紅葉茶屋 (海之戀商場)

营业中

休息中

今日約埋老友一齊去荃灣碼頭釣夜魚，去之前走咗去海之戀商場搵食醫肚，行到3樓，有間新開的日本餐廳，見門口餐牌唔貴，即管入去試下。入到去被安排坐梳化卡位。坐位舒服，對於我這個肥佬來講坐落好鬆動，正。驚釣魚期間肚餓，我叫咗豪華壽喜燒定食，老友就叫了原條豪華茶漬飯。唔使10分鐘食物已到。馬上開動。和牛壽喜燒有兩款前菜柚子蘿蔔漬和牛蒡漬，仲有溫泉蛋和麵士湯➕埋碗熱辣辣的白飯，即刻開動試吓，牛肉沾上溫泉蛋比我係日本本土食的更加好味，菜和豆腐吸曬壽喜燒汁好入味，我連汁都飲埋。碗白飯充滿飯香，邊食牛肉餸白飯十分滿足。老友的豪華鰻魚茶漬飯認真過忍，有個小茶壺內裝咗D上湯，加入飯內認真正，條鰻魚十分肥美，今晚若釣到呢D肥美的魚就無死啦。食食吓先發覺呢間餐廳有個大平台有D仿真紅葉。都幾浪漫，下次老婆生日🎂帶佢來慶祝實無衰…..