地點：佐敦上海街
菜式：印度菜、意大利菜
餐牌：午餐有沙律、意粉/意大利飯、薄餅、卡巴卷、卡巴飯、咖哩、炒飯、燒烤類等，包括餐湯，加$5配飲品，可以加午餐配菜。冇加一。
37
餐湯係忌廉西蘭花，熱辣辣，味道都唔錯，帶微微黑椒味。
墨西哥辣椒辣肉腸薄餅 $88
墨西哥辣椒辣肉腸薄餅8寸，一客4件大大件，薄薄餅底加上好多辣肉腸片、番茄醬同芝士，灑上香草。味道鹹香又唔乾，芝士仲拉絲𠻹，好食！
蒜香番茄乾三文魚意粉 $88
蒜香番茄乾三文魚意粉賣相不俗，加有三文魚碎、一粒半車厘茄、紫洋蔥碎。幼身spaghetti整得好滑，加有好多胡椒，味道好辣！
烤羅勒大蒜番茄 $20
烤羅勒大蒜番茄一客兩塊，加上羅勒同蒜蓉，夠味又健康。
今餐特別鍾意個pizza，平日午餐呢個地點黎講都算多人喎，入面裝修都唔錯，磚牆同石灰牆掛上抽象畫裝飾，好有格調。
