影片
更多
2022-12-14
1517 浏览
荃灣西餐廳眾多，見到呢間新加坡過江龍，話自己橫掃15粒星，菜式又係少見的福建菜，即係試下佢。🪑環境餐廳裝潢以木色為主，淡樸優雅，枱與枱的距離充足，幾有私隱度。👨🏻🦱服務比一般中式酒樓出色，店員會主動斟茶收碟，亦會詢問菜式是否合口味，唔知以為去咗高級酒店🤣。🫘鹵水嫩豆腐 $48豆腐真係好嫩滑，重點係超級超級吸汁，一咬落去湯汁四濺，既有豆腐香，又有湯汁香，超正。🐣芋香鴨 $88鴨肉已經去骨，啖啖肉，而且好有鴨肉味。芋泥綿滑，炸到外皮微微酥脆，口感既脆又綿軟，好食。🐟莆田百秒黃花魚 $39半價菜式以為係綽頭，但好有驚喜。黃花魚超嫩滑，有鮮甜魚味，湯汁應該係骨頭上湯，能夠吊出魚的鮮味。菜單介紹話條魚只煮100秒所以先咁滑，可能呢個就係嫩滑秘訣。🍳傳統海蠣煎+🍲江口家鄉海蠣湯 $209海蠣煎即係蠔餅，但唔係潮州果種厚身香脆嘅，而係薄身比較食到蛋香。蠔仔唔算大粒但勝在數量多，每一啖都食到蠔香。🍲海蠣湯本來以為似雜菜煲，點知原來有加入醋，酸酸地好開胃。🍐桂花陳皮燉雪梨 $38最近天氣又凍又乾燥，叫一個燉雪梨滋潤吓。桂花味好清香，淡淡陳皮味增加層次，雪梨燉得軟身，而且已經去芯去核，甜甜蜜蜜，大人細路
🪑環境
餐廳裝潢以木色為主，淡樸優雅，枱與枱的距離充足，幾有私隱度。
👨🏻🦱服務
比一般中式酒樓出色，店員會主動斟茶收碟，亦會詢問菜式是否合口味，唔知以為去咗高級酒店🤣。
🫘鹵水嫩豆腐 $48
豆腐真係好嫩滑，重點係超級超級吸汁，一咬落去湯汁四濺，既有豆腐香，又有湯汁香，超正。
🐣芋香鴨 $88
鴨肉已經去骨，啖啖肉，而且好有鴨肉味。芋泥綿滑，炸到外皮微微酥脆，口感既脆又綿軟，好食。
🐟莆田百秒黃花魚 $39
半價菜式以為係綽頭，但好有驚喜。黃花魚超嫩滑，有鮮甜魚味，湯汁應該係骨頭上湯，能夠吊出魚的鮮味。菜單介紹話條魚只煮100秒所以先咁滑，可能呢個就係嫩滑秘訣。
🍳傳統海蠣煎+🍲江口家鄉海蠣湯 $209
海蠣煎即係蠔餅，但唔係潮州果種厚身香脆嘅，而係薄身比較食到蛋香。蠔仔唔算大粒但勝在數量多，每一啖都食到蠔香。
🍲海蠣湯本來以為似雜菜煲，點知原來有加入醋，酸酸地好開胃。
🍐桂花陳皮燉雪梨 $38
最近天氣又凍又乾燥，叫一個燉雪梨滋潤吓。桂花味好清香，淡淡陳皮味增加層次，雪梨燉得軟身，而且已經去芯去核，甜甜蜜蜜，大人細路都好啱食。
🪷蓮子木耳湯 $38
朋友揀咗熱嘅蓮子木耳湯，仲有紅棗補補血，都係秋冬好選擇。
總括而言，食物真材實料，食完唔口渴，服務有禮，絕對有下次👍
张贴
