影片
更多
2024-09-24
6778 浏览
坊間唔少餐廳都有做點心放題，但呢間位於中環IFC嘅「唐述」推出嘅點心放題Brunch（$588+10%/位）絕對係我去過其中一間最高質嘅！餐廳位於交通方便嘅IFC，呢度嘅海景超靚、裝修同餐具都好精緻，最加分嘅係店員服務態度非常殷勤。個Brunch係fix左一份前菜同埋一碗湯，再自選一份主菜，而點心同埋甜品就任叫任食嘅！前菜擺盤10分精緻，當中嘅燒帶子、醃生蝦同埋蟶子都非常鮮甜！主菜方面，我同女朋友當日都揀咗蔥爆龍蝦：雖然隻龍蝦份量唔係好大，但係香氣撲鼻，而且龍蝦肉爽口彈牙，令人一試難忘！點心方面，每一款都各有特色！我最鍾意嘅係蝦餃、燒賣同埋小籠包，因為佢哋唔單止賣相好吸引，食落去更加係非常好味！除咗Regular嘅點心之外，我哋亦都可以任叫乾炒牛河、魚蓉粥等飽肚之選。呢兩款都好好味，而且上嚟嘅份量唔會話太大，如果想淺嘗嘅話都係非常適合嘅！甜品方面，每一款都造型滿分。我個人最鍾意嘅係貴妃玉露，用咗好甜嘅碌柚同埋石榴去整，唔會太甜得黎仲好refreshing！總結：唐述嘅weekend branch真係非常高質，每一樣食物我都好鍾意，有機會會再嚟！
餐廳位於交通方便嘅IFC，呢度嘅海景超靚、裝修同餐具都好精緻，最加分嘅係店員服務態度非常殷勤。
個Brunch係fix左一份前菜同埋一碗湯，再自選一份主菜，而點心同埋甜品就任叫任食嘅！
前菜擺盤10分精緻，當中嘅燒帶子、醃生蝦同埋蟶子都非常鮮甜！
主菜方面，我同女朋友當日都揀咗蔥爆龍蝦：雖然隻龍蝦份量唔係好大，但係香氣撲鼻，而且龍蝦肉爽口彈牙，令人一試難忘！
點心方面，每一款都各有特色！我最鍾意嘅係蝦餃、燒賣同埋小籠包，因為佢哋唔單止賣相好吸引，食落去更加係非常好味！
除咗Regular嘅點心之外，我哋亦都可以任叫乾炒牛河、魚蓉粥等飽肚之選。呢兩款都好好味，而且上嚟嘅份量唔會話太大，如果想淺嘗嘅話都係非常適合嘅！
甜品方面，每一款都造型滿分。我個人最鍾意嘅係貴妃玉露，用咗好甜嘅碌柚同埋石榴去整，唔會太甜得黎仲好refreshing！
總結：唐述嘅weekend branch真係非常高質，每一樣食物我都好鍾意，有機會會再嚟！
张贴
