PASTEAKO

座位安排得極差，坐咗唔夠半個鐘已經調咗三次位，第一次3個人坐2人枱，第二次兩張枱拍埋一齊望住埲牆面壁坐，第三次先叫做坐返張真正嘅三人枱。唔知以為自己食緊茶餐廳，啲意粉好難食超鹹，見到人哋有即場刨芝士喺個意粉度我哋冇，唔通呢啲服務係揀人做？因為我唔係KOL所以就冇？21:00去到係咁調位差唔多21:30左右先可以開始坐定定食嘢，10點左右連甜品都未上就開始趕人走，朋友生日一早講咗要蠟燭插牌又唔記得，搞到我哋要喺生日朋友面前即場同個侍應講，完全冇驚喜，明明10張枱有7張都係慶祝生日，每張枱都有大概五六個侍應唱生日歌，但我哋張枱得一個女仔嚟唱🙄，毫無氣氛。價錢唔平咁嘅服務質素同態度差到爆。大家都唔需要浪費錢去食啲咁冇質素咁難食嘅嘢。🙄