烏蠅館 (九龍中心大廈)

营业中

休息中

今次食冒菜lunch set 。原來係好似麻辣燙咁可以自選材料，健康減肥都可以享受到美食。材料煮得啱啱好，萵荀仲保留左脆爽嘅口感。湯底揀左四川酸辣、酸菜嘅酸配上胡椒嘅辣。主食要左土豆粉，好似烏冬包左層薯粉，好得意嘅口感。另一個湯底揀左麻辣湯，唔太食得辣所以揀左BB辣，保留左香料味，辣度係刺激之餘唔會食到流晒鼻水嘅辣。怕辣嘅有唔辣嘅蕃茄湯揀！估唔到嘅係有超多飲品選擇同款式，花多眼亂。叫左西瓜鮮果茶，有茶味仲有粒粒西瓜，夠哂咬口，消暑一流。另一杯揀左黑糖鮮奶冰粉。奶味香，黑糖味濃之餘冰粉好夠煙韌。揀左少甜少冰啱啱好。甜品以套餐加購價，加左紅糖糍粑。外面係酥脆外皮，入面煙韌。仲有流心黑糖。甜品飲品係意想不到嘅驚喜。