陶源酒家

营业中

休息中

公司請食飯選了這間，我們吃的是套餐圍菜，有vip包間，菜單上載比大家參考。食物方面，先上乳豬，皮脆可惜肥膏多了點，不過可能肚餓，味道還算不錯。第二道上鮑魚炆鵝掌，很好吃，陶源出名鮑魚，可能我們叫的不是貴價餐，但鮑汁入味，鵝掌夠淋，唯鮑魚有少許不夠淋，但亦算出色。第三個龍蝦伊麵，亦算不錯，味夠香濃。元貝珊瑚蛽中規中矩。今晚最出色係花膠湯，味香濃，花膠不會太淋有咬口，應該不是同湯一齊煲太耐。蟹肉扒翡翠苗完全唔掂，菜苖過老又粗，見到都無胃口。黃金雞為一般水準，可接受。最後有飯同水餃可選，因太飽吃了水餃，算不錯，亦算貼心。水果同甜點就無驚喜，最後埋單好似400幾500一位，不算便宜，不過公司比錢就算啦