天天海南雞飯 (新城市廣場三期)

营业中

休息中

之前食過呢道嘅晚餐，除左招牌菜海南雞值得一試，知道呢到晚市好多小菜都好好食，今晚一心來到<天天海南雞飯>，發現出左秋冬必食嘅蛇羹套餐，二人套餐都係$488，有齊招牌菜海南雞同蛇羹，啱曬想食滋補養生嘢嘅我！！～招牌菜天天海南雞，同以往一樣，雞肉保持到又嫩又滑嘅水準，就連雞胸肉都吾會鞋口，而且入口啖啖肉，非常好食。蛇羹絕對係超級足料，有好多蛇肉絲、豬肉絲、花膠同冬菇絲等，材料非常豐盛。蛇羹入口蛇湯味道極為濃郁，而且鮮味特出，配埋附上嘅配料，絕對滿分，我非常滿意。蟹粉豆苗又係一個驚喜之作，蟹黃蟹粉份量好足夠，鋪得滿滿的，蟹黃味道好濃郁，而且豆苗夠新鮮細嫩，入口充滿蟹粉味道，非常高水準。生炒糯米飯材料十足，無論臘肉臘腸同飯都炒得好香，而且又有好多花生，炒得一啲都唔油膩，值得推薦！黑糖三棗桂圓薑母茶：黑糖三棗桂圓味道好甜好潤，再加上薑味，好啱冬天飲，夠潤夠暖胃。石榴紫背天葵山楂蜜：山楂味道特出，入口帶有酸酸甜甜的清新味道，非常開胃。餐廳除了食物質素水準高之外，環境亦非常寬敞，坐得非常舒適，亦吾會趕客，價格亦相當合理，絕對係高質星級之選。