Pizza Max Bistro

营业中

休息中

📍Pizza Max Bistro (佐敦)📍佐敦上海街22號地舖🟡特製醬雞餃蒸$80🟡羊肉卡巴配薯條$115 🟡炸雞翼六隻$80偶然經過佐敦見到 Pizza Max Bistro 嘅門面幾吸引，主打中東fusion菜式，試咗幾款小食，整體表現有驚喜。特製醬雞餃（蒸）係今餐最大亮點，外皮薄而唔易爛，內餡有誠意，肉質鮮嫩，重點係配上少見嘅中東風味醬汁，有香料香但唔會太搶，食完有記憶點。羊肉卡巴配薯條賣相已不簡單，味道出眾，羊肉肉香中帶微辣，有層次感。薯條炸得香脆，係幼薯條！炸雞翼外皮夠脆，好好食，好足料！適合配啤酒，六隻份量對兩個人黎講，超滿足！氣氛舒服，適合朋友閒聊聚餐。價格以地段同特色菜式來講唔算貴，會想再嚟試佢哋嘅薄餅或者甜品。