Pizza Max Bistro

香港有很多印度和尼泊爾餐廳，偶然相約朋友一同吃印度菜和尼泊爾菜。今晚有朋友提出想吃尼泊爾菜，又想吃印度菜，於是上網搜尋發現佐敦有一間<Pizza Max Bistro>，提供多款薄餅、意大利菜、印度菜，還有尼泊爾菜。這間餐廳介乎佐敦站和柯士甸站，鄰近香港童軍中心。餐廳招牌挺耀眼，寫著西餐、意大利餐和印度餐，還有電話和地址。進入餐廳內，有種懷舊情調，格仔枱布。座位分了二人、四人和六人，適合三五知己一同品嘗美食和暢談的好地方。我們二人點了著名尼泊爾的特製醬雞餃(8件)、咖哩什菜煲和蒜茸烤餅。特製醬雞餃(8件)～饃饃餃子(MoMo)是尼泊人最愛吃的食物，這款餃子外皮薄煙韌，內饀雞肉滑溜，咬一口肉汁流出來。單獨吃餃子也不錯，點上自家製的辣醬，刺激味蕾，又提升餃子口感。朋友特別欣賞這款醬料，其餃子滿是辣醬。咖哩什菜煲～咖哩什菜煲的材料有紅蘿蔔、豆角、椰菜花、馬鈴薯、茅屋乳酪、洋蔥、番茄等。咖哩濃郁帶甜味的，並非香辣，非常適合不吃辣，又想吃咖哩及素食人士。蒜茸烤餅～四塊印度蒜茸烤餅一放上餐桌，已聞到濃濃蒜蓉牛油味，鬆軟又有嚼口。單吃已經很好吃，配上咖哩就更加美味。…查看更多

餐廳：Pizza Max Bistro地點：佐敦上海街菜式：印度菜、意大利菜餐牌：午餐有沙律、意粉/意大利飯、薄餅、卡巴卷、卡巴飯、咖哩、炒飯、燒烤類等，包括餐湯，加$5配飲品，可以加午餐配菜。冇加一。餐湯係忌廉西蘭花，熱辣辣，味道都唔錯，帶微微黑椒味。墨西哥辣椒辣肉腸薄餅 $88墨西哥辣椒辣肉腸薄餅8寸，一客4件大大件，薄薄餅底加上好多辣肉腸片、番茄醬同芝士，灑上香草。味道鹹香又唔乾，芝士仲拉絲𠻹，好食！蒜香番茄乾三文魚意粉 $88蒜香番茄乾三文魚意粉賣相不俗，加有三文魚碎、一粒半車厘茄、紫洋蔥碎。幼身spaghetti整得好滑，加有好多胡椒，味道好辣！烤羅勒大蒜番茄 $20烤羅勒大蒜番茄一客兩塊，加上羅勒同蒜蓉，夠味又健康。今餐特別鍾意個pizza，平日午餐呢個地點黎講都算多人喎，入面裝修都唔錯，磚牆同石灰牆掛上抽象畫裝飾，好有格調。 …查看更多

同一位好耐無見嘅朋友出黎食飯，訂左佐敦的Pizza Max Bistro，見網上好評如潮，相又吸引，就決定食呢間。晚上七點多來到，幾乎全店滿座，好彩訂左枱😝⭐卡門伯特芝士 Camembert Cheese先來份頭盤小食炸芝士，芝士奶味香濃，炸得酥脆，內邊軟綿嫩滑，口感好正😋配上香口蒜蓉包，仲有小紅莓點醬😋⭐薯仔辣羊肉 Lamb Vindaloo 再來是印式咖喱羊肉薯仔，用上多種香料入口味道相當有層次，挺辣的但配上原味烤餅就剛剛好，羊肉炆得軟腍，薯仔入味，好食到一啲醬汁都無淨😆⭐白烤餅 Plain Naan配咖喱的良伴，煙韌有口感，即烘的熱辣辣啊～⭐烤雞肉薄餅 Chicken Kebab Pizza最後就點左手工薄餅，即叫即烘製作需時。餅底很薄很脆，雞肉嫩滑，最正係多芝士同多醬汁，蒜香蛋黃醬、薄荷醬、辣醬都好好味😍餐廳好受歡迎，建議預先訂坐，是晚店內有港人、內地遊客、外國遊客等，同時間聽到多國語言真係幾有趣😎…查看更多

佐敦出名多隱世食店，上網搵到呢間有意大利同印度菜食嘅餐廳，加上價錢睇落幾實惠，就試吓啦，估唔到係出乎意料之外地「好」！由環境衛生，食物到服務都出奇地好！食物雖然多元化，但全部味道都做得恰到好處，我哋點咗pizza、意大利飯同咖喱羊，首先全部食物都係熱辣辣上枱，份量亦好適中，海鮮飯足料，咖喱羊亦炆得幾燜，我哋叫咗午餐set,大部分選擇都係$88-$98，免收加一之餘待應嘅態度係好好，全程面帶笑容有禮，整餐lunch嘅體驗，雖然時間唔長，但感覺相當良好，下次一定會再嚟幫襯👍🏻👍🏻👍🏻…查看更多

Pepperoni意大利薄餅一上枱，個香味直接衝上腦！辣肉腸切得夠厚，咬落啖啖肉汁，芝士溶到牽絲牽到成個手臂長，再灑埋精選香草，個味層次豐富到冇朋友，邊食邊想「點解以前冇發現呢間寶藏舖！」跟住個酥炸卡門伯特芝士更誇張！外皮脆到咬落「咔嚓」聲，入面嘅芝士流心到會漏出來，蘸埋黑醋蔓越莓醬，酸甜甜中和晒油膩，配埋個蒜茸包，蒜香夠香又唔搶味，食完一舊想第二舊，完全控制唔住自己隻手！食到有少少飽，叫杯鳳梨椰奶同瑪薩拉茶解膩，椰奶夠濃郁又唔甜膩，瑪薩拉茶香料味十足，一口落去成個人都放鬆晒～…查看更多

呢間係位於佐敦不太起眼的小餐館，呢度可以食到印度菜同埋意大利菜，但直覺覺得呢度啲印度菜應該正宗啲😆Butter Chicken & Garlic Naan去到印度餐廳，每次必點牛油烤雞，嗰種Creamy又帶甜甜的醬汁令人無法抗拒，蒜蓉烤餅一絕，好味！Buffalo Chicken Wings本身有點猶豫到底叫唔叫呢個buffalo wings，因為平時食到嘅都係炸雞翼再加個酸辣醬，但係呢間有驚喜，佢係重香料味，而且炸得勁Juicy，再配埋印度醬汁，有薄荷醬同埋香辣醬，十分惹味。Chicken Momo (Fried)呢個係尼泊爾式雞肉餃子，從來未試過，但試完覺得係比較淡味嘅炸餃子，唔算特別，可以不試。…查看更多

🍛 Butter Chicken + Rice香濃嘅印度牛油雞一上枱，已經聞到陣陣香料同奶油香氣，雞肉嫩滑入味，醬汁又香又creamy，配埋白飯真係食到一啖接一啖 🤤由印度人主理，香料比例掌握得好準，味道正宗得嚟唔會太重口，食到尾都唔會膩。🍓 Strawberry Smoothie冰涼香甜，士多啤梨味好足，酸酸甜甜啱晒用嚟解膩，飲落仲好清新。✨ 環境感受餐廳環境乾淨企理，座位舒適，入面仲帶有少少異國情調，令人慢慢歎都好自在。…查看更多

卡邦尼意粉以火腿煙肉配上濃郁的忌廉醬，入口香滑，煙肉的鹹香同火腿嫩口，足料豐富，醬汁偏厚，拌勻後意粉掛汁度高，每一口都帶有豐富的奶香。夏威夷薄餅餅底好薄，咬感鬆軟帶微脆，菠蘿的酸甜中和了芝士的油膩感，勁重芝士味，加上火腿的鹹香，整體味道清爽，食pizza一定要有菠蘿！Lunch set配餐湯今次係忌廉西蘭花湯，色澤柔和，質地順滑，西蘭花的清香與奶香融合，冇過重的菜青味，暖胃效果不錯。最後的黑咖啡味道醇厚，苦味帶點果酸…查看更多

再次到訪位於佐敦上海街的「Pizza Max Bistro」，店內裝修雅緻舒適，無論係情侶用餐或朋友飯聚都適合炸薯條有大或細size可以選擇，幼薯條炸得金黃香脆，邪惡滋味咖喱雞咖喱雞肉已經去皮及去骨，啖啖肉！咖喱汁唔辣，當中加咗洋蔥、蕃茄及少許芫荽碎一齊烹調，增添香氣印度烤餅即叫即烤的印度原味烤餅，熱辣辣，鬆軟可口，充滿麵粉香！沾上咖喱汁食用perfect match意大利肉丸扁意粉扁意粉口感軟硬適中，加咗蕃茄醬汁及肉丸一齊煮，酸酸甜甜的，好開胃！芒果奶昔冰涼可口的芒果奶昔，由雪糕、芒果、乳酪及牛奶所製成，整體唔會太甜，滿有芒果香…查看更多

睇social media見到有人介紹佐敦一帶嘅西餐小店， 其實白嘉士街一帶係九龍嘅 Soho 區🌟， 有好多特色西餐小店🏠， 而且多數由外籍人士掌厨🧑‍🍳， 感覺上更加正宗👍， 比連鎖食肆更有期待🎉🍭印度🇪🇹香料飯+雜菜呢個炒飯特別有口感，因為用咗印度米做飯底， 所以真的是粒粒🏉分明， 每啖飯仲有香料夾雜菜， 不單令飯味更香外， 仲添加鮮甜味。🍭馬薩烤雞腿雖是馬薩拉係印度🇪🇹家常小菜， 但多數唔同嘅厨師有自家嘅秘方， 呢個醬同之前食過嘅有少許分別，比較爽香同 冇咁creamy🍦 ， 味道係甜中帶酸辣， 但絶不過份😄， 食落仲有香料味，另配上烤到脆卜卜嘅蒜蓉烤餅🥟， 真係滋味十分。…查看更多

❤️Max's Special Pizza有中 (M)size同大(L) size揀，揀左中size但已經好大塊！有自家秘製雞肉腸、紅黃綠燈籠椒、洋蔥🧅、蘑菇🍄‍🟫、鮮甜菠蘿🍍、墨西哥辣椒🌶️、黑橄欖🫒等配料，好豐富👍🏻。落左墨西哥辣椒🌶️食落辣辣地但唔會辣到食唔到，加上有菠蘿的酸甜中和，味道剛好👍🏻。即叫即烘，上枱時重冒煙😍，夠晒熱！可選擇厚或薄的薄餅底，揀左薄底，薄餅餅底夠晒軟熟～❤️Vanilla Ice-Cream on Cranberry Juice呢款飲品超正👍🏻！首先有雪糕🍦😍，重要有兩大球！配上酸酸甜甜嘅紅莓汁，正好中和了雪糕的甜味。…查看更多

第一次見印度式既Fusion Pizza店😛全間都係由外國人打理，餐廳裝修都是外國懷舊風！好有feel👍🏻🍴Chicken Kebab Pizza好好食，份量好大😂 佢係屬於薄批，做到外皮好脆！雞肉好多！而且啲醬汁都好特別，甜甜辣辣咁！呢款都幾辣！鐘意食辣既朋友一定食得好爽！🍴Butter Chicken食印度菜當然唔少得呢道菜啦😛佢地都做得好出色，好creamy👍🏻好多雞肉！食到停唔到口！🍴Garlic Naan當然要叫埋個Naan先得！好香Garlic味！而且好煙韌！點埋Butter Chicken黎食！完美呀🥹🍴Italian Meatball Linguini意粉好掛汁！好好味！肉丸好得意！好大粒！又好有口感！正！再配上杯冰凍既啤酒！爽呀現場都差唔多一大半都係外國人，氣氛唔錯！好岩放工或週末黎放鬆一下！…查看更多

通常印度嘢都會去重慶大廈，或者去油麻地比較出名嘅印度餐廳，朋友介紹話呢間餐廳都好正宗，而且價錢好抵食，咁就一於嚟試吓啦。一嚟到見到呢度嘅裝修都幾有印度風味，同埋座位分隔得好開，唔會好迫，環境昏暗，都幾適合約會。一開始朋友就介紹呢個咖喱雞配印度薄餅，咖喱雞一上枱已經聞到好香，佢係無骨嘅雞，而且食個咖喱唔會太辣，但係好香口，啱晒唔鍾意食辣嘅朋友。本身唔係太鍾意食印度烤餅，因為多數都覺得比較乾，但係呢度整到唔會太乾，食落有少少似麵包同pancake之間，點埋咖喱汁真係一流啊。呢杯Mango lassi真係好出色，因為一直覺得印度嘅飲品都比較甜，但係佢一啲都唔會太甜之餘，飲落會飲到芒果嘅香氣，非常適合夏天嚟試吓，非常解暑。見到隔籬枱都叫呢個印度烤雞，咁就一於叫嚟試吓啦。佢嘅烤雞好大隻，份量好充足，食落皮脆，而且雞肉好嫩滑，而且佢嘅調味好充足，唔使點任何汁都好好食。呢間餐廳顛覆咗我對印度餐廳嘅睇法，佢除咗乾淨之餘，環境都好好，非常推薦大家約會或者敘舊嚟試吓。…查看更多

朋友介紹左有間佐敦有間坐得幾舒服既西式印度菜餐廳，午市冇加一幾抵食，同個friend一人叫左一個set, 食物款式好多幾有特色先上左湯，個磨菇湯好香好濃郁，又夠creamy半隻印度烤雞配烤餅及奶油雞肉醬附脆薄餅呢個半隻烤雞大大份，仲配埋4塊薄餅，個Sauce好match,唔係好辣，個雞都燒得好嫰，香料味豐富但唔會咸本地風味炒飯 配雞肉、火腿、蛋呢個炒飯好驚艷，佢有小小辣，配料好多，炒得好香夠乾身加5蚊仲有好多飲品選擇…查看更多

一間充滿歐陸風情嘅小店，主打意式薄餅同fusion小食，環境舒服，星期五晚去食都full house。見Baby Ribs (Half) 係招牌之一，豬仔骨慢煮至超嫩，肉質一咬即散，完全唔洗用刀切，外層塗上微甜帶煙燻味嘅燒烤醬，配埋香脆薯角，鹹香惹味，令人一試難忘。Italian Delight Pizza 用上薄脆餅底，焗到金黃香脆，面頭除咗有新鮮蕃茄、蘑菇、青椒、洋蔥同濃郁芝士，仲加咗我最鍾意嘅火箭菜！火箭菜帶微辣同清新草香，配合芝士鹹香同蔬菜甜味，令成個 pizza 層次更豐富，食落清爽又唔膩。至於 Mussel，青口新鮮飽滿，通常以白酒蒜蓉汁烹調，入口鮮甜多汁，個cream sause係比較thick，同平時出面食好唔同，自己覺得呢款更好味更鍾意，令人停唔到口。呢間餐廳係西餐x意大利菜x印度菜，可惜我唔食辣，無試到佢d 印度料理！…查看更多