意房菜

营业中

休息中

之前同朋友係旺角補完習又四出搵食 係毫無頭緒既情況下經過呢間餐廳 朋友見佢個dinner menu幾吸引提議試下 結果呢位朋友再一次揀錯orz 係門口睇menu時我以為佢係食西餐既 點知入匯到黎見到menu有三文魚刺身 鵝肝牛扒 石頭鍋飯 珍珠奶茶 已經心知不妙 d款式咁多 廚師真係應付到嗎？ 但都坐低左 唯有叫個dinner set係雜菌risotto配牛仔肉 頭盤係田螺焗薯蓉 配忌廉湯蒜蓉多士 但餐飲竟然有珍珠奶茶 第一次食西餐配台式珍珠奶茶！個湯味道好怪 但綜合成個餐已經唔算難食 蒜蓉多士焗焦左 算！杯珍珠奶茶又係唔得 算！最好笑係我第一次見餐廳會將個頭盤田螺焗薯蓉擺係個主菜個碟邊！how come?我依家係食緊炒埋一碟既碟頭飯嗎？牛仔肉d味過得去 但個risotto真係食左一啖就成碟無食 好難食 d口感連珍珠米都比唔上 好似煲好d飯撈d雜菌汁煮爛佢咁！頂唔順！比餐廳既宗告:應付唔到就唔好提供咁多款選擇 倒不如專注係一個國家既茶上 免得搞到依家咁不倫不類！無人客會番轉頭的！