盛記粥麵

营业中

休息中

一向都好喜歡吃香港粥店，尤其係及底粥今日嚟到旺角花園街呢一間超級多人食嘅粥店叫咗兩個套餐，超抵食狀元及底粥裏面材料超級豐富，幾乎全碗都係料，有豬腰，粉腸，豬潤，豬肉丸，豬肚等等，調味亦都啱啱好唔會覺得好重味精，粥底相當之綿蜜另外小食叫咗個蔥花蝦米炸兩，裏面嘅油炸鬼非常之脆脆，配搭埋表面嘅蔥花蝦米超級香，食足一定要食炸兩呢個組合冇得輸！另外最值得一讚嘅係佢哋嘅招牌薏米水，平時一般薏米水會配搭檸檬，但係佢哋嘅薏米水竟然配搭薑，超級啱而家呢個寒冷嘅天氣，而且甜度適中，飲落去超級超級舒服！下次嚟一定會再試埋佢哋嘅雲吞麵