家賀屋

初訪家賀屋銅鑼灣分店 ，木系裝潢溫暖帶日式風情；菜單選擇多樣化，由經典到創意料理都有，可以搭配各式酒類飲品，其中生啤仲做緊半價每杯低至$34🤩 最重要係book枱時可以預訂店家出名既畫碟服務，師傅會係甜品碟上畫出客人自選既圖案，仲要質素超高！！🔸月見-極丼 打卡必點既豪華丼飯🥳鋪滿海膽、呑拿魚蓉、生蛋黃同三文魚子，順滑蛋黃及鮮甜海膽完美融合，三文魚子鹹香更為整體增添層次感，每一啖都係滿滿鮮味！🔸鹽燒仙台熟成牛舌芯 牛舌芯經熟成後口感更加柔嫩，鹽燒的方式突顯出牛舌原始香氣，帶有微微炭烤焦香🔸壽司 - 特大帆立貝、火炙左口魚裙邊帆立貝肉質鮮嫩多汁，搭配微酸壽司飯更能突顯食材鮮美；火炙左口魚裙邊則帶有一絲炙燒香氣，脂肪豐富但無膩感🤤🔸柴魚味噌蒜頭漬蒜頭漬過後辛辣感減少，反而多一層味噌醇厚同柴魚鮮味，用黎送酒食唔停口！🔸酒盜芝士煙燻蘿蔔漬 芝士奶香配鹹香酒盜本身已經好夾，同蘿蔔漬一齊食口感層次豐富，煙燻香更加惹味🔸吉列廣島蠔 炸得酥脆外皮包住飽滿多汁既廣島蠔，咬落去濃郁鮮味係口中爆發出黎！🔸阿波尾酢橘半熟雞肝串、汁燒雞爽肉串 雞肝串外層微焦，滑嫩但帶微酸酢橘香氣；雞爽肉串就比較多汁彈