影片
营业时间
今日营业
11:00 - 23:15
星期一至日
11:00 - 23:15
以上资料只供参考，请与餐厅确认详情
相关文章
依日系铜锣湾渣甸街找到一间食刀削面嘅拾味正宗刀削面馆，从未食过嘅刀削面，真的好期待。入到店内，装修简洁，地方虽然唔系好大，但有种正宗刀削面嘅感觉。睇吓餐牌先，刀削面可以自由配搭，多款𩠌菜、面食、上海菜饭、滋味小食及饮品等，选择都几多。麻辣牛筋腩牛展刀削面 $72店舖主打刀削面，当然点嚟试吓啦！刀削面即叫即制，见到师傅即场削面，面条软滑，烟韧有弹性，充满面粉香味，汤底清清地带点蔬菜甜味。选择咗两𩠌有牛筋腩及牛展(+$10)，好黏口既牛筋，充满胶质，牛腩炆至软淋，有少少咬口，两款酱汁非常入味，下次一定要再来。麻辣东坡肉猪软骨刀削面 $72另一碗刀削面配麻辣东坡肉及猪软骨(+10)，汤底清甜，刀削面烟韧有弹性，拣选少辣既东坡肉，肉质入口即化，带少少麻辣，猪软骨口感软绵，配面好夹，越食越滋味。姜母茶 (+$8)热热既姜母茶，带些辛辣，姜味唔会过浓，与甜度都啱啱好。Zero (+$8)食麻辣配冻饮最夹，冰冰冻冻，口感好爽。
继续阅读
烟靭手工山西刀削面竟然系铜锣湾都有性价比高食物，店舖装修简洁，刀削面由师傅现削，口感烟韧，有汤面热拌或者冷面。价钱亲民抵食。麻辣猪软骨刀削面 + 水饺刀削面咬劲十足，猪软骨加上麻辣酱同蒜蓉，猪软骨炖到软嫩，一咬就化开，水饺亦皮薄馅多。麻辣猪扒刀削面 + 牛筋腩猪扒外酥内嫩，牛筋腩胶质满满，卤得超入味，配面吃超满足。红油抄手抄手皮滑馅鲜，红油香麻带甜，辣度刚好。花雕醉鸡鸡肉冰凉嫩滑，酒香浓郁，有少少甘甜，正。
继续阅读
我间唔中就会好想食即叫即削嘅刀削面，心目中有几间心水，今日放工就同老公黎左其中一间😊❤️口水风味冷拌刀削面加猪肚丝，手撕鸡口水汁几香，叫咗小辣啱啱好👍猪肚丝唔韧，手撕鸡带微微咸香味刀削面超级烟韧😋⭐️口水猪耳汤刀削面加竹笙猪耳份量多，爽口👍竹笙索汤刀削面虽然叫左爽D但都系略嫌有少少淋❤️冻豆浆自家制，唔会太甜，豆味浓郁😋#刀削面推介 #正宗刀削面 #山西刀削面 #中菜推介 #口水汁 #猪肚 #手撕鸡
继续阅读
成日食米线食到闷？想转吓口味？今日就去咗拾味山西刀削面馆试吓佢哋嘅招牌刀削面！🍜 一入到去就见到师傅即叫即削面，劲有睇头！ 我叫咗一碗牛筋腩热拌面，真系冇令我失望！首先，份量真系超级大！ 虽然只系叫咗一热拌面，但啲面多到差啲食唔哂，而且啲牛筋腩都好多～主角刀削面，真系好出色！ 师傅手功一流，削出嚟嘅面条厚薄不一，口感超烟韧，加上热拌嘅酱汁，面条完全挂汁，每一啖都充满酱汁嘅香味！ 个炸酱带少少辣，非常惹味！🌶️牛筋腩炆得啱啱好，够哂软淋入味，牛腩肥瘦适中，唔会太油腻！👍🏻 同刀削面简直系绝配！总括嚟讲，拾味山西刀削面馆嘅牛筋腩热拌面都真系几好食，CP 值唔错！
继续阅读
铜锣湾附近有间刀削面专门店，味道正宗，啲刀削面仲要系即叫即削㗎，所以食落特别烟韧有咬口，口感一流！讲到份量，超级大碗！价钱仲要好抵，大约$60蚊就有一大碗，仲可以加$6蚊就有热饮或者豆浆，真心系抵食夹大件！**口水冷刀削面**配料方面，手撕鸡好入味，索晒啲汁，猪肚丝又够爽口，捞埋烟韧嘅刀削面同埋冰凉嘅青瓜丝，口感好丰富，食落好开胃，夏天食真系一流呀！🧊🥢**热拌刀削面**配料就拣咗牛筋腩同炸猪扒。个牛筋腩炆到好腍好入味，一咬就化开，猪扒新鲜炸起，肉质鲜嫩又Juicy。热拌会配上招牌担担酱，仲可以嗌多酱，捞埋烟靭嘅刀削面好挂汁！
继续阅读