小明珠

晏晝做完嘢經過牛頭角呢頭，見到呢間上海菜館睇落好正宗，好多客飯選擇，而且仲包例湯同豆漿，既然咁抵食就一於試吓。三鮮湯年糕份量好大碗，除咗上海年糕之外，入邊有蝦仁、冬菇、金華火腿同小白菜，夠晒豐富，而且湯底濃味之餘又唔會太鹹，想食啲暖笠笠嘅嘢就最適合不過。回鍋肉飯回鍋肉真係令我有驚喜嘅感覺，分量多之餘，調味十分惹味，肉同菜嘅比例各佔一半，客飯可以食到咁高質嘅回鍋肉，值得多啲嚟食！招牌小籠包既然係招牌，就一定要買來試吓，雖然皮唔算好薄，但係口感依然高質，餡料亦都好出色，而家仲做緊優惠每日1:30到3:00可以享有優惠$10兩隻， 非常抵食！上海春卷春卷每條都好夠份量，外皮香脆，入邊菜嘅比例比較多，所以唔會太漏太油膩。