灘五郷

灘五郷裝修好有日本居酒屋feel，門口掛住燈籠入面有吧枱同半露天位，晏晝嚟食可以睇住師傅即場整嘢食，仲聞到陣陣爐端燒香，好有日本風味！ Lunch time嗌左個北海道海鮮丼定食 帆立貝、三文魚籽、蟹肉丼 🔹帆立貝 超大塊！鮮甜得嚟又彈牙，完全冇雪藏味。 🔹 三文魚籽 粒粒爆汁，鹹香得嚟唔會太腥，撈飯一流！ 🔹蟹肉 一絲絲咁鋪滿飯面，鮮味十足，同醋飯好夾。 跟餐小食有 🔹茶碗蒸 超滑溜！入面仲有蟹肉同飛魚籽。🔹漬物係酸瓜同牛蒡，爽脆開胃，解膩啱啱好。🔹味噌湯 唔會太鹹，飲落暖笠笠。