拾味正宗刀削麵館 (渣甸街)

营业中

休息中

成日食米線食到悶？想轉吓口味？今日就去咗拾味山西刀削麵館試吓佢哋嘅招牌刀削麵！🍜 一入到去就見到師傅即叫即削麵，勁有睇頭！ 我叫咗一碗牛筋腩熱拌麵，真係冇令我失望！首先，份量真係超級大！ 雖然只係叫咗一熱拌麵，但啲麵多到差啲食唔哂，而且啲牛筋腩都好多～主角刀削麵，真係好出色！ 師傅手功一流，削出嚟嘅麵條厚薄不一，口感超煙韌，加上熱拌嘅醬汁，麵條完全掛汁，每一啖都充滿醬汁嘅香味！ 個炸醬帶少少辣，非常惹味！🌶️牛筋腩炆得啱啱好，夠哂軟淋入味，牛腩肥瘦適中，唔會太油膩！👍🏻 同刀削麵簡直係絕配！總括嚟講，拾味山西刀削麵館嘅牛筋腩熱拌麵都真係幾好食，CP 值唔錯！