喜記避風塘炒辣蟹 (謝斐道)

营业中

休息中

喜記避風塘炒辣蟹專門店可以話係地道避風塘炒蟹既始祖！今日就同左屋企人黎食，帶佢地試一試喜記灣仔元祖老店避風塘炒辣蟹🦀🦀！我地揀左好幾個餸，樣樣都好唔錯！招牌避風塘辣蟹喜記嘅招牌避風塘辣蟹真係一絕！用左新鮮肉蟹，加左大量炸蒜、辣椒炒，香辣四溢，真係食到停唔到口。蟹肉啖啖肉仲要好嫩，每一口都充滿肉汁，味道又濃郁，搭配白米飯仲正，回味無窮。蒜蓉粉絲蒸大聖子皇大聖子皇新鮮肥美，原汁原味咁蒸，保持晒鮮甜味道。蒜蓉配搭粉絲，一向無得輸，仲吸收晒海鮮嘅鮮味，真係超正。粉絲爽滑，係必試之選！脆皮BB乳鴿BB乳鴿有驚喜喎！外皮金黃酥脆，但係肉質嫩滑，咬落去唔會乾身，仲keep到有d肉汁！而且唔會有膻味，真係唔錯！瑤柱蛋白炒飯瑤柱都算幾多幾足料，啖啖都食到瑤柱嘅鮮味，配搭香口既蛋白，令簡單既炒飯更加豐富。d飯仲炒到粒粒分明，好香口。配上少少青菜，令個飯唔會咁油膩。招牌醉鮑魚醉鮑魚個味調得好好，味道濃郁，食落口感滑嫩。既有酒香又食到鮑魚嘅鮮甜，完美！喜記真係非常適合同家人、朋友聚會，絕對係一個好選擇！