Burgeroom (Fashion Walk)

营业中

休息中

先講環境，少少輕工業風嘅設計型格又不失優雅，乾淨企理座位坐得舒服，仲有戶外可以選擇😌我哋點咗大啡菇芝士牛肉漢堡包，呢絕對係一款邪惡但經典嘅美食！呢間漢堡最吸引嘅地方，就係佢嘅層次感：首先，多汁嘅牛肉經過精心調味，唔會太鹹又唔會唔夠味，肉質鮮嫩多汁，咬落去真係有肉汁流出嚟，好誇張！而每一啖都充滿牛肉香氣，再加上煎過嘅大啡菇，菇嘅香氣同口感增添咗好多風味，呢個配搭極力推薦俾大家！😜另外我哋仲加咗一粒煎蛋，不得了，個賣相靚到，蛋黃微微流出，同埋牛肉混合，味道認真一流。而芝士嘅濃郁味道同肉嘅鮮味相得益彰。漢堡嘅包皮外面仲有啲脆，入面就算軟熟為咗平衡油膩感，漢堡搭配咗新鮮嘅生菜同番茄，大大增添咗清新嘅感覺，食落去唔覺得油膩～另外，我哋加配咗薯餅，佢最特別嘅係配上一個藍莓醬，酥脆口感再加埋甜酸嘅味道真係又好味又夠特別。飲品方面，我哋叫咗新鮮嘅奇異果汁，出奇地好飲，嗰種fresh嘅感覺，正好中和咗漢堡嘅濃郁！