更多
2019-01-24
463 浏览
烏冬唔係我嘅最愛,但自佢開業以來每次行過都想入去試吓,可惜緣份未到。今日喺附近染完頭髮已經三點鐘,好肚餓!獨自一人勇闖!成間鋪無人得我一個,L形吧枱共十個位,有水供應但無茶,想飲其他請到門口自動販賣機!唉!!我點咗鰹魚清湯烏冬(熱)骨付雞呢度主打自家製烏冬梗係要試吓啦!不負所望,烏冬的確唔錯,爽滑彈牙配海帶及蔥花,鰹魚湯都ok但味道偏淡。加埋一啲薑蓉,令整體味道再提升一些。至於隻雞脾🧐應該唔係新鮮雞。佢話即叫即焗需時十零廿分鐘,熱辣辣皮脆肉嫩嘅,有陣蒜香味就冇咩雞味,感覺似快餐店咁囉!加啲七味粉再滴啲檸檬汁就好啲啦!講開雞呢個字,係日本見啲鋪頭係會寫‘鳥’㗎喎!幫襯完之後嘅感覺係,除咗樽七味粉和牆上掛著既御守之外,一啲都唔日式。唔洗等位排隊還可以喔!
成間鋪無人得我一個,L形吧枱共十個位,有水供應但無茶,想飲其他請到門口自動販賣機!唉!!
至於隻雞脾🧐應該唔係新鮮雞。佢話即叫即焗需時十零廿分鐘,熱辣辣皮脆肉嫩嘅,有陣蒜香味就冇咩雞味,感覺似快餐店咁囉!加啲七味粉再滴啲檸檬汁就好啲啦!
講開雞呢個字,係日本見啲鋪頭係會寫‘鳥’㗎喎!
幫襯完之後嘅感覺係,除咗樽七味粉和牆上掛著既御守之外,一啲都唔日式。唔洗等位排隊還可以喔!
张贴