KABOOM

好耐冇去閨蜜餐廳💗 8成都係女士你就知佢係幾咁打卡able啦😆前菜牛肉他他令人眼前一亮，配埋激新鮮嘅甜美刺身，你就會明點解閒日七點間餐廳已經爆滿🍻 fusion菜嘅精髓係將外國嘅菜式，配合香港人嘅口味，呢間絕對係高手！豬手外皮炸得勁香脆，咬落卜卜聲，入面嘅肉質非常有彈口，牛油🧈薯蓉好香滑，連配菜都有誠意，好幸福！魚🐟係十分滿分之作，問侍應哥哥推薦嘅，泰式燒魚配希臘乳酪，滑溜滑溜，好味程度爆燈！酸酸甜甜嘅醬汁有泰式風味，而又好啱港人嘅口味🌟Cocktail 一定係最出名，miss you 雀仔🦤杯配櫻花🌸好靚，甜甜地易入口，可以一飲再飲，一晚出現幾十杯🌝另一杯鴨仔同浴缸🛁 sooo cuteeee 呢杯有ginger味，酒味濃啲，好有創意✨