒店的櫻田日本餐廳，就是為了吃一頓鐵板燒，目標直指新推出的宮崎和牛乳龍蝦御膳。有幸坐到吧枱位，可以近距離欣賞到師傅的手勢，是吃鐵板燒的重點之一。套餐以三色藜麥海老沙律作熱身，新鮮的食材，配合清爽酸甜的和風番茄汁，有效打開了胃口。宮崎雞肉素菜卷，單是將地雞肉包裹著蔬菜，已經可口，再伴以鴨肝醬，與及一點點的魚子醬作點綴，成件事矜貴得多。緊接著的牡丹蝦刺身，上桌時以乾冰帶出仙氣氛圍，肉質則是爽身鮮甜。蝦頭當然不會浪費，讓師傅拿回去炸至香脆，岩晒中意食香口嘢既我。再來的乳龍蝦天婦羅，爽彈的龍蝦肉披上酥脆金黃的外衣，沾上以龍蝦羔及牛油打造而成既濃郁醬汁，好吃。今時今日，立麟燒在鐵板燒桌上已是很普遍的項目，脆卜卜的魚皮結合細嫩的肉質，是吸引的。呢度有別於坊間的鐵板燒專門店，會配以豆乳湯，加點點柚子去提味，又是一個創新的做法。作為食肉獸既我，最為期待的始終是A5宮崎和牛，可選厚燒或者薄燒，商議過後，各一即可。薄燒捲起包裹著蔥花，入口是預期的嫩滑。厚燒切粒，肉質同樣鬆化，帶脂香，夾炸蒜片同吃，依然精彩。厚燒與薄燒，一次過嚐到兩個不同口感，各有喜愛。吃得飽飽，但炒得香氣撲鼻的山椒魚苗山葵炒飯，又真的有水準，我奮力吃了大半碗。大魚大肉又龍蝦，最後吃些炒野菜平衡下，是有必要的。結尾的桃味雪葩，也絕不會馬虎了事，清新可口，是圓滿的終結。…查看更多