影片
更多
2025-05-16
204 浏览
排咗兩次終於食到呢間新店冰鎮闊條烏冬！頭兩次經過雙子會見到呢間新開烏冬店都大排長龍，平日開11點，10:30已經有人排隊，原因就係每日限量嘅冰鎮闊條烏冬🌟今次趁放假，我就特登10點食完早餐跑完個步就已經準備去排隊睇吓可唔可以食到，終於成功😆呢到嘅烏冬係每日新鮮製作，完全唔會隔夜，所以每次都係即叫即切，口感真係好煙韌又滑！🍜 唯一唔好就係叫菜到上菜真係要預20至25分鐘，中間店長行埋嚟關心我哋，我哋問點解要等咁耐，而且每日限量咁少，佢就話原來啲烏冬係即叫即切唔可以用機切，而且要新鮮咁樣煮熟再放冷，加上啱啱開始營運，所以係需要大家耐心等待。果然呢碟眾望所歸嘅冰鎮烏冬真係好得。冰鎮烏冬配有三種醬料可以沾黎食，完全係沾烏冬的完美搭配！有香濃嘅自家製芝麻醬、清新的日本醬油，仲有帶微辣味嘅甜咖喱湯。我個人最鍾意傳統日式醬油，入面加咗蘿蔔蓉同山葵，超級合適冷烏冬😋個烏冬嘅口感真係好好好煙靭唔會好粉，而且仲有咬口。除咗烏冬，呢度仲有手打蕎麥麵，碗蕎麥麵拌麵嚟講，有啲似韓式拌麵，入面加咗大量紫蘇葉，同埋自家製白芝麻粉，口感一樣煙韌彈牙，真係好食！🍃不過要注意，呢間店嘅價位唔平，一碗都要成$100，我地兩
排咗兩次終於食到呢間新店冰鎮闊條烏冬！頭兩次經過雙子會見到呢間新開烏冬店都大排長龍，平日開11點，10:30已經有人排隊，原因就係每日限量嘅冰鎮闊條烏冬🌟今次趁放假，我就特登10點食完早餐跑完個步就已經準備去排隊睇吓可唔可以食到，終於成功😆
呢到嘅烏冬係每日新鮮製作，完全唔會隔夜，所以每次都係即叫即切，口感真係好煙韌又滑！🍜 唯一唔好就係叫菜到上菜真係要預20至25分鐘，中間店長行埋嚟關心我哋，我哋問點解要等咁耐，而且每日限量咁少，佢就話原來啲烏冬係即叫即切唔可以用機切，而且要新鮮咁樣煮熟再放冷，加上啱啱開始營運，所以係需要大家耐心等待。
果然呢碟眾望所歸嘅冰鎮烏冬真係好得。冰鎮烏冬配有三種醬料可以沾黎食，完全係沾烏冬的完美搭配！有香濃嘅自家製芝麻醬、清新的日本醬油，仲有帶微辣味嘅甜咖喱湯。我個人最鍾意傳統日式醬油，入面加咗蘿蔔蓉同山葵，超級合適冷烏冬😋個烏冬嘅口感真係好好好煙靭唔會好粉，而且仲有咬口。
除咗烏冬，呢度仲有手打蕎麥麵，碗蕎麥麵拌麵嚟講，有啲似韓式拌麵，入面加咗大量紫蘇葉，同埋自家製白芝麻粉，口感一樣煙韌彈牙，真係好食！🍃
不過要注意，呢間店嘅價位唔平，一碗都要成$100，我地兩碗野夾埋都過$300😅但係手打烏冬嘅質素真係高。如果每日嘅限量可以多啲就更加好，因為我食緊嘅時候，聽到啱啱入來嘅客人都話已經賣晒闊條烏冬🙃 好在店員同店主嘅服務都好好不斷聽到佢哋講唔好意思、唔好意思，多謝等待🥲總之，如果你鍾意新鮮好味嘅烏冬，呢度真係值得一試！
张贴
