金酒屋

营业中

休息中

呢日同屋企人去左荔枝角呢間日本餐廳食dinner，餐廳既環境好好，我地坐喺吧枱位置。小食方面，我地點左秋田煙薰蘿蔔薯仔脆脆沙律，好特別。另外仲點左三文魚牛油果卷，層次豐富。呢度既和牛非常吸引，我地點左宮崎和牛海膽刺身，海膽好肥美，和牛生食都好正。重頭戲係呢個月見薄燒宮崎和牛飯，呢塊和牛勁大片，上面有好靚既雪花紋，侍應會幫我地燒塊和牛，再包住飯同蛋黃一齊食，勁吸引。呢碗金丼。月見海膽三文魚籽拖羅蓉係我既至愛，有齊哂海膽、三文魚子、拖羅蓉呢三樣美食，令人非常滿足。安格斯牛肉鰹魚湯稻庭烏冬同自家製雞皮蝦同樣高質。