三日月

营业中

休息中

想搵間有儀式感嘅餐廳慶祝生日，有朋友提議呢間，雖然價錢一啲都唔平，但食物嘅質素，服務同環境確實對得住呢個價錢有唔同嘅套餐選擇，我見呢個套餐做緊特價，有一個唔輸蝕嘅心態就想試吓😂和牛鵝肝帝王虎蝦一人前鐵板餐（$798）🥗前菜三小點相當清新開胃嘅前菜，沙律新鮮，水果香甜，另外豆腐豆香味超濃郁，口感都勁滑🥰🍣刺身有墨魚、吞拿魚同埋油甘魚，三款都好新鮮，油甘魚魚味濃郁，味道厚醇，吞拿魚口感嫩滑無根，墨魚爽口彈牙🥚茶碗蒸食到好濃嘅蛋香，入面仲有魚子，用材充足最開心就係見到師傅烹調食物嘅過程，喺佢哋開始燒嘢食之前，佢會向客人展示今日嘅食材，全部都睇落好新鮮，另外見到師傅嘅廚房相當整齊乾淨，我同朋友食得都好放心🐟深海野生白鱈魚呢個鱈魚煎得相當好味，下面有Creamy嘅醬汁，突出魚香嘅鮮味之餘，令到味道都更加豐富🪿香煎鵝肝呢個鵝肝超厚身，煎得好香，一口咬落去，滿嘴鵝香溶化開，令人好滿足🦐帝王虎蝦呢個虎蝦真係超吸引！超大隻，勁多肉，廚師好有心思咁起咗蝦肉之餘，又會還原到個虎蝦👍🏻最欣賞當然係咁味道啦，蝦肉相當新鮮彈牙，配搭濃郁嘅香草蕃茄醬，味道更加濃郁惹味🥩A4鹿兒島和牛薄燒卷真係我食過最好味嘅和牛卷，