意房菜

友人話好多年前都有食過覺得幾好食嘅咁呀咁就OK啦去食啦，都唔知食咩跟住入到去就見到個環境好昏暗啦而且啲枱枱凳等到好似好污糟感覺上嗰啲嘢都好殘殘舊舊痴痴立立.咁就算啦，因為朋友都有目的咁咪照食跟住嗌咗個王牌嘅牛油酥皮鵝肝同埋一個肉醬焗薯千層麵.OK咁跟湯我哋嗌咗一個紅湯個白湯啦咁白湯上面仲加咗酥皮變成酥皮湯咁嚟左個餐包咁佢上面呢唔係用普通嘅牛油啦佢用劣質嘅油啦所以食落去好有臭油嘅味道啦🤢🤢🤢🤢🤢🤢已經不是太搞得掂啦，跟住都唔想再食個包到一啖.好啦，跟住湯嚟咗啦，我哋嘅白湯酥皮湯飲落去淡而無味黐咗線😂😂🤣跟住我哋喪加胡椒粉然後佢酥皮就係平時印度薄餅嗰塊酥皮極唔好食，而且佢冇金黃色佢係少少變色都冇….跟住我同友人講，下次帶你去飲IKEA嘅酥皮湯😂好飲好多囉！然後紅湯就正正常常普通唔似紅湯嘅紅湯，但係至少唔會奇怪.主食到了個牛柳都有少少嘅牛味嘅不過就偏向硬身通常好食嘅牛柳或者更加好嘅牛柳應該係會入口即溶嘅感覺，佢就係冇做到鵝肝就好鬼死細塊酥皮又係搞唔掂，酥皮湯嘅酥皮一模一樣😂🙂唔知點解仲可以稱之呢個餐為王牌.跟住到千層麵黐咗線😂我冇諗過原來千層麵同薯蓉係分開👍🏻👍🏻成兜嘢好似食緊薯蓉再加千層麵而佢千層麵….其實你知唔知咩係千層麵？佢千層麵係得兩層，而且佢面係勁少.大家可以睇到圖片好似一個圓形咁樣薯蓉就係外圍嘅部份然後千層麵只係中間一個拳頭少少嘅部份所以其實成兜嘢我都係食緊薯蓉我俾咗一個唔知幾貴嘅價錢喺度食薯蓉跟住我完全覺得自己係大水魚🐟🐟🐟🐟🐟.跟住打咗咁多字飲品同甜品都唔係特別想講就係好普通叫左杯珍珠奶茶佢嘅珍珠係好硬身咬唔開嗰隻？…查看更多

旺角女人街好多野食 ，今日同朋友旺角行完街是旦搵左間餐廳食飯.環境 好老實 唔係好得 餐牌明顯係有使用多年既痕跡，都冇換過餐單 同埋痴立立. 🫣 雖然餐廳環境一般 但都好多人黎食..因為夠平.🐷我叫咗招牌菜酥皮法國鵝肝牛柳配黑椒汁，鵝肝 同牛柳都好大件，牛柳都幾淋，同埋冇咩根，佢可以簡配飯、意粉或薯菜，我簡左意粉，根本食唔晒🫣 $119 包埋野飲 野飲仲可以簡珍珠奶茶 不過我怕伏 簡左普通既金桔檸檬綠茶。朋友叫左紐西蘭特級牛肉肉眼扒套餐佢再加左酥皮湯，佢都係食唔晒 😂 最後仲有甜品送 朱古力慕絲蛋糕 🍰 味道又唔錯！唔會太甜 亦唔死甜 好有朱古力味👍🏻估唔到有既價錢可以有咁既質素，全部都大份夾抵食 同埋唔差 只係環境需要改善 應該會大受歡迎. …查看更多

好耐之前食過佢個酥皮牛柳，味道不錯，琴日行過，見好耐冇食入去食個牛扒。發覺而家地方污糟，啲餐牌都千年冇換過咁樣，湯、牛扒都唔係熱嘅，啲牛扒用刀切都要切好耐，唔知把刀唔得定係多筋，其實佢咁樣做生意法，係咪想執呢？…查看更多

一入到去職員就話中間卡位滴水 其他滿座 要我地坐門口或者最入面既位。我地坐門口嗰面 一坐低就好似俾嘢咬 周身唔舒服🤢。枱面有張用過既紙巾 但係無職員黎抹。個餐牌好殘舊 好似廿年無換過咁。食物質素停留咗喺廿年前港式扒房咁，威靈頓既牛柳 鵝肝 同塊酥皮 完全係分開既 擺埋同一碟就叫威靈頓鵝肝牛柳？同張相都完全唔同。成餐飯食得勁唔舒服。可能係十年黎最差既一次。以為自己去咗啲落後既地區食飯🥲。點解香港既餐廳業可以搞成咁。買單仲要兩個人$321。出面好多選擇可以食好啲坐好好多。…查看更多

旺角身為旅遊勝地，美食潮流店舖比比皆是，但要好食又抵食可能未必間間都係，打卡滿分但食物質素參差佔大多數，所以本地朋友仔都會去食d性價比高d既餐廳，呢間意房菜絕對係其中一間店舖位於豉油街多嗰間路邊露天攤檔嘅後方，基本上冇咩遊客會行啲咁嘅兜痞地方，但識食既本地人就無呢個問題。店面主打一個陰陰暗暗既黑玻璃，店外餐板都殘殘舊舊，入到店內都勁暗加上空間狹窄，檯面黐立立既感覺還是老樣子叫了一個套餐「意式芝士海鮮飯」，外加酥皮湯，有野飲仲有布丁甜品都係7x，邊度搵？「意式芝士海鮮飯」，隔住個mon就咁睇都已經色香味俱全，配料有墨魚圈青口，蜆蟹柳棒，仲有極大量嘅芝士忌廉，個飯熱辣辣仲要勁creamy，青口同蜆都冇雪味，雖然稱唔上新鮮，但依然味道良好，肉質軟熟冇橡筋口感👍但我可以好肯定咁話俾你知最好食嗰部份一定係個飯本身，撈勻晒啲芝士，啖啖都有芝士嘅香味，即使冇餸我都可以就咁食晒成碟飯脂肪膽固醇代表，酥皮忌廉湯😂忌廉湯就當然係罐頭忌廉湯，不過重點係個酥皮，雖然等咗成三四個字先有得食，但就咁浸落去滿滿香氣四溢嘅牛油味，只係跟餐加$10就有，值！喺Menu上面可以選擇嘅飲品裏面個名最為正常青蘋果綠茶，但飲落去一刻立即糖尿病三期，甜到飛天遁地最後上嘅朱古力布甸，你問我我覺得比東海堂嘅$24.蚊1個嘅牛奶布甸好食😌甜度適中，朱古力味亦都濃。整體而言95分嘅午餐，主要扣分點係啲嘢飲太甜，加埋間地方陰陰暗暗有少少令人覺得污糟嘅感覺，不過見到店內唯一一位店員，店面一腳踢竟然一啲甩漏都冇，語調客氣。假設同佢一樣咁忙嘅話，一般其他餐廳除咗無視你同西面之外，我諗唔到有咩反應最令我感動嘅係，我本身諗住起身俾錢嗰陣時，佢仲提醒我話我仲有個甜品未食，服務態度非常好工作能力又高，冇得頂…查看更多

平安夜本開開心心食件牛扒，負責人建議五成會香口啲😍但切開是生，牛扒面也是凍！五成點會牛扒面是凍及生？告訴負責人，她取回用油煎熟給我，超熟有油味，完全不可接受😭我叫負責人可試吓😠她當然不會理會。貨不對辦，錢照付，她怎會覺得有問題🤷‍♀️可能已習慣吧😡作為消費者，我要如實報道🤬…查看更多

今日同埋小朋友一齊嚟食晏晝我再次encore芝士漢堡蛋飯老公就嗌咗個牛扒意粉阿女嗌咗佢個千層麵今次試忌廉湯 佢好夠熱 起碼有五六嚿好有口感嘅蘑菇 今次另外想講吓佢個千層麵唔係好多肉 佢啲薯仔香到形容唔到食一啖好似食咗成個薯仔咁老公話佢個牛扒都幾好味 牛扒真係好大塊 我哋係睇住佢開門嘅 唔夠半個鐘已經坐滿晒 有一半人以上都係嗌呢個牛扒飯都係嗰句啦 咁既價錢佢性價比好高另外夾到隔離有嗌葡國雞飯 好似幾好食早前見到有個人嗌咗個牛肉石頭鍋飯 佢真係起碼用咗15分鐘做 真係好香 下次試吓呢兩樣芝士漢堡扒蛋飯 我之前嘅食評有介紹過用嘅係珍珠米…查看更多

今日漫無目的咁喺行旺角求其入咗呢間餐廳食lunch叫咗個日本和牛芝士蛋飯$45有湯有包凍飲 咁嘅價錢諗住是但啦羅宋湯飲得出係自己調過嘅 雖然有啲偏甜，但係呢個價錢我覺得都OK 小朋友會好鍾意有驚喜係個飯 $45佢都會用珍珠米 個漢堡扒就似我哋喺 Aeon買$35 嗰啲另外另外有啲驚訝嘅係喺呢度嘅食評好壞參半 我見到嗰個姐姐一個人做晒咁多嘢雖然佢唔係嗰啲鞠躬前鞠躬後嗰啲 但係你都見到佢好盡力咁樣樣去服務大家 佢做唔切會同你講你俾啲時間我，我轉頭幫你落嘢飲講真 最貴lunch都係$55 有湯有嘢飲 凍飲仲唔使加錢 一大堆乜茶珍珠奶茶俾你揀性價比真係好高 問心，我覺得成條街其他$80至$100嗰啲服務態度都係差唔多大家俾啲同理心 支持吓呢間小店…查看更多

0裝修感覺好舊但食物水準意外地好！酥皮湯好飲！酥皮鵝肝牛 先百幾、牛肉夠林唔老 鵝肝好香甜品食左朱古力布甸，質地好綿密，朱古力味濃！店員態度友善，好有禮貌。今次walk in體驗很好。不過對環境有要求既人要三思！因為地方較窄，d傢私好舊！…查看更多

小弟晚上去這間try try, 叫了一個set dinner 及一些小食，及外賣（拿回給老婆吃）， 餐牌及相片 睇落唔錯，但就在我吃到一半！！竟然有一隻 如同一粒米大小的曱甴 由配菜中間爬了出嚟， 我立即同 唯一的一位服務員（又肥又 矮小又老的tb阿姐）理論， 本身佢態度已經唔好， 我見到有曱甴，要cancal張單，佢話我食果d照計錢，未來的食物才可cancel, 因為我今天太累，反應慢了，其實應該立即報警！有虫重要比錢？最尾我付了118元才可離開！冇下次！！！…查看更多

這間位於旺角鬧市的意房菜又是肥師兄的頂力推介。聽肥師兄介紹這店主打性價比，超抵豬手超巨份量。未入店內，在出邊看看時仍覺得是一間正常不過燈光有點氣氛的西餐廳。開始入去未坐下已感覺到這點的放棄人生不是靠的。環境是非一般污糟，枱和調味樽是佈滿了油漬。本店的餐牌更是將殘舊二字傳釋得極致。一見牛柳意粉/飯/薯菜+餐湯+凍飲才$41。價錢更嚇人。那就試啦，全店樓面等一人，再留心看看，原來水吧都是他。所以出餐會慢少許架喇。但一個既污糟且逼的地方真是每分鐘都是忍受。食物來到，很正常，牛柳有點咸，鬆肉粉味不算多到入不到口，意粉不是茶記肥肥腍腍的，雖不算好吃，但會是一個正常西餐應有的味道，遠超$41這個價錢的水平。對於返工時的午餐，要求只是吃得飽就ok的我來說已經合格有餘。致於環境那些，你選貴一倍有多的呃錢cafe或是這裡就自行決定。…查看更多

話說2年冇食過，諗住下午茶時段人少啲唔洗排，廚房又冇咁忙，整出黎嘅質素點都好啲啦。頂你點知中哂伏，一黎到比餐牌，唔好講笑真係梅過我屋企啲梅菜，又黐立立，好！算啦，我黎食野姐要求唔好咁高。叫左個相對較貴嘅安格斯再加左個鵝肝多士。唉個鵝肝完全冇味，係0。我要自己落鹽。塊排先精彩，叫5成熟你比well done 我。好似食緊牛肉乾咁，切都切唔到，啲肉絲纖維都乾晒。薯條全部炸到過晒火，又係石頭咁款。最好笑係我坐個位啱啱係傳菜個窿。佢貪方便就咁隊隻手出黎叫我伸隻手去個窿攞野食凍檸茶少甜，你落糖水落到好似多甜咁。極度失望，永世都唔會再黎食，免費都唔會😡😡😡😡…查看更多

下午茶兩點半開始，店內空間不大，只有一人負責落單和送餐，叫了一客鑊仔牛柳，連飲品只是$36。落單後二十分後送到，分量和午餐一樣，牛柳給了很多，但白飯已冷掉。餐具放在枱面讓客人自助，拿上手明顯感覺到油淰淰的觸感，只好用紙巾自己再清潔一次，紙巾上亦有明顯的污跡。整體意見，牛柳質素很好，食物性價比高，但衛生情況惡劣。…查看更多

事關早前見到呢間個午餐套餐價位幾抵，仲以為搵到間性價比高嘅餐廳，結果真係理想係美好，現實係殘酷。 一入間餐廳個環境就俾人一種壓逼感，間舖甚至將一大pack蘇打水放係啲餐檯上😠啲嘢食就正正常常，相對個價位嚟講都算唔錯，但間舖最過分係，我哋order咗3杯茉莉珍珠奶茶，飲到最尾仲飲到隻甲甴🤮🤮🤢飲到當下真係即刻出咗去嘔🤮大佬啊，一隻甲甴喔，你沖緊杯奶茶係眼有問題定對手控制唔到啊，一隻完整連翼嘅甲甴係杯嘢度啊🤬🤬🤬 一間嘢飲有甲甴到底係質素有幾低先會出現嘅情況🤢🤢…查看更多

晚上約8點左右，店內有兩,三枱客，待應一放底本MENU 就FEEL到會出事。本MENU 梅過梅小惠，真係掂都唔想掂佢，亦都預計到餐廳對服務/衛生既標準係低的。再上一個白湯，碗邊沾有少少微黑色的油質，似未清洗乾淨。叫了店推介的鵝肝蘇皮牛柳，店還主打是鵝肝牛柳專門店，別以為是威靈頓牛柳，是牛柳另加一條蘇皮而已，牛柳沒什麼特別，還入得口，鵝肝小心切了一小口試試，始終是內臟怕不新鮮，果然吃了一口便沒第二口了，雖未致於變壞了的味，但肯定不是尋常味道，意粉沒特別不值一提。結論: 得個平字係冇用，餐廳根本就沒用心去經營做好食品和服務質素，付了一百元亦覺得不如食碗魚蛋粉仲好。…查看更多