好時沙嗲

营业中

休息中

去完尖沙咀行街，朋友推介呢間餐廳超值，一定要試下。既然時間尚早，唔使排隊，一於試下。海南雞飯，油飯幾香，海南雞雞肉幾滑，就算減肥嘅都忍唔到口食多2啖。馬拉盞通菜，幾大碟，味道還好。沙嗲串燒，好抵食，有豬肉，牛肉，雞肉串，肉質唔係特別滑，但唔係嚡嘅。不過重點係個沙嗲醬，好香花生味，有花生幼粒，增口感，鹹味適中，特別好食。咖喱牛腩，加薄餅。薄餅熱辣辣，粉唔厚。可惜個咖哩牛腩一般般，個汁較杰，薄餅食唔到好多咖哩汁，而且牛腩較老，唔好食。侍應介紹6點前，飲品半價，所以我地揀左珍多椰汁同涷涼粉，2杯飲品夠特色，半價後抵飲。