意房菜

友人话好多年前都有食过觉得几好食嘅咁呀咁就OK啦去食啦，都唔知食咩跟住入到去就见到个环境好昏暗啦而且啲枱枱凳等到好似好污糟感觉上𠮶啲嘢都好残残旧旧痴痴立立.咁就算啦，因为朋友都有目的咁咪照食跟住嗌咗个王牌嘅牛油酥皮鹅肝同埋一个肉酱焗薯千层面.OK咁跟汤我哋嗌咗一个红汤个白汤啦咁白汤上面仲加咗酥皮变成酥皮汤咁嚟左个餐包咁佢上面呢唔系用普通嘅牛油啦佢用劣质嘅油啦所以食落去好有臭油嘅味道啦🤢🤢🤢🤢🤢🤢已经不是太搞得掂啦，跟住都唔想再食个包到一啖.好啦，跟住汤嚟咗啦，我哋嘅白汤酥皮汤饮落去淡而无味黐咗线😂😂🤣跟住我哋丧加胡椒粉然后佢酥皮就系平时印度薄饼𠮶块酥皮极唔好食，而且佢冇金黄色佢系少少变色都冇….跟住我同友人讲，下次带你去饮IKEA嘅酥皮汤😂好饮好多啰！然后红汤就正正常常普通唔似红汤嘅红汤，但系至少唔会奇怪.主食到了个牛柳都有少少嘅牛味嘅不过就偏向硬身通常好食嘅牛柳或者更加好嘅牛柳应该系会入口即溶嘅感觉，佢就系冇做到鹅肝就好鬼死细块酥皮又系搞唔掂，酥皮汤嘅酥皮一模一样😂🙂唔知点解仲可以称之呢个餐为王牌.跟住到千层面黐咗线😂我冇谂过原来千层面同薯蓉系分开👍🏻👍🏻成兜嘢好似食紧薯蓉再加千层面而佢千层面….其实你知唔知咩系千层面？佢千层面系得两层，而且佢面系劲少.大家可以睇到图片好似一个圆形咁样薯蓉就系外围嘅部份然后千层面只系中间一个拳头少少嘅部份所以其实成兜嘢我都系食紧薯蓉我俾咗一个唔知几贵嘅价钱喺度食薯蓉跟住我完全觉得自己系大水鱼🐟🐟🐟🐟🐟.跟住打咗咁多字饮品同甜品都唔系特别想讲就系好普通叫左杯珍珠奶茶佢嘅珍珠系好硬身咬唔开𠮶只？…查看更多

旺角女人街好多野食 ，今日同朋友旺角行完街是旦揾左间餐厅食饭.环境 好老实 唔系好得 餐牌明显系有使用多年既痕迹，都冇换过餐单 同埋痴立立. 🫣 虽然餐厅环境一般 但都好多人黎食..因为够平.🐷我叫咗招牌菜酥皮法国鹅肝牛柳配黑椒汁，鹅肝 同牛柳都好大件，牛柳都几淋，同埋冇咩根，佢可以简配饭、意粉或薯菜，我简左意粉，根本食唔晒🫣 $119 包埋野饮 野饮仲可以简珍珠奶茶 不过我怕伏 简左普通既金桔柠檬绿茶。朋友叫左纽西兰特级牛肉肉眼扒套餐佢再加左酥皮汤，佢都系食唔晒 😂 最后仲有甜品送 朱古力慕丝蛋糕 🍰 味道又唔错！唔会太甜 亦唔死甜 好有朱古力味👍🏻估唔到有既价钱可以有咁既质素，全部都大份夹抵食 同埋唔差 只系环境需要改善 应该会大受欢迎. …查看更多

好耐之前食过佢个酥皮牛柳，味道不错，琴日行过，见好耐冇食入去食个牛扒。发觉而家地方污糟，啲餐牌都千年冇换过咁样，汤、牛扒都唔系热嘅，啲牛扒用刀切都要切好耐，唔知把刀唔得定系多筋，其实佢咁样做生意法，系咪想执呢？…查看更多

一入到去职员就话中间卡位滴水 其他满座 要我地坐门口或者最入面既位。我地坐门口𠮶面 一坐低就好似俾嘢咬 周身唔舒服🤢。枱面有张用过既纸巾 但系无职员黎抹。个餐牌好残旧 好似廿年无换过咁。食物质素停留咗喺廿年前港式扒房咁，威灵顿既牛柳 鹅肝 同块酥皮 完全系分开既 摆埋同一碟就叫威灵顿鹅肝牛柳？同张相都完全唔同。成餐饭食得劲唔舒服。可能系十年黎最差既一次。以为自己去咗啲落后既地区食饭🥲。点解香港既餐厅业可以搞成咁。买单仲要两个人$321。出面好多选择可以食好啲坐好好多。…查看更多

旺角身为旅游胜地，美食潮流店舖比比皆是，但要好食又抵食可能未必间间都系，打卡满分但食物质素参差占大多数，所以本地朋友仔都会去食d性价比高d既餐厅，呢间意房菜绝对系其中一间店舖位于豉油街多𠮶间路边露天摊档嘅后方，基本上冇咩游客会行啲咁嘅兜痞地方，但识食既本地人就无呢个问题。店面主打一个阴阴暗暗既黑玻璃，店外餐板都残残旧旧，入到店内都劲暗加上空间狭窄，台面黐立立既感觉还是老样子叫了一个套餐「意式芝士海鲜饭」，外加酥皮汤，有野饮仲有布丁甜品都系7x，边度揾？「意式芝士海鲜饭」，隔住个mon就咁睇都已经色香味俱全，配料有墨鱼圈青口，蚬蟹柳棒，仲有极大量嘅芝士忌廉，个饭热辣辣仲要劲creamy，青口同蚬都冇雪味，虽然称唔上新鲜，但依然味道良好，肉质软熟冇橡筋口感👍但我可以好肯定咁话俾你知最好食𠮶部份一定系个饭本身，捞匀晒啲芝士，啖啖都有芝士嘅香味，即使冇𩠌我都可以就咁食晒成碟饭脂肪胆固醇代表，酥皮忌廉汤😂忌廉汤就当然系罐头忌廉汤，不过重点系个酥皮，虽然等咗成三四个字先有得食，但就咁浸落去满满香气四溢嘅牛油味，只系跟餐加$10就有，值！喺Menu上面可以选择嘅饮品里面个名最为正常青苹果绿茶，但饮落去一刻立即糖尿病三期，甜到飞天遁地最后上嘅朱古力布甸，你问我我觉得比东海堂嘅$24.蚊1个嘅牛奶布甸好食😌甜度适中，朱古力味亦都浓。整体而言95分嘅午餐，主要扣分点系啲嘢饮太甜，加埋间地方阴阴暗暗有少少令人觉得污糟嘅感觉，不过见到店内唯一一位店员，店面一脚踢竟然一啲甩漏都冇，语调客气。假设同佢一样咁忙嘅话，一般其他餐厅除咗无视你同西面之外，我谂唔到有咩反应最令我感动嘅系，我本身谂住起身俾钱𠮶阵时，佢仲提醒我话我仲有个甜品未食，服务态度非常好工作能力又高，冇得顶…查看更多