影片
更多
2024-11-01
1714 浏览
{殿。大喜屋放題 - $348/head}遲收工好肚餓，本麻甩要放肆大吃大喝！殿。大喜屋真係不二之選！大癲，行入嚟已經比極大隻達摩吸引任！見到入面魚子醬任食，所有海膽食物都講明使用日本海膽，完全沒有異味！成件事都係三百幾蚊，性價比超高！星期一至四8:30pm 仲可以平少少，搵唔到原因唔嚟呢度。去放題一定要叫個無敵刺身船！赤蝦、甜蝦、三文魚、油甘魚、金䱽魚腩、帶子、北寄貝，無論係每樣都超級新鮮厚切！比好多放題都更完美！鱘魚子醬唔係講笑真係任食！成件事超高貴！更加估唔到嘅係呢度鮑參翅肚樣樣齊！花膠海參瑤柱翅羹，金湯燴花膠，鮑汁鮑魚撈一口花菇飯！真係傻的嗎咁豪氣，但講真食晒三樣都幾飽肚，好彩本麻甩今日勁肚餓！各款嘅燒物都做得非常之出色，外面可以拎到返嚟嘅熟食全部都幾好味，而且不斷refill! 喺特色創作食物之中，今次覺得最正嘅係海膽拖羅鱈魚乾手卷！成件事口味做到幾平衡，學黑白大廚所講「完成度好高」！最後係甜品有多款嘅雪糕選擇，最驚喜嘅係有一大兜榴槤蓉任拎，溝埋軟雪糕一齊食，簡直就係作為一餐最大嘅享受！美味程度：😋😋😋😋😋環境指數：🎇🎇🎇🎇🎇番食機會：🦍🦍🦍🦍🦍📍 #殿大
遲收工好肚餓，本麻甩要放肆大吃大喝！殿。大喜屋真係不二之選！大癲，行入嚟已經比極大隻達摩吸引任！見到入面魚子醬任食，所有海膽食物都講明使用日本海膽，完全沒有異味！成件事都係三百幾蚊，性價比超高！星期一至四8:30pm 仲可以平少少，搵唔到原因唔嚟呢度。
去放題一定要叫個無敵刺身船！赤蝦、甜蝦、三文魚、油甘魚、金䱽魚腩、帶子、北寄貝，無論係每樣都超級新鮮厚切！比好多放題都更完美！
鱘魚子醬唔係講笑真係任食！成件事超高貴！
更加估唔到嘅係呢度鮑參翅肚樣樣齊！花膠海參瑤柱翅羹，金湯燴花膠，鮑汁鮑魚撈一口花菇飯！真係傻的嗎咁豪氣，但講真食晒三樣都幾飽肚，好彩本麻甩今日勁肚餓！
各款嘅燒物都做得非常之出色，外面可以拎到返嚟嘅熟食全部都幾好味，而且不斷refill! 喺特色創作食物之中，今次覺得最正嘅係海膽拖羅鱈魚乾手卷！成件事口味做到幾平衡，學黑白大廚所講「完成度好高」！
最後係甜品有多款嘅雪糕選擇，最驚喜嘅係有一大兜榴槤蓉任拎，溝埋軟雪糕一齊食，簡直就係作為一餐最大嘅享受！
美味程度：😋😋😋😋😋
環境指數：🎇🎇🎇🎇🎇
番食機會：🦍🦍🦍🦍🦍
📍 #殿大喜屋 (旺角)
旺角太子道西193號帝京酒店2樓
张贴
