金酒屋

营业中

休息中

呢間居酒屋愈做愈旺，證明質素真係有保證！餐牌、食物設計方面真係好有心思，選擇多元化，配搭新穎，食材仲好有質素添，而且每一個菜式嘅擺盤都係精心設計，打卡一流！首先講講招牌金酒杯先！靚到想唔影相都唔得！✨✨🥹🥹海膽、三文魚籽同埋吞拿魚蓉都勁新鮮，加上壽司飯嘅酸同埋紫菜攞少少咸，食完一啖又一啖！🤭🫣另外好fancy嘅菜式係銀丼，係由生蛋、和牛、三文魚籽同埋甜蝦蓉砌成嘅丼飯。第一次食原塊嘅生和牛，估唔到同靚魚生嘅口感同味道相若，都幾易入口喎！😆最最最有驚喜嘅係牛舌芯，平日大家都係食打卡菜式，冷落咗串燒，但呢度嘅串燒都一定唔會令你失望！牛舌芯真係用最靚嘅部位黎燒㗎，外脆內柔軟，正呀😋😋凍冰冰再食埋個壽喜燒和牛鍋，今次就食返熟和牛，雪花分佈平均，入口即溶，比起刺身，熱食嘅和牛嘅香味更突出，滿足咗我呢D食肉獸！😆😆除咗食物味道食材同埋賣概值得讚賞之外，真係要提一提員工嘅服務一流，爆場到咁都仲係好有禮貌，加茶水呢D從來唔使提。唔去唔知，原來餐廳入面有個六星級廁所！又提供補妝用具、一次性漱口水仲有m巾，貼心到媲美酒店！🤯